Wednesday, April 9, 2014

လက်ဝဲအောက် ဗုဒ္ဓမြတ်စွယ်တော်၊၊ ၊၊




မြတ်စွာဘုရားရှင်သည် လူဘ၀တွင် မြတ်စွာဘုရားအဖြစ်နှင့် နှစ်ပေါင်း(၄၅)နှစ် အသက်ရှင်နေတော်မူ ခဲ့ပါသည်၊၊

မြတ်စွာဘုရားရှင် ပရိနိဗ္ဗာန်ပြုပြီး၍ အလောင်းတော်ကို မီးပူဇော်သည့်အခါ အသား၊ အသွေး၊ အကျော အရိုးတို့သည်မီးလောင်ကျွမ်းပြီး သာမန်လူများကဲ့သို့ “ပြာ”ဖြစ်မသွားဘဲ ဖြူဖွေးသည့်“ဓာတ်တော်”များ အဖြစ် ကြွင်းကျန်ရန်ခဲ့ပါသည်၊၊

          (1)  စွယ်တော် (4)ဆူ၊
          (2)  ညှပ်ရိုးတော် (2)ဆူ၊
          (3)  ဥဏ္ဏလုံမွေးရှင်တော်၊

အထက်တွင် ဖော်ပြထားသည့် ဓာတ်တော်(7)ဆူမှာ မူလပကတိပုံစံအတိုင်းကျန်ရစ်ပြီး၊ ကျ န်သည့် ကိုယ်ခန္ဓာ အင်္ဂါအစိပ်အပိုင်းများမှာအသေးဆုံး မုန့်ညှင်းစေ့ခန့်၊ အကြီးစား ဆန်ကျိုးခန့်၊ အကြီးဆုံး ပဲနောက်စေ့ကျိုးခန့်အရွယ်ရှိသော “ဓာတ်တော်”များ ဖြစ်သွားသည်၊၊

စွယ်တော်(၄)ဆူတွင်ပါဝင်သည့် “လက်ဝဲအောက်စွယ်တော်”နှင့်ဆက်စပ်သည့် ထူးခြားသမိုင်းဖြစ်စဉ် တစ်ခုကို စာဖတ်သူများသို့ ယ္ခုစာတမ်းထဲတွင် ဆွေးနွေးဖော်ပြမည်ဖြစ်ပါသည်၊၊

သက္ကရာဇ် ၁၂၄၉-ခု၊ သီပေါမင်းပါတော်မူပြီး (၂)နှစ်အကြာ 1887-ခုနှစ်တွင် မူလဒွါရဂိုဏ်းချူ ပ် ဆရာတော်ကြီးဖြစ်တော်မူသည့် “အုတ်ဖိုဆရာတော်”ကြီးသည် သီဟိုဠ်ကျွန်း(သီရိလင်္ကာနိုင်ငံ)သို့ကြွတော်မူပြီး၊ စွယ်တော်မြတ်ဖူးမြင်ခဲ့ပါသည်၊၊

ဆရာတော်ကြီးသည် စွယ်တော်မြတ်ကို ကြည်ညိုလှသဖြင့် သီဟိုဠ်အစိုးရနှင့် သံဃရာဇာဆရာ တော်ကြီးများအထံတွင် မေတ္တာရပ်ခံ၍၊ စွယ်တော်အစစ်နှင့်ပုံတူ စွယ်တော်ပွားတစ်ဆူကို မူလစွယ် တော်နှင့်ရက်(၂၀)ခန့်အတူထားပြီး စွယ်တော်ပွားခဲ့ပါသည်၊၊

စွယ်တော်ပွားရက်စေ့သည့်အခါ ဆရာတော်ကြီးသည် စွယ်တော်ကို လက်ဖြင့်မူလစွယ်တော်ကြု ပ် အတွင်းမှနှိုက်မယူဘဲ၊ “စွယ်တော်အစစ်သည် မြန်မာပြည်သားတို့နှင့်ထိုက်တန်ပါက မိမိလက်သို့ကြွ ရောက်တော်မူပါရန်” အဓိဌာန်ပြုလိုက်ပါသည်၊၊

