Saturday, August 20, 2011

ဂေါဆရာတော်၊၊ ၊၊




မြန်မာနှင့် သီရိလင်္ကာ သာသနာရေးဆက်ဆံမှုသမိုင်းသည် ပုဂံခေတ်ဦးပိုင်း၊ ပံသုကူမထေရ်၊ ဥတ္တရာဇီဝ မထေရ်နှင့် တပည့်-ဆပ္ပဒသာမဏေတို့လက်ထက်မှ စတင်ခဲ့သည်ဟု သမိုင်းအထောက်အထားများအရ သိရပါသည်၊၊ သို့သော်ထိုခေတ်က သီရိလင်္ကာနိုင်ငံတွင် မြန်မာကျောင်းတည်ထောင်ခဲ့ခြင်း မရှိခဲ့ပါ၊၊

(၁၉၀၁)ခုနှစ်တွင် သီရိလင်္ကာနိုင်ငံသို့ သာသနာပြုကြွတော်မူခဲ့သော ဆရာတော်ကြီးဦးဝိနယာလင်္ကာရနှင့် (၁၉၅၂)ခုနှစ်တွင်ကြွခဲ့ကြသော ဆရာတော်ကြီးဦးညာဏိန္ဒတို့သည် သီရိလင်္ကာနိုင်ငံတွင် မြန်မာကျောင်းတိုက်
ကြီးများတည်ထောင်၍၊ သာသနာပြုခဲ့ခြင်းကြောင့် ယနေ့တိုင်မြန်မာကျောင်းတိုက်ကြီးများကို သီရိလင်္ကာတွင် တွေ့မြင်နေရပါသည်၊၊

ဆရာတော်ကြီး ဦးဝိနယာလင်္ကာရတည်ထောင်ခဲ့သော ကျောင်းတိုက်ကြီးငါးခုအနက်မှ ကျောင်းတိုက်ကြီး သုံးတိုက်ကို ယနေ့တိုင်မြန်မာသံဃာတော်တို့ကပင် ပိုင်ဆိုင်ရရှိထားဆဲဖြစ်ပါသည်၊၊ "ဂေါဆရာတော်ကြီး"ဟုအသိများသော ဆရာတော်ဦးညာဏိန္ဒတည်ထောင်ခဲ့သော မြန်မာကျောင်းတိုက်ကြီးမှာမူယ္ခုအခါ သီရိလင်္ကာဘုန်းတော်ကြီးများက ပိုင်ဆိုင်သွားကြပြီဖြစ်ပါသည်၊၊


ဆရာတော်ကြီး ဦးညာဏိန္ဒသည် သီရိလင်္ကာနိုင်ငံ၏မြို့တော် ကိုလံဘိုနှင့်ကီလိုမီတာ (၁၁၆)ခန့်ဝေးသော ဂေါမြို့(Galle city)တွင် “၀ဲကုဏဂေါဓ ဓမ္မာယတန-မြန်မာကျောင်း"အမည်ဖြင့် ကျောင်းတိုက်ကြီးတစ်ခုကို တည်ထောင်၍ သီရိလင်္ကာပြည်သူတို့အား ဗုဒ္ဓ၏လေးနက် သည့် “အဘိဓမ္မာနှင့်၊ ၀ိပဿနာနည်း”များကိုဟောပြော၊ သင်ပြသာသနာပြုတော်မူခဲ့သည်ဟု လေ့လာရပါ သည်၊၊

ကိုလံဘိုမြို့တော်နှင့် ခရီးအတန်ဝေးသောနေရာဖြစ်သဖြင့် မြန်မာသံဃာတော်တို့ အရောက်နည်းသော ဒေသတစ်ခု ဖြစ်ပါသည်၊၊ ယ္ခုအခါ ဂေါဆရာတော်ကြီး၏ မြန်မာကျောင်းဟောင်းလိပ်စာကို သိသည့် သံဃာတော်ပင် အတော်နည်းပါးလာပြီ ဖြစ်သည်၊၊

“အလင်းစက်အရှင်”နှင့် သူငယ်ချင်းများစုပေါင်း၍ "ဂေါမြို့"သို့ အပမ်းဖြေခရီးထွက်ကြရန်တိုင်ပင်ပြီး၊ ကားငှားခြင်း
စသည့် ခရီးအတွက်လိုအပ်သည်များကို ပြင်ဆင်ကြသည်၊၊ ဂေါမြို့သည် သီရိလင်္ကာနိုင်ငံ၏တောင်ပိုင်းတွင် တည်ရှိပြီး ပင်လယ်ဆိပ်ကမ်းမြို့လေးဖြစ်သဖြစ် ရှုခင်းလွန်စွာလှပသည်ကို တွေ့ရသည်၊၊

