Wednesday, March 14, 2012

သစ္စာဖြင့်အောင်မြင်ခြင်း၊၊ ၊၊


ဘ၀တွင်လူတို့သည် ဘ၀လိုအပ်ချက် ဘ၀ပန်းတိုင်နှင့် ဘ၀အောင်မြင်မှုများကိုနည်းလမ်းများစွာဖြင့် ကြိုးစားရယူလေ့ ရှိကြသည်၊၊




များသောအားဖြင့် လူတို့၏ကြိုးစားမှုများသည် အကျိုးလက်တွေ့ရတတ်သော်လည်း၊ တစ်ခါတရံတွင်မူ လူတို့၏ကြိုး စားမှုများသည် အကျိုးကျေးဇူးကိုထင်ရှားမရဘဲ စိတ်ဓာတ်ကျရသည်များလည်း ရှိသည်၊၊




မိမိကြိုးစားအားထုတ်ပါလျက် အကျိုးကိုမရရှိမခံစားသည်လောက် စိတ်ကိုအနာတရဖြစ်စေတတ်သည့်အရာဟူ၍ လည်း လောကတွင်ရှိအံ့မထင်၊၊ အင်အားကုန်ကြိုးစား အားထုတ်သူများသည် အကျိုးကျေးဇူးများ ဘယ်သည်ဘယ် ၀ယ် ရောက်ရှိသွားသည်ကိုမသိကြသည့်အခါ လမ်းလွဲနည်းများဖြင့်အကျိုးကိုရှာဖွေကြရင်း ဘ၀အောင်မြင်မှုနှင့်ဝေး သည်ထက် ဝေးရသည်များလည်းရှိသည်၊၊




ဗေဒင်မေးခြင်း၊ ဓာတ်ရိုက်၊ ယတြာခြေခြင်း၊ ဘိုးဘော်၊ ဘွားတော်ဆိုသူများကို ဆည်းကပ်ခြင်း၊ နာနာဘာဝနတ်တစ္ဆေ များကိုပူဇော်ပသခြင်းများမှာ လူတို့အများဆုံးအားဖြင့် အကျိုးတရားကိုလမ်းလွဲနည်းဖြင့် ရှာဖွေသည့်ပုံစံများဖြစ်ကြ သည်၊၊




အခြားသောရိုးသားမှုမရှိ၊ ပညာကင်းမဲ့သည့်နည်းလမ်းများဖြင့် အကျိုးကိုရှာဖွေသည်များလည်း ရှိသည်၊၊ လောင်းက စားမျိုးစုံကို ပြုလုပ်ခြင်း၊ သမ္မာအာဇီဝမဖြစ်သည့် စီးပွားရေးအလုပ်များကိုပြုလုပ်ခြင်း၊ လိမ်လည်ခြင်း၊ ခိုးယူခြင်း စသည်များမှာလည်း ဘ၀အောင်မြင်မှုကိုနည်းလမ်းအမှားဖြင့်ရှာဖွေခြင်းပင် ဖြစ်ပါသည်၊၊




လောင်းကစားဟုဆိုရာတွင် ကမ္ဘာ့နိုင်ငံကြီးများတွင်ခေတ်စားသည့်လောင်းကစားများကိုမှဆိုလိုသည် မဟုတ်ဘဲ၊ မြန်မာပြည်တွင် ခေတ်စားသည့် ချဲထီ၊ တစ်လုံးထီ၊ နှစ်လုံးထီ၊ သုံးလုံးထီစသည်များလည်း ပါဝင်ပါသည်၊၊ ဆိုခဲ့ပြီး နည်းမှားများဖြင့် ဘ၀အောင်မြင်မှုဘ၀ချမ်းသာမှုနှင့် ဘ၀ငြိမ်းအေးမှုကိုမည်သည့်အခါမှမရရှိနိုင်ကြောင်း သာဓကများ စွာက သက်သေပြုလျက်ရှိသည်၊၊