ထိုအချိန်တွင် စွယ်တော်နှစ်ဆူထားထားသည့် ရတနာကြုပ်အတွင်းမှ “စွယ်တော်အစစ်”သည် အုတ်ဖို- ဆရာတော်ကြီး၏လက်သို့ ကြွရောက်ခဲ့ပါသည်၊၊

ထိုအခြင်းအရာကို အခြားအုပ်ချူပ်ရေးအရာရှိများနှင့် သီဟိုဠ်ဆရာတော်ကြီးများ မသိကြသော်လည်း စွယ်တော်ကိုစောင့်ရှောက်သည့် ဂေါပကကြီးတစ်ယောက်သည် သိမြင်ပြီး၊ ဆရာတော်ကြီးများအား ခွင့်ပန်၍ မြန်မာနိုင်ငံသို့ အုတ်ဖိုဆရာတော်ကြီးနှင့်အတူလိုက်ပါလာခဲ့ပြီး၊ စွယ်တော်စစ်ကိုပူဇော်လျက် သက်ဆုံးတိုင် နေသွားခဲ့ပါသည်၊၊

အထက်ပါဖြစ်စဉ်ကို အုတ်ဖိုဆရာတော်ကြီး၏ အတ္ထုပ္ပတ္တိစာအုပ်နှင့်၊
ဆရာတော်ကြီး၏ သီရိလင်္ကာစွယ်တော်ဘုရားဖူးမှတ်တမ်းများတွင် ဖော်ပြထားပါသည်၊၊

ယ္ခုသီရိလင်္ကာနိုင်ငံတွင် သီတင်းသုံးနေထိုင်သည့်ဆရာတော်“ဦးအာစိဏ္ဏ”သည် လက်ရှိသီရိလင်္ကာ စွယ်တော်မြတ်ကို လက်ဖြင့်ကိုင်ပြီးလေ့လာခွင့် ရဖူးပါသည်၊၊

အထက်တွင်ဖော်ပြထားသည့် သမိုင်းအချက်အလက်ကိုလည်း
စနစ်တကျလေ့လာထားသည့် ဆရာတော်ဖြစ်ပါသည်၊၊ မြန်မာနိုင်ငံတွင်ရှိသော အုတ်ဖိုဆရာတော်ကြီး၏ စွယ်တော်ကိုမြတ်ကို သွားရောက်ဖူးမြှော်ပြီး လေ့လာခဲ့ပါသည်၊၊

အုတ်ဖိုဆရာတော်ကြီး၏ကျောင်းတွင် ဖူးတွေ့ခဲ့ရသည့်စွယ်တော်နှင့်၊ သီရိလင်္ကာတွင် လေ့လာထားသည့်စွယ်တော်နှစ်ဆူတို့သည် ပုံစံချွတ်စွတ်တူသည်ဟု အမိန့်ရှိပါသည်၊၊
နှစ်ပေါင်း(၁၂၆)နှစ်ကျော်ကြာ အထူးလျိူ့ဝှက်စွာတည်ရှိသည့် စွယ်တော်မြတ်၏ဖြစ်စဉ်သမိုင်း ဖြစ်ပါသည်၊၊

အုပ်ဖိုဆရာတော်ကြီးသည် စွယ်တော်မြတ်ကို အများပြည်သူတို့ဖူးတွေ့ရန် အပူဇော်ခံချိန်ကလွဲ၍၊ ကျန်သည့်အချိန်များတွင် စွယ်တော်မြတ်ကို မီးခံသောတ္တာဖြင့် အထူးလုံခြုံလျှို့ ၀ှက်စွာ ပူဇော်ထားရှိသည်ဟု သိရပါသည်၊၊