ယူရိုပီယံပုံစံအိမ်ကြီး၊ အိမ်ကောင်းများကိုဆောက်လုပ်နေထိုင်ကြ၍ သူဌေးသူကြွယ်များသောမြို့ဟုလည်း သိရသည်၊၊ ဂေါလမ်းခရီးတလျောက်တွင်လည်း ရှေးကြပြီး၊ ခန့်ငြားသည့်စေတီပုထိုးများ၊ ရုပ်တုတော်ကြီး များကို များစွာပင်ဖူးတွေ့ရသည်၊၊

များမကြာသေးမှီနှစ်အနည်းငယ်က "ဆူနာမီရေလှိုင်းဒဏ်"ကိုခံခဲ့ရသည့် ဂေါမြို့လေးနှင့်၊ ဂေါမြို့အပိုင် ကျေးရွာများမှ ဆူနာမီအမှတ်တရ စေတီတော်ကြီးများ၊ ရုပ်တုတော်များတည်ဆောက်ထားသည်ကိုလည်း ကရုဏာသက်ဖွယ်တွေ့မြင်ခဲ့ရသည်၊၊ ဆူနာမီတွင် လူပေါင်းနှစ်သိန်းကျော်မျှ သေဆုံးခဲ့ရကြောင်းကိုလည်း “ဆူနာမီအထိမ်းအမှတ် ဂျပန်ဘုရား”တွင် မှတ်တမ်းပြုထားသည်ကို တွေ့ခဲ့ရသည်၊၊

နံနက် (၆)နာရီတွင် ကိုလံဘိုမြို့၊ မကုဋာရာမကျောင်းတိုက်မှ ထွက်ခဲ့သောအရှင်တို့ကားလေးသည် ဂေါမြို့သို့ ညနေ(၃)နာရီခန့်တွင် ရောက်ပါသည်၊၊ ဂေါမြို့သည် အင်္ဂလိပ်ခေတ်က ခံတပ်မြို့ဖြစ်သည့်အတွက် “ဂေါခံတပ်”ကြီးများမှာ မြင်ရသူတို့ရင်သတ်ရှုမောဖွယ် ခန်းနားလှပနေပါသည်၊၊

ရှေးခေတ်က သီရိလင်္ကာ၏ မြို့ဟောင်းဖြစ်သည်ကတစ်ကြောင်း၊ အင်္ဂလိပ်ခေတ် ခံတပ်ဟောင်းကြီးရှိနေသည် ကတစ်ကြောင်း၊ လှပသည့်ဆိပ်ကမ်းမြို့လေးဖြစ်နေသည်က တစ်ကြောင်းစသောအကြောင်းများကြောင့် ဂေါမြို့ တွင်နိုင်ငံခြား လေ့လာရေးခရီးသည်များနှင့်ပြည့်နေသည်ကို သတိပြုမိသည်၊၊

ဂေါမြို့ဝန်းကျင်နေရာအနှံ့သို့ လည်ပတ်လေ့လာပြီးသောအခါ ဂေါဆရာတော်ကြီး(၄၁)နှစ်ကြာ၊ သီတင်းသုံးပြီး၊ သာသနာပြုခဲ့ရာ မြန်မာကျောင်းလေးသို့ သွားကြ ရန်လိပ်စာကို စုံစမ်းကြရတော့သည်၊၊

ခရီးတွင်လိုက်ပါကြသည့် “အလင်းစက်”တို့ သူငယ်ချင်းတစ်ပါးမှလိပ်စာသိသူမရှိကြ၍ လမ်းဘေးတိုလီ၊မိုလီ ပစ္စည်းများကို နိုင်ငံခြားသားများသို့ရောင်းနေသည့်ဈေးဆိုင်ကို Where located Buruma Temple? ဟုမေးကြည့်သောအခါ ထိုနေရာမှအတန်ဝေးသည့် တောင်ကြီးတစ် ခုအပေါ်သို့လက်ညှိုးထိုးပြပြီး တောင်ပေါ်တွင်တည်ရှိကြောင်း လမ်းညွှန်လိုက်သည်၊၊

ထိုတောင်ပေါ်သို့ နှစ်နာရီခန့်မျှကားနှင့် လိုက်လံရှာဖွေသော်လည်း အနှီမြန်မာကျောင်း၏ အရိပ်အယောင်ကို မတွေ့ရသဖြင့် ကိုလံဘိုသို့ဖုံးဆက်ပြီး နာယကဆရာတော်ထံတွင် ဂေါဆရာကြီး၏ကျောင်းလိပ်စာကို မေးရတော့သည်၊ နာယကဆရာတော်ကလည်း လိပ်စာကိုမသိကြောင်း၊ ဂေါတွင်အိမ်ထောင်ကျနေသည့် မြန်မာဒကာမကြီးတစ်ဦးရှိကြောင်း၊ ဖုံးဆက်မေးဖို့ပြောပြီး ဒကာမကြီး၏ဖုံးနံပတ်ကို ပေးလိုက်သည်၊၊