ထိုသို့ဆိုလျင် ဘ၀တွင်ကြိုးစားပါလျက် အောင်မြင်မှုကိုမရရှိသေးသည်မှာ မည်သည့်အကြောင်းများကြောင့်လဲဟု အဖြေရှာရတော့မည်၊၊ ကြိုးစားပါလျက်အောင်မြင်မှုမရရှိခြင်းသည် ဘာသာတရားများ၏အလိုအရ ကံမကောင်းသေး ၍ဟု ဆိုနိုင်ပါသည်၊၊ ပတ်ဝန်းကျင်မှမိမိကိုမနာလိုသူများ၏ အကွက်ချတိုက်ခိုက်မှုကြောင့်လည်း ဖြစ်နိုင်ပါသည်၊၊




အောင်မြင်မှုအတွက် ကြိုးစားမှုနည်းလမ်း မမှန်ကန်သေး၍လည်း ဖြစ်နိုင်ပါသည်၊၊ အခြေအနေအချိန်အခါနှင့် နေရာ မမှန်သေး၍လည်း ဖြစ်နိုင်ပါသည်၊၊ ကြိုးစားအားထုတ်မှု အင်အားနည်းနေသေး၍လည်း ဖြစ်နိုင်ပါသည်၊၊ အကြံကောင်း ညာဏ်ကောင်း မရရှိသေး၍လည်းဖြစ်နိုင်ပါသည်၊၊




သတိပြုသင့်သည်မှာ အချိန်အခါနှင့်နေရာဒေသမမှန်သေးလျင် ဘုရားပင်သော်မှမပွင့်နိုင်ကြောင်း မှတ်သားရပါမည်၊၊ ဘ၀အောင်မြင်မှုများမှာလည်း အခြေအနေအချိန်အခါကျရောက်မှသာ ရရှိတတ်လေသည်၊၊ ထို့ကြောင့်မည်မျှပင်ကြိုး စားစေကာမူ အခြေအနေအချိန်အခါကျရောက်သည်အထိ စိတ်ဓာတ်မကျဆင်းဘဲ စောင့်ဆိုင်းနိုင်ခြင်းသည် ဂုဏ်ပြု သင့်သည့်သတ္တိတစ်မျိုးပင် ဖြစ်ပါသည်၊၊




ကြိုးစားအားထုတ်ပါလျက် အကျိုးကျေးဇူးကိုမခံစားရသူများအတွက် အကျိုးကျေးဇူးကိုရရှိခံစားရစေရန်ရှေးဟောင်း နည်းလမ်းကောင်းတစ်ခုကို တင်ပြဆွေးနွေးလိုပါသည်၊၊ ထိုနည်းမှာအခြားမဟုတ်ဘဲ သစ္စာပြု၍အကျိုးကိုရရှိစံစား နည်းပင် ဖြစ်ပါသည်၊၊



ပါဠိစာပေတွင် သစ္စာပြုပြီးအကျိုးကိုရှာဖွေသည့်သာဓကများစွာကို ဖော်ပြထားပါသည်၊၊ အောင်မြင်နိုင်လောက်သည့် စွမ်းအားရှိသောအလုပ်ကိုပြုလုပ်ပါလျက် အောင်မြင်မှုအကျိုးကိုမရရှိသောအခါ ရှေးခေတ်လူအများတို့သည် သစ္စာပြု ၍ အလိုရှိအပ်သောအကျိုးများကို တောင်းတကြသည်ကို ပါဠိစာပေတွင်ဖော်ပြထားပါသည်၊၊