မကြာမှီတွင် အုတ်ဖိုဆရာတော်ကြီးပင့်ဆောင်ထားသည့် မြတ်စွာဘုရားရှင်၏ လက်ဝဲအောက်စွယ် တော်မြတ်ကို မြန်မာနိုင်ငံမှထင်ရှားသည့်မြို့ တစ်မြို့တွင် အပူဇော်ခံမည်ဟု သိရပါသည်၊၊

အုတ်ဖိုဆရာတော်ကြီးပင့်ဆောင်ခဲ့သည့် မြတ်စွာဘုရားရှင်၏စွယ်တော်မြတ်သည် ယ္ခုအခါ “ဇီးဖြူ ကုန်းကျေးရွာ၊ လက်ပံတန်းမြို့ နယ်၊ ပဲခူးတိုင်းဒေသကြီး”တွင် ကိန်းဝပ်တည်ရှိပြီး၊ ဗုဒ္ဓဘာသာဝင် ပါရမီရှင်တို့အနေဖြင့် သွားရောက်ဖူးမြှော်ကြည်ညိုနိုင်ကြောင်း သတင်းပါးလိုက်ရပါသည်၊၊

ဗုဒ္ဓဘာသာဝင်တစ်ဦးအနေဖြင့် မိမိတို့ကိုးကွယ်ဆည်းကပ်သည့် မြတ်စွာဘုရားရှင်၏ အဓိကကြသည့် ခန္ဓာကိုယ်အစိတ်အပိုင်းတစ်ခုကို ဖူးတွေ့ခွင့်ရခြင်းမှာ သာမန်ကုသိုလ်မျိုးမဟုတ်ဘဲ အထူးမြင့်မြတ် သည့်ကုသိုလ်အထူး ဖြစ်ပါသည်၊၊ 

စွယ်တော်အစစ်ဟုယုံကြည်နေကြသည့် သီရိလင်္ကာနိုင်ငံတွင် ယ္ခုရှိသော “လက်ဝဲအောက် စွယ်တော်”သည် သီရိလင်္ကာအစိုးရ၏ စီးပွားရေးအမြတ်ထုတ်လိုမှုကြောင့် (၅)နှစ်ကြာမှ တစ်ကြိမ်သာပြည်သူတို့ မျက်ဝါးဝါးထင်ထင်ဖူးတွေ့ခွင့် ရကြပါသည်၊၊

မြန်မာအပါအ၀င် ကမ္ဘာအရပ်ရပ်မှ စွယ်တော်ကိုဖူးတွေ့ရန်နှင့်၊ လေ့လာရန်လာရောက်ကြသည့် ဘုရားဖူးများမှာ စွယ်တော်ကို မြင်တွေ့ခွင့်မရကြဘဲ စွယ်တော်ထားသည့်ကြုပ်ကြီးကိုသာလျင် မြင်တွေ့ကြရသဖြင့် ကမ္ဘာ့လှည့်ခရီးသည်တို့မှ သီရိလင်္ကာအစိုးရကို အထူးစိတ်ပျက်ကြကြောင်း သိရပါသည်၊၊

“အလင်းစက်အရှင်”သည် သီရိလင်္ကာနိုင်ငံမှ စွယ်တော်ကို(2009)နှစ်၊ စွယ်တော်(၅)နှစ်ပြည့် ဖွင့်လှစ်ပြသအပူဇော်ခံချိန်တွင် (၂)ကြိမ်ဖူးတွေ့ခွင့်ရဘူးပါသည်၊၊

(30/03/2014)နေ့က ကန္ဒီဆရာတော်ဦးအာစိဏ္ဏ(မဟာသဒ္ဓမ္မဇောတိကဓဇဘွဲ့တံဆိပ်တော်ရ)သည် မြန်မာနိုင်ငံမှ အုတ်ဆိုဆရာတော်ကြီးပင့်ဆောင်ခဲ့သည့် မြတ်စွာဘုရားရှင်၏ လက်ဝဲအောက်စွယ်တော် နှင့်ဆက်စပ်သည့် သမိုင်းကိုပြောပြရုံမျှ မက၊ စွယ်တော်ကို ဓာတ်ပုံများပါရိုက်ယူလာပြီး၊ ပြသဖြင့် အထူးစိတ်ဝင်စားပြီး ယ္ခုစာတမ်းဖြင့် “အလင်းစက်”စာဖတ်သူများသို့ ပြန်လည်မျှဝေခြင်း ဖြစ်ပါသည်၊၊