ဒကာမကြီးကို ဖုံးဆက်မေးတော့မှ ဂေါဆရာတော်ကြီး၏ကျောင်းတိုက်သည် တောင်ပေါ်တွင်မဟုက်ဘဲ မြို့လယ်တွင်ဖြစ်နေသည်ကို သိလိုက်ရသည်၊ ကားဆရာကို မြို့တွင်းသို့ပြန်လည်မောင်းခိုင်းပြီး၊ အဆင့်ဆင့် မေးမြန်းရင်းဖြင့် ည(၇)နာရီမှောင်ရီဆမ်းကာမှ “ဂေါမြန်မာကျောင်းတိုက်”သို့ခက်ခဲစွာ ရောက်ရတော့သည်၊၊ “ဂေါ-မြန်မာကျောင်းတိုက်သည် မြန်မာသံဃာတော်တို့နှင့် ကံမစပ်လေဟန်တကား”ဟုလည်း ဆင်ခြင်မိသည်၊၊

ဂေ-ါမြန်မာကျောင်းတိုက်သည် တောင်ခြေတွင်တည်ရှိပြီး တောအုပ်အစပ်ဖြစ်သည်၊၊ တရားဘာဝနာဖြင့် ပျော်မွေ့လိုသူများအတွက် အလွန်သင့်လျော်သောနေရာလေး ဖြစ်သည်၊၊ လူသူတိတ်ဆိပ်ပြီး၊ အေးချမ်းသည့် ကျေးငှက်များ၏တွန်မည်သံကို အစဉ်ပင်ကြားနေရသည်၊၊

ဂေါဆရာတော်ကြီးသည် ဤကျောင်းတိုက်ကြီးကိုတည်ထောင်ပြီး ဒေသခံပြည်သူများကို ပညာသင်ပေးရုံမက အောင်မြင်သည့်သာသနာပြုဆရာတော်ကြီးတစ်ပါးဖြစ်တော်မူခဲ့သည့်အတွက် ဆရာတော်ကြီးမရှိတော့ သည်မှာနှစ်များစွာကြာခဲ့သည်တိုင် ဆရာတော်ကြီး၏အမည်ကို ကလေးမှအစသိနေကြပြီး၊ ကျောင်းတိုက်
ကိုလည်း သီရိလင်္ကာနာမည်သို့ပြောင်းထားသည့်တိုင် “ဗုဒုမကျောင်း”ဟုပင် သီရိလင်္ကာအသံမပီတပီဖြင့် ခေါ်တွင်နေကြသည်ကို လွမ်းမောဖွယ်တွေ့ခဲ့ရသည်၊၊

“ဗုဒုမ”ဟူသည်မှာ Burmaကို“ဗားမား”ဟုထွက်ရမည့်အစား သီရိလင်္ကာကုလားအသံဖြင့်“ဗုဒုမ”ဟု ခေါ်ဆိုခြင်းဖြစ်ပါသည်၊၊

ဂေါဆရာတော်ကြီး၏ကျောင်းတိုက်တွင် ဆရာတော်ကြီးမရှိတော့သော်လည်း ဆရာတော်ကြီးနေသွားသည့် အခန်းကိုမူလအတိုင်းထားထားသည်ကို တွေ့ရသည်၊ ဆရာတော်ကြီး၏ အသုံးအဆောင်ပစ္စည်းများကိုလည်း စနစ်တကျသိမ်းဆည်းထားသည့်အပြင်၊ ကျောင်းတိုက်၏အတွင်းနံရံတွင်ဆရာတော်ကြီး၏ ဗီနိုင်းပုံကြီးကိုခန်း လုံးပြည့်ချဲ့ပြီး ချိပ်ထားသည်ကိုတွေ့ရသည်၊၊

လက်ရှိ ဂေါမြန်မာကျောင်းတိုက်ကို ပိုင်ဆိုင်ထားသည့် သီရိလင်္ကာဘုန်းကြီးလေးမှာ ဂေါဆရာတော်ကြီး၏ တပည့်အရင်းဖြစ်ပြီး၊ မြန်မာတို့၏စိတ်ဓာတ်ကို အလွန်လေးစားသည်ကိုလည်း တွေ့ခဲ့ရသည်၊၊ မြန်မာကျောင်း တိုက်သို့ မြန်မာသံဃာတော်လေးများ လာရောက်လည်ပတ်သည်ကို အလွန်ဝမ်းသာကြည်နူးနေဟန်၊ မရှိတော့သည့်ဆရာတော်ကြီးကိုလည်း လွမ်းမောလေဟန် စိတ်မကောင်းဖွယ်တွေ့ခဲ့ ရသေးသည်၊၊