ဤနေရာတွင် “သစ္စာပြု၍လိုအပ်သော ဘ၀အောင်မြင်မှုအကျိုးကို အမှန်တကယ်ရရှိနိုင်သလားဟု မေးလျင် ရရှိနိုင်ပါသည်ဟု အဖြေပေးရပါမည်၊၊” မှန်ပါသည်၊၊ စင်စစ်မှန်ကန်သည့် အကြောင်းအရာ တစ်ခုကိုသက်သေပြု၍ သစ္စာဆိုပြီးလိုအပ်သည့်အကျိုး၊ ဘ၀အောင်မြင်မှုကိုတောင်းတယူလျင် ဧကန်မုချရရှိနိုင်ကြောင်း သာဓကများ စွာတွင် တွေ့ရပါသည်၊၊




သစ္စာဆိုရာတွင် လိုအပ်သောအင်္ဂါရပ်များစွာရှိကြောင်း အချို့စာရေးသူတို့ကဆိုကြသော်လည်း ပါဠိစာပေအထောက် ထားသာဓကကို မတွေ့ရချေ၊၊ ထို့ကြောင့်သစ္စာဆိုရာတွင် အကြောင်းအရာမှန်ခြင်းသည်သာပဓာနဖြစ်ပြီး၊ သစ္စာဆိုသူ တွင်မဖြစ်မနေ ရှိရမည့်အင်္ဂါရပ်ဟူ၍ မရှိကြောင်းမှတ်သားရပါမည်၊၊




ထူးခြားသည်မှာ သစ္စာဆိုရာတွင် ကောင်းမွန်သည်အခြေအနေကိုမှ သာဓကပြုနိုင်သည်မဟုတ်ဘဲ၊ အခြေအနေဆိုး ပင်ဖြစ်စေကာမူ တကယ်စင်စစ်မှန်ကန်လျင် သာဓကပြု၍သစ္စာဆိုနိုင်ခြင်း ဖြစ်ပါသည်၊၊ သို့သော် မိမိဆိုသောသစ္စာ စကားသည် လုံးဝပြည့်စုံမှန်ကန်နေဖို့ အထူးလိုအပ်ပါသည်၊၊




ပါရမီဆယ်ပါးတွင် သစ္စာပြုခြင်းကို ပါရမီတစ်ပါးအဖြစ် တွေ့ရပါသည်၊၊ မြတ်စွာဘုရားအလောင်းတော်သည် ဘုရား ဖြစ်ရန်ကြိုးစားအားထုတ် ကျင့်ကြံကြိုးစားနေစဉ်ဘ၀များစွားတွင် အခက်အခဲအများအပြားကို တွေ့ကြုံရင်ဆိုင်ခဲ့ရ သည်၊၊




ထိုအခက်အခဲများစွာကို သစ္စာဆို၍ကျော်လွှားအောင်မြင်ခဲ့ရသည်၊၊ ထို့ကြောင့် သစ္စာသည်သာမန်အခက်အခဲနှင့် ဘ၀ ပြဿနာလေးများကိုမဆိုထားဘိ ကြီးလေးသည့်အခက်ခဲများ၊ ဘ၀ပြဿနာများကိုပင် အောင်မြင်စေနိုင်သည့်သတ္တိ ထူးရှိသောအရာတစ်ခု ဖြစ်ပါသည်၊၊ အားကိုးသမှုပြုသင့်သည့် ဗုဒ္ဓဘာသာယဉ်ကျေးမှုတစ်ခုဟု ဆိုရပါမည်၊၊




ဘုရားအဖြစ်သို့ရောက်တော်မူပြီးသည့်အခါတွင်လည်း မြတ်စွာဘုရားရှင်သည်သစ္စာပြုဖူးကြောင်း လေ့လာရ သည်၊၊ ရှေးခေတ်ဆရာတော်ကြီးအများသည် သစ္စာပြု၍ဘ၀ပြဿနာများကိုဖြေရှင်းကြရန် တိုက်တွန်းထားသည် များကို စာအုပ်စာတမ်းတို့တွင် လေ့လာရရှိနိုင်သည်၊၊ ဆရာတော်ကြီးများကိုယ်တိုင်လည်းသစ္စာပြု၍ သာသနာပြုကြ သည်များ ကျောင်းကန်တည်ထောင်ကြသည်များ ရှိပါသည်၊၊