“အလင်းစက်အရှင်”၏ ပုဂ္ဂလိကယုံကြည်ချက်အရဆိုလျင် သီရိလင်္ကာမှ စွယ်တော်မြတ်အစစ်သည် မြန်မာနိုင်ငံသို့ အုတ်ဖိုဆရာတော်ကြီးပင့်ဆောင်စဉ်က အမှန်တကယ်ကြွတော်မူသည်ဟု ခံစားမိပါ သည်၊၊ သို့သော် လက်ရှိသီရိလင်္ကာရှိစွယ်တော်ကိုလည်း မြတ်စွာဘုရားရှင်၏ “ဥဒ္ဒိ ဿ     စေတီတော်” အဖြစ်ဖြင့် ကြည်ညိုပါသည်၊၊

မည်သို့ဆိုစေ စွယ်တော်နှစ်ဆူသည် မြတ်စွာဘုရားရှင်တစ်ပါးတည်းမှ ဆင်းသက်လာကြသည်ချည်း ဖြစ်သောကြောင့် ကြည်ညိုစိတ် ယုံကြည်စိတ် သဒ္ဓါတရားတူညီလျက်ပူဇော်လျင် အကျိုးကျေးဇူး တူညီမည်သာ ဖြစ်ပါသည်၊၊ 

စာဖတ်သူများ မြတ်ဗုဒ္ဓရှင်တော်၏ စွယ်တော်မြတ်အစစ်ကိုဖူးတွေ့ခွင့်နှင့် ပူဇော်ကြည်ညိုခွင့်ရရှိကြပြီး၊ မြင့်မြတ်သည့် ကုသိုလ်ထူးများစွာဖြင့် ပို၍ပို၍ချမ်းသာခြင်း၊ အသက်ရှည်ကျန်းမာခြင်းအကျိုးများကို ရရှိကြပါစေကြောင်း ဆုတောင်းပေးလိုက်ရပါသည်၊၊          ၊၊


(မှတ်ချက်/ မြတ်စွာဘုရားရှင်၏ အောက်လက်ဝဲစွယ်တော်မြတ်၏ လူသူအသိနည်းသည့် ဖြစ်စဉ်သမိုင်းတစိတ်တဒေသကို တင်ပြဖြန့်ဝေခြင်း ဖြစ်ပါသည်၊၊ ယုံကြည်ထိုက်သူသာ ယုံကြည်ခွင့်ရှိပါသည်၊၊)

                                        မေတ္တာများစွာဖြင့် တင်ပြသူ---

                                                                      အရှင်ကေ၀လ(အလင်းစက်)
                                                                       {မဟာဝိဇ္ဇာ၊ သီရိလင်္ကာ}
                                                                   မကုဋာရာမမြန်မာကျောင်းတိုက်၊
                                                                      ကိုလံဘိုမြို့၊ သီရိလင်္ကာနိုင်ငံ၊၊



(ကျ မ်းကိုး/ အုတ်ဖိုဆရာတော် အတ္ထု ပ္ပတ္တိကျမ်း၊ အုတ်ဖိုဆရာတော်ကြီးပင့်ဆောင်ခဲ့သောသီဟိုဠ်ကျွန်းမှ လက်ဝဲအောက်ဓာတ် ဗုဒ္ဓစွယ်တော်သမိုင်း၊ မြန်မာ+သီရိလင်္ကာ သာသနာဆက်သွယ်ရေး၊ (ပါရဂူ)၊၊)

အပြည့်အစုံသို့....

  © Blogger template 'Fly Away' by Ourblogtemplates.com 2008

Back to TOP