“အလင်းစက်”တို့ သူငယ်ချင်းများ ဂေါမြန်မာကျောင်းတိုက်မှထွက်ခွါခဲ့ကြီး၊ ည (၁၂)ခန့်တွင် ကိုလံဘို၊ မကုဋာရာမကျောင်းတိုက်သို့ ပြန်လည်ရောက်ရှိခဲ့ကြတော့သည်၊၊ ဂေါဆရာတော်ကြီး၏ကျောင်းတိုက်နှင့် သာသနာပြုစိတ်ဓာတ်တို့ကိန်းအောင်းရာ ဂေါကျောင်းတိုက်ကို နောင်လာနောက်သား ညီတော်၊ နောင်တော် များသိရှိ၊ ဗဟုသုတဖြစ်ကြစေရန် ဤခရီးသွားမှတ်တမ်းကို တင်ပြခြင်းဖြစ်ပါသည်၊၊ ယ္ခုအခါ ဂေါဆရာတော်ကြီး၏ အားကျဖွယ်အတ္ထုပ္ပတ္တိကို တင်ပြပါမည်၊၊

ဂေါ-ဆရာတော်လောင်းလျာသည် ရန်ကုန်တိုင်း၊ သန်လျင်မြို့၊ မြို့ဟောင်းဈေးတန်းရပ်နေ ကားအင်ဂျင်နီယာ-ဦးစံသူ၊ ဒေါ်ဖွားရှင်တို့မှ (၁၂၇၆)ခု၊ ၀ါဆိုလပြည့်ကျော် (၁)ရက်၊ အင်္ဂါနေ့၊ (၁၉၁၄)ခုနှစ်၊ ဇူလိုင်လတွင် ဖွားမြင် တော်မူပါသည်၊၊

ဆရာတော်လောင်းလျာသည် အသက် (၁၆)နှစ်အရွယ်၊ (၁၂၉၂)ခုနှစ်၊ ကဆုန်လဆန်း (၁)ရက်၊ တနင်္ဂနွေနေ့တွင် သန်လျင်မြို့၊ ပထမဘုံပြန်ဆရာတော်ကြီး ဘဒ္ဒန္တသုဇာတအရှင်မြတ်ကို ဥပစ္ဇျာယ်ပြုလျက် ခမည်းတော်+မယ်တော်တို့၏ပစ္စယာနုဂ္ဂဟကိုခံယူကာ ရှင်သာမဏေအဖြစ်သို့ ရောက်တော်မူပါသည်၊၊ ဘွဲ့အမည်မှာ အရှင်ညာဏိန္ဒဖြစ်ပါသည်၊၊

(၁၂၉၆)ခုနှစ် နယုန်လဆန်း (၁၀)ရက် အင်္ဂါနေ့တွင် ခရမ်းမြို့ ဓမ္မိကာရာမရွှေကျင်ကျောင်းသစ်တိုက် သိမ်တော်ကြီးဝယ် ပထမဆရာတော်ဘုရားကြီး ဘဒ္ဒန္တနန္ဒိယကိုဥပစ္ဇျာယ်ပြု၍၊ ခရမ်းမြို့၊ မြေပိုင်ရှင်-ဦးတင်+ ဒေါ်စုတို့၏ပစ္စယာနုဂ္ဂဟဖြင့် မြင့်မြတ်သောရဟန်းအဖြစ်သို့ ရောက်တော်မူခဲ့ပါသည်၊၊ ဂေါ-ဆရာတော်ကြီးကို ဦးမောင်မောင်+ဒေါ်ခင်စောရွှေမိသားစုတို့မှ သိက္ခာထပ်လှူခဲ့ကြပါသည်၊၊

ဆရာတော်လောင်းလျာသည် ဘုံပျံကျောင်း၊ တိုက်အုပ်ဆရာတော် ဘဒ္ဒန္တက၀ိထံတွင် အခြေခံကျမ်းစာများကို သင်ကြားပြီးနောက် ခရမ်းမြို့၊ ဓမ္မိကာရာမရွှေကျင်ကျောင်းသစ် ဆရာတော်ဘဒ္ဒန္တ နန္ဒိယ၊ တိုက်အုပ်ဆရာတော် ဘဒ္ဒန္တညေယျ၊ တိုက်ကျပ်ဆရာတော် ဘဒ္ဒန္တဆန္ဒ၊ စာချဆရာတော် ဘဒ္ဒန္တအိန္ဒာသဘ၊ ဘဒ္ဒန္တပုည၊ အဘိဓမ္မာဝိဘာဝနီဋီကာကျော်ယောဇနာကျမ်းပြု ဘဒ္ဒန္တညာနိန္ဒာသဖ (ဆရာကြီး ဦးစံလင်း)၊ ကျိုက်လတ်မြို့၊ မစ္ဆိမာရုံမဟာရွှေကျင်တိုက် သတ္တမရွှေကျင်နိကာယဥက္ကဌ၊ သာသနာပိုင် ဆရာတော် ဘဒ္ဒန္တကေလာသ၊ စာချဆရာတော် နန္ဒက၊ နာရဒါဘိဝံသစသောစာချဆရာတော်များအထံတွင် ပါဠိ၊ အဌကထာ၊ ဋီကာ၊စသောကျမ်းဂန်များကို နည်းစုံအောင် သင်ကြားတော်မူခဲ့ပါသည်၊၊