“ဧတေန သစ္စ၀ဇ္ဇေန”ဟူသော ပါဠိစာကြောင်းကို ဗုဒ္ဓဘာသာဝင်တို့ သိကြပါသည်၊၊ ပရိတ်တော်များတွင် အထက်ပါ စာကြောင်းကို နေရာများစွာပင်တွေ့ရသည်၊၊ “ဤမှန်ကန်သောသစ္စာစကားကြောင့် ငါသည် ချမ်းသာပါရစေ၊ ကျန်းမာ ပါရစေ၊ ဘေးကင်းပါရစေ၊” စသည်အားဖြင့်သစ္စာဆို၍ ဘ၀အကျိုးများကိုရှာဖွေထားသည့် စာကြောင်း ဖြစ်ပါသည်၊၊




ယဉ်ကျေးသည်နှင့်အမျှ ရိုးသားလွန်းသည့် ဘ၀အကျိုးရှာဖွေနည်းတစ်မျိုးပင် ဖြစ်ပါသည်၊၊ သစ္စာဆိုကြသူတိုင်း သည်ပင် တောင်းတရှာဖွေသော အကျိုးကျေးဇူးများကိုရရှိကြသည်ကိုအံ့သြ၀မ်းမြောက်ဖွယ် တွေ့ရပါသည်၊၊




သို့သော် သာဓကပြုတိုင်တည်ချက်စကားမှာ လုံးဝပြည့်စုံမှန်ကန်ရန် အထူးလိုအပ်ပါသည်၊၊ ဇာတ်လမ်းတစ်ခုတွင် သားနှစ်ယောက်ရှိသော မိခင်တစ်ဦးသည် သေလွန်လောက်သည့် ရောဂါကိုပြင်းထန်စွာခံစားနေရပါ သည်၊၊ ဆေးဆရာမှ ယုန်သားလတ်လတ်ဆပ်ဆပ်ကို ဓာတ်စာအဖြစ်စားသုံးရလျင် ရောဂါဝေဒနာ သက်သာပျောက် ကင်းနိုင်ကြောင်း ပြောဆိုညွှန်ကြားလေသည်၊၊




အစ်ကိုအကြီးဖြစ်သူမှ ညီငယ်အားယုန်တစ်ကောင်ရှာဖွေရန် တောသို့လွှတ်လိုက်လေသည်၊၊ ညီငယ်သည်တောကြီး အတွင်းမှယုန်တစ်ကောင်ကို ဖမ်းမိလေသည်၊၊




ညီငယ်သည် ယုန်လေးကိုကြည့်၍ “သတ္တ၀ါတစ်ယောက်အသက်ချမ်းသာအတွက် အခြားသတ္တ၀ါတစ်ကောင်ကို သတ်ရန်မသင့်တော်”ဟုစဉ်းစား၍ ယုန်လေးကိုလွှတ်လိုက်သည်၊၊ အိမ်သို့ပြန်ရောက်သော်အဖြစ်မှန်ကို အစ်ကိုကြီး အားပြောပြသောအခါ အစ်ကိုကြီးမှဆူပူကြိမ်းမောင်းလေသည်၊၊



ညီငယ်သည် မိခင်အိုဘေးတွင်ရပ်လျက် "ငါသည်မည်သည့် သတ္တ၀ါ၏အသက်ကိုမျှ မသတ်စဖူး၊ ဤသစ္စာစကားမှန် ကန်ပါလျင် ငါ၏မိခင်တွင်ခံစားနေရသော ရောဂါဝေဒနာပျောက်ကင်းပါစေသတည်း၊"ဟုဆိုလိုက်သောအခါ သတိ မေ့မြောနေသောမိခင်ကြီးသည် ရောဂါပျောက်ကင်းလျက်အသက်ချမ်းသာရာ ရရှိသွားလေသည်၊၊