ဆရာတော်သည် ရဟန်း (၁၀)၀ါအရတွင် ခရမ်းမြို့၊ ဓမ္မိကာရာမရွှေကျင်ကျောင်းသစ်သို့ ပြန်ကြွတော်မူပြီး၊ စာသင်သားတို့အား (၈)နှစ်တိုင် စာပေပို့ချခဲ့ပါသည်၊၊ ရဟန်း (၁၈)၀ါအရ (၁၉၅၂)ခု ဇူလိုင်လ (၁၉)ရက်နေ့ တွင် သီရိလင်္ကာနိုင်ငံသို့ကြွတော်မူပြီး ဗုဒ္ဓဘာသာဝင် သီရိလင်္ကာလူမျိုးတို့အား ဗုဒ္ဓတရားတော်များကို သီရိလင်္ကာဘာသာဖြင့် ဟောကြားတော်မူခဲ့ပါသည်၊၊

ဆရာတော်သည် သီရိလင်္ကာနိုင်ငံတွင်နေတော်မူခိုက်- - -
(၁) ကိုလမ်ဘိုမြို့ မဟာဝိသုဒ္ဓါရာမယကျောင်းတိုက်၊
(၂) နုဂေဂေါဓ၊ သိရီဓမ္မာရာမယကျောင်းတိုက်၊
(၃) မဟိန်တလေ၊ ကာလုဒိယပေါကုဏကျောင်းတိုက်၊
(၄) မာတလေ ပါလေပေါလသေနာသနကျောင်းတိုက်၊
(၅) မဟာနုဝရ၊ ကန္နီ-ဆေနာနာယကာရာမယကျောင်းတိုက်၊
(၆) ကလပလုဝါ၀၊ တပေါဝနာရာမယကျောင်းတိုက်၊
(၇) မာတရ၊ ဥဒုကာဝေ ၀ဇိရာရာမယကျောင်းတိုက်၊
(၈) ဒိယတလာဝ၊ ညာဏာရာမ ၀ိဝေကာရာမယကျောင်းတိုက်၊
(၉) ဥတုရုတလာလ သန္တ၀ိဝေကာရာမယကျောင်းတိုက်၊
(၁၀) ဒေါဒန်းဒူဝ၊ ပေါလဂဿဒူဝ သေနာသနကျောင်းတိုက်၊
(၁၁) ဂေါမြို့- ၀ဲကုဏဂေါဓ ဓမ္မာယတန-မြန်မာကျောင်းတိုက်တို့၌ လှည့်လည်သီတင်းသုံး၊ သာသနာ ပြုတော်မူခဲ့ပါသည်၊၊

ဒေဟိဝလ၊ ယက္ကမန၊ ဒေဏမန၊ ၀လသမူလ၊ နာရန်ဂမူ-အစရှိသောဌာနတို့၌ သီတင်းသုံးလျက် အနှစ်(၄၁) တိုင်အောင် သီရိလင်္ကာဒါယကာ ဒါယိကာမတို့အား ဗုဒ္ဓတရားတော်များကို သင်ကြားတော်မူခဲ့ပါသည်၊၊

ဆရာတော်သည် သီရိလင်္ကာနိုင်ငံတွင် သီတင်းသုံးတော်မူခိုက် - - -
(၁) ယမိုက်ဆယ်ကျမ်း၊
(၂) မဟာစည်ဆရာတော်၏ “၀ိပဿနာရှုဖွယ်ကျမ်း”
(၃) မဟာစည်ဆရာတော်၏ “တရားအားထုတ်ရသည့်အကြောင်းကျမ်း”၊
(၄) မစိုးရိမ်ဆရာတော်၏ “ပဌာန နယူပဒေသကျမ်း”၊
(၅) ဘဒ္ဒန္တနာရဒါဘိဝံသ၏ “မြန်မာပြန်သဂြိုဟ်ကျမ်း”၊
(၆) အရှင်ဇနကာဘိဝံသ၏ “၀ီထိသုံးချက်စုကျမ်း”၊စသည်တို့ကို သီရိလင်္ကာဘာသာသို့ ပြန်ဆိုတော်မူခဲ့ ပါသည်၊၊

ဆရာတော်သည် သီလ၊ သမာဓိ၊ ပညာ၊ ခမာ၊ ဇာဂရိယ၊စသောဂုဏ်တို့နှင့် ပြည့်စုံတော်မူသဖြင့် သီရိလင်္ကာ နိုင်ငံရှိ နိုင်ငံတော်အကြီးအကဲခေါင်းဆောင်ကြီးများနှင့် ဗုဒ္ဓဘာသာဝင်တို့၏ ကြည်ညိုလေးစားမှုကိုခံယူရရှိ တော်မူပါသည်၊၊

ဆရာတော်အား ပြည်ထောင်စုမြန်မာနိုင်ငံတော် အစိုးရမှ (၁၃၅၄)ခုနှစ်တွင် “အဂ္ဂမဟာပဏ္ဍိတဘွဲ့တံဆိပ်”တော်ကို ဆက်ကပ်လှူဒါန်းခဲ့ပါသည်၊၊ ဆရာတော်သည် သက်တော် (၇၇)နှစ် သိက္ခာတော် (၅၇) ၀ါရှိပြီဖြစ်သည်၊၊

မြန်မာနိုင်ငံရှိ တပည့်ဒါယကာဒါယိကာမအများဆွေမျိုးများ၏ လျောက်ထားတောင်းပန်ချက်အရ နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီဥက္ကဌဗိုလ်ချုပ်မှူးကြီးသန်းရွှေနှင့်၊ ကျောင်းဒါယကာ+ကျောင်းဒါ ယိကာမများဆောက်လုပ်လှူဒါန်းသော ရန်ကုန်မြို့၊ တာမွေမြို့နယ်၊ နတ်ချောင်းရပ်၊ "မြန်မာ-သီရိလင်္ကာရာမကျောင်းတိုက်"၌ (၁၉၉၄)ခုနှစ်မှစတင်၍သီတင်းသုံးတော်မူကာ ပြည်တွင်း၊ ပြည်ပသာသနာပြုတော်မူပါသည်၊၊

ဂေါဆရာတော်ကြီး၏ အတ္ထုပ္ပတ္တိကို လေ့လာမှတ်သားပြီး၊ ဆရာတော်ကြီးကဲ့သို့အောင်မြင်သည့် သာသနာပြု ဖြစ်ပါရစေကြာင်းနှင့်၊ ဗုဒ္ဓရှင်တော်၏ သဒ္ဓမ္မသုံးဖြာသာသနာတော်တွင် အောင်မြင်သည့်သာသနာပြုဆရာတော်များ ပေါ်ထွန်းလာပါစေကြောင်း "အလင်းစက်အရှင်" ဆုတောင်းအပ်ပါသည်၊၊ ၊၊

(မှတ်ချက်/ ဂေါ-ဆရာတော်ကြီး ကိုယ်တိုင်ရေးသားတော်မူခဲ့သည့် “စတုရာရက္ခရှုဖွယ်ကျမ်း,နှင့်၊ ပုဂံခရီးသည် (ပါရဂူ)”စသည်တို့ကို ကိုးကား၍ ရေးသားတင်ပြအပ်ပါသည်၊၊ ဂေါခရီးသွားမှတ်တမ်း ဓာတ်ပုံများကို ညာဘက်ကော်လံတွင် လေ့လာကြည့်ရှုနိုင်ပါသည်၊၊)



မေတ္တာဖြင့် - - -
အရှင်ကေ၀လ(အလင်းစက်)
မကုဋာရာမ-မြန်မာကျောင်းတိုက်၊
ကိုလံဘိုမြို့၊ သီရိလင်္ကာနိုင်ငံ၊၊
(၁၄.၈.၂၀၁၁)

အပြည့်အစုံသို့....

Sunday, August 7, 2011

ဆရာတော် ဦးကေလာသ၊၊ ၊၊



မကုဋာရာမမြန်မာကျောင်းတိုက်ကြီးတွင် ကျောင်းတိုက်ကြီးကိုမူလတည်ထောင်တော်မူခဲ့သည့် ဆရာတော်ကြီး ဦးဝိနယာလင်္ကာရ၊ ဒုတိယ-၀ိဟာရာဓိပတိ ဆရာတော်ဦးသိဂ္ဂ၀တို့ပြီးလျင် ကျေးဇူးတင်ထိုက်သည့် ဆရာတော်ကြီးမှာ “ဆရာတော်ဦးကေလာသ”ဖြစ်ပါသည်၊၊

ဆရာတော်ဦးကေလာသသည် အနေရိုးလွန်းသောကြောင့်တစ်ကြောင်း၊ နှိမ်ချ၍နေလေ့ရှိသည်ကတစ် ကြောင်းစသောအကြောင်းများကြောင့် သီရိလင်္ကာနိုင်ငံ၊ မကုဋာရာမကျောင်းတွင်နေထိုင်၍ ပညာသင်ပြီးသွား ကြသည့်တိုင် ဤဆရာတော်ကြီးကို သိသူနည်းပါးပါသည်၊၊