“သုဝဏ္ဏသာမဇာတ်”တွင် မိခင်ဖြစ်သူ‘ဒုကူလ’သည် မျှားဆိပ်တက်၍သေတော့မည့်သားဖြစ်သူကိုကြည့်၍ “ငါသည် သုဝဏ္ဏသာမအား ငါ၏အသက်ထက်ပင် ချစ်မြတ်နိုးပါသည်၊ ဤသစ္စာစကားမှန်ကန်ပါက သုဝဏ္ဏသာမတွင်ခံ စားနေရသော မျှားဆိပ်ပျောက်၍အသက်ချမ်း သာပါစေသတည်း၊၊”ဟုသစ္စာဆိုလိုက်သောအခါ သုဝဏ္ဏသာမသည် မျှားဆိပ်များပျောက်ကင်း၍ အသက်ချမ်းသာရာရရှိခဲ့ ဖူးလေသည်၊၊




အခြားသောသစ္စာဆို၍ ဘ၀အောင်မြင်မှုများစွာကိုရရှိကြသည့် သာဓကများလည်း အများအပြားပင်ရှိပါသည်၊၊ မျက်မှောက်ခေတ်တွင်လည်း သစ္စာဆို၍စီးပွားရေးလုပ်ငန်းများကို လုပ်ကိုင်နေကြသည့် လုပ်ငန်းရှင်အများပင်ရှိ ပါသည်၊၊ တရားနှင့်ညီညွတ်၍ ပညာရှင်ဆန်သော အလေ့အကျင့်ရှိသူများဟု ဆိုရပါမည်၊၊




တင်ပြခဲ့ပြီး သာဓကများကိုထောက်ဆသောအားဖြင့် သစ္စာဆို၍ဘ၀တွင်လိုအပ်သောအကျိုးများကို ရှာဖွေရယူခြင်း သည် လက်တွေကျပြီး၊ တကယ် စွမ်းရည်ရှိသောဗုဒ္ဓဘာသာယဉ်ကျေးမှု၊ ထုံးတမ်းစဉ်လာတစ်ခုဖြစ်ကြောင်း စာဖတ် သူတို့တွေ့ရပါမည်၊၊ စာဖတ်သူတို့၏ဘ၀တွင်လည်း မိမိအမှန်တကယ်ကြိုးစားခဲ့ဖူးသည့် လုပ်ရပ်များစွာပင်ရှိနေကြ မည် ဖြစ်ပါသည်၊၊




ထိုလုပ်ရပ်များကိုသက်သေပြု၍ တွေ့ကြုံရင်ဆိုင်နေရသော ဘ၀အခက်အခဲများ၊ ဘ၀ပြဿနာများကို သစ္စာပြု၍ကျော် လွှားနိုင်ကြောင်းနှင့်၊ မိမိတို့၏ဘ၀ပန်းတိုင်များကို သစ္စာပြု၍ရရှိနိုင်ပါကြောင်းကို တင်ပြဆွေးနွေးလိုက်ရပါသည်၊၊ “အလင်းစက်”စာဖတ်သူများ သစ္စာဖြင့်ဘ၀တွင် တိုးတက်အောင်မြင်သူများဖြစ်ကြပါစေကြောင်း ဆုမွန်ပြုလျက် စာတမ်းကိုအဆုံးသတ်လိုက်ရပါသည်၊၊ ၊၊



အရှင်ကေ၀လ(အလင်းစက်)



မကုဋာရာမမြန်မာကျောင်းတိုက်၊



ကိုလမ်ဘိုမြို့၊ သီရိလင်္ကာနိုင်ငံ၊၊



{14/03/2012}


0 comments:

Post a Comment

  © Blogger template 'Fly Away' by Ourblogtemplates.com 2008

Back to TOP