မကုဋာရာမမြန်မာကျောင်းတိုက်ကြီးကို စစ်အတွင်းတွင် အစားအသောက်ဆင်းဆင်းရဲရဲဖြင့်၊ ဗုံးဒဏ်၊ သေနတ်ဒဏ်နှင့်၊ သူခိုး၊ ဓားပြဒဏ်များအကြားတွင် ရသမျှအစားအသောက်လေးများနှင့် တင်းတိမ်မျှ
တလျက် ကျောင်းတိုက်ကြီးမြန်မာတို့လက်မှ မပပျောက်ရေးအတွက်အသက်စွန့်၍ စောင့်ရှောက်တော်မူခဲ့သည့် ဆရာတော်ဦးကေလာသ၏ကျေးဇူးကို မှတ်တမ်းတင်သင့်လှသည်၊၊

ဆရာတော်ဦးကေလာသ၏ နောက်ဆုံးစောင့်ရှောက်ကာကွယ်မှုကြောင့်သာ မကုဋာရာမမြန်မာကျောင်း တိုက်ကြီးသည် ယနေ့အချိန်အထိဆက်လက် အသက်ရှင်လာရခြင်းဖြစ်သည်ဟုဆိုလျင် မှားနိုင်မည်မထင်ပါ၊၊

ဆရာတော်ဦးကေလာသသည် ကျောင်းတိုက်ကြီးကို နောက်ဆုံးထိမ်းသိမ်းပြီး စာသင်သားသံဃာ တော်များ၏လက်သို့ အပ်နှံခဲ့သည့်ကျေးဇူးရှင် ဆရာတော်ကြီးဖြစ်ပါသည်၊၊ ထို့အတွက်ကြောင့် ဆရာတော် ကြီး၏အတ္ထုပ္ပတ္တိကို နောင်လာနောက်သား ညီတော်၊ နောင်တော်များမှတ်သားနိုင်စေရန် တင်ပြအပ်ပါသည်၊၊

ဆရာတော်ဦးကေလာသကို မကွေးတိုင်း၊ မြင်ကွင်းမြို့နယ်၊ ကျွန်းပြတ်ကြီးရွာ၊ ဦးထွန်းသစ်၊ ဒေါ်ပုတို့မှ (၁၂၈၂)ခု၊ ကဆုန်လဆန်း (၁၀)ရက်၊ တနင်္လလာနေ့တွင် ဖွားမြင်ပါသည်၊၊

အသက်(၁၃)နှစ်အရွယ်တွင် ရှင်သာမဏေအဖြစ်သို့ ရောက်ရှိခဲ့သည်၊၊ (၁၃၀၂)ခုနှစ် ပြာသိုလပြည့် ကျော်(၈)ရက်တွင် ကျွန်းပြတ်ကြီးရွာ၊ ဥဒကုက္ခေပသိမ်၌၊ မယ်လှတောင်ရွာ ဆရာတော်ဦးသုမင်္ဂလကို ဥပစ္ဇျာယ်ပြုလျက် ခမည်းတော် မယ်တော်တို့၏ ပစ္စယာနုဂ္ဂဟကို ခံယူကာမြင့်မြတ်သော ရဟန်းအဖြစ်သို့ ရောက်ရှိတော်မူသည်၊၊

အသက်(၁၁)အရွယ်တွင် ရွာကျောင်းဆရာတော် ဦးညာဏ၊ ဆရာတော်ဦးပဏ္ဍိစ္စ၊ မန္တလေးမြို့၊ တောင် ပြင်ဘုရားကြီးကျောင်းတိုက် ဦးသာသနကျောင်းဆရာတော် ဦးအာစိဏ္န၊ မကွေးမြို့၊ မဟာဝိသုတာရာမတိုက် ဆရာတော်ဦးပဒုမ၊ မင်းဘူးမြို့ တောရကျောင်းတိုက်၊ ဆရာတော်ဦးတိလောက၊ ရန်ကုန်မြို၊့ ခြောက်ထပ်ကြီးဘုရားကြီးကျောင်းတိုက် ဦးသာဂရ၊ စသောဆရာတော်များအထံတွင် စာပေများကို ကျမ်းကြီးပေါက် သင်ယူတော်မူပါသည်၊၊

ဆရာတော်သည် ရန်ကုန်မြို့၊ ကြည့်မြင်တိုင်၊ ဗားကရားကျောင်းတိုက် သာယာဝတီကျောင်းဆရာတော် ဦးဝါယမ၏ ခွင့်ပြုချက်ဖြင့် သီဟိုဠ်ကျွန်းသို့သာသနာပြုကြွရန်တိုက်တွန်းမအရ (၁၉၅၁)ခုနှစ်၊ ဇူလိုင်လ(၁၇) ရက်နေ့၊ ညနေ(၃)နာရီတွင် ကုလံဘိုဆိပ်ကမ်းသို့ရောက်ရှိပြီး၊ ကိုလံဘိုမြို့၊ မကုဋာရာမကျောင်းတိုက်၌ ဆရာတော်ဦးဝိနယာလင်္ကာရထံတွင်နေထိုင်ရင်း သာသနာရေးကိစ္စများကို စွမ်းစွမ်းတမံဆောင်ရွက်ခဲ့ပါသည်၊၊

သီဟိုဠ်ကျွန်းတွင် သာသနာရေးကိစ္စများကို ဆောင်ရွက်ရာ၌ သိမ်သမုတ်ပေးခြင်း၊ ရဟန်းခံပေးခြင်းစသော သံဃာ့ကံများကို ကြိုးပမ်းဆောင်ရွက်တော်မူခဲ့ပါသည်၊၊

(၁၉၆၂)နှစ်၊ သီရိလင်္ကာအစိုးရမှ သီရိလင်္ကာရှိ နိုင်ငံခြားသားများအား နေထိုင်ခွင့်ဗီဇာကြေးပေးဆောင်ရန် ဥပဒေပြဌာန်းလိုက်ရာ ထိုဗီဇာခွန်ပေးဆောင်ခြင်းမှ မြန်မာနိုင်ငံသားသံဃာတော်များ ကင်းလွတ်ခွင့်ရရန် အတွက် “လင်္ကာဝါသီမရမ္မိက ဘိက္ခုသမိတိယ”အမည်ရှိ အဖွဲ့အနေဖြင့်မေတ္တာရပ်ခံခဲ့ရာ လွတ်ငြိမ်းခွင့်ရရှိခဲ့ပါသည်၊၊

(မှတ်ချက်/ ဆရာတော်ကြီး ဦးကေလာသသည် သီရိလင်္ကာအစိုးရထံမှ ဗီဇာခွန်ကင်းလွတ်ခွင့်ကို သတ္တိရှိရှိ တောင်းခံအောင်မြင်ခဲ့သော်လည်း ယ္ခုအခါမြန်မာပြည်အစိုးရထံမှ (2010)မှစတင်၍ ပတ်စပို့အသစ်လဲရာတွင် ပေးဆောင်ရသည့် ဒေါ်လာ(၁၀၀)အခွန်ကို မြန်မာစာသင်သားသံဃာတော်တို့ ပညာသင်စရိပ်ထဲမှ ပတ်စပို့သုံးနှစ်၊ သက်တမ်းပြည့်၍အသစ်လဲတိုင်း ဒေါ်လာ(၁၀၀)ပေးနေရသည်ကို နှိုင်းယှဉ်လေ့လာနိုင်သည်၊၊)

ထိုအဖွဲ့တွင်ဆရာတော်သည် အကျိုးတော်ဆောင်ချုပ်အနေဖြင့် တာဝန်ယူခဲ့ပါသည်၊၊ ထို့အပြင်တိုင်း ပြည်ဆူပူနေချိန်တွင် အခက်ခဲအမျိုးမျိုးကြားမှ မြန်မာကျောင်းတိုက်ကြီးအား အသက်ကိုပင်ပဓာန မထားဘဲ စောင့်ရှောက်ခဲ့ပါသည်၊၊

ထို့ကြောင့်(၂၀၀၂)နှစ်၊ ဇန်န၀ါရီလ-၄ရက်နေ့တွင်၊ နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီ၏ အမိန့်ကြော်ငြာစာအမှတ်(၁/၂၀၀၂)ဖြင့် “အဂ္ဂမဟာသဒ္ဓမ္မဇောတိကဘွဲ့တံဆိပ်တော်”ကို ဆက်ကပ်ခဲ့ပါသည်၊၊

ဆရာတော်ကြီးတို့ကဲ့သို့ မကုဋာရာမမြန်မာကျောင်းတိုက်ကြီးကို ရေရှည်တည်တန့်အောင် စောင့်ရှောက်ထိမ်း သိမ်းနိုင်သော သာသနာ့အာဇာနည်ဆရာတော် များများပေါ်ပေါက်ပါစေကြောင်း “အလင်းစက်အရှင်” ဆုတောင်းပါသည်၊၊


မေတ္တာဖြင့်- - -
အရှင်ကေ၀လ(အလင်းစက်)
မကုဋာရာမမြန်မာကျောင်းတိုက်၊
ကိုလံဘိုမြို့၊ သီရိလင်္ကာနိုင်ငံ၊၊

(ကိုးကား/ ဘွဲ့တံဆိပ်ရဆရာတော်ကြီးများမှတ်တမ်း၊ သာသနာရေးဝန်ကြီးဌာနစာအုပ်မှ ကိုးကားဖော်ပြပါ သည်၊၊)

အပြည့်အစုံသို့....

  © Blogger template 'Fly Away' by Ourblogtemplates.com 2008

Back to TOP