Monday, May 7, 2012

မိတ်ဆွေနှင့် ကျင့်ဝတ်၊၊ ၊၊


လူဟူသည် ခြင်္သေ့များကဲ့သို့ဘ၀တွင်တစ်ယောက်တည်း ရပ်တည်၍ရသော သတ္တ၀ါအမျိုးအစားမ ဟုတ်ချေ၊၊ အစုလိုက်နေထိုင်အသက်ရှင်ရသော ယဉ်ကျေးမှုအဖွဲ့အစည်းတစ်မျိုးဖြစ်သည်၊၊ အဖွဲ့အစည်းနှင့်နေထိုင် ရသောကြောင့်ပင် မိတ်ဆွေသူငယ်ချင်းဟူ၍ ရှာမှီးပေါင်းသင်းကြရသည်၊၊

မိတ်ဆွေသူငယ်ချင်းကောင်းကိုရှာဖွေရရှိ၍ ပေါင်းသင်းခွင့်ရလျင်ရသလောက် နေ့စဉ်ဘ၀တွင်ပျော်ရွှင် အေးချမ်းရရုံမျှမက ဘ၀တွင်တိုးတက်မှုရှိတတ်ပြီး၊ မိတ်ဆွေသူငယ်ချင်းကောင်းကိုမရရှိသဖြင့်တွေ့ရသူနှင့်သာ အတူနေထိုင်ပေါင်း သင်းရသောသူများသည် ပျော်ရွှင်မှုဆိတ်သုဉ်းပြီး၊ ဘ၀တိုးတက်မှုတွင် နှောင့်နှေးရတတ်သည်ကို တွေ့ရသည်၊၊

“လူတစ်ကိုယ် စိတ်တစ်မျိုး”ဟူ၍ မြန်မာစကားပုံရှိပါသည်၊၊ လောကကြီးထဲတွင် သာမန်ထက်ထူးဆန်းသည့် စိတ်ဆန်းရှိသူများကိုနေရာတိုင်းတွင်တွေ့ရတတ်ပါသည်၊၊ တစ်ခုခုတွင်သာမန်ထက်လွန်ကဲပိုလွန်သည့် စိတ် အခြေအနေရှိသူများကို “စိတ်ဆန်းရှိသူ”ဟုခေါ်ရကြောင်း မှတ်သားရပါသည်၊၊

ထိုကဲ့သို့သူများနှင့် အတူမနေသင့်ကြောင်းကိုလည်း မှတ်သားရပါမည်၊၊ အခြေအနေအရအတူနေထိုင်ရလျင် ရှုပ်ထွေးသည့်အခြေအနေများအတွင်းသို့ ကျရောက်ရတတ်ပြီး၊ ပြဿနာမျိုးစုံကိုရင်ဆိုင်ရ တတ်လေသည်၊၊
ယနေ့ခေတ်တွင် မြန်မာအမျိုးသ္မီး/ အမျိုးသားများစွာတို့ မလေးရှား၊ စင်္ကာပူ၊ ဒူဘိုင်း၊ အစရှိသည့်နိုင်ငံ များသို့ နေထိုင်အလုပ်လုပ်ကြသည်ကို တွေ့ရသည်၊၊ နိုင်ငံခြားနိုင်ငံများတွင်အခြေအနေအရ ယ္ခင်ကမသိခဲ့ဖူး သူများ၊ ခင်မင်ခဲ့ပြီးသည့်တိုင် အတွင်းသဘောကိုသေခြာမသိရသူများနှင့် တိုက်ခန်းတစ်ခန်းတည်းတွင် စုပေါင်းနေထိုင်ကြရသည်၊၊


ထိုကဲ့သို့ လွတ်လပ်သည့်နိုင်ငံများတွင် လူငယ်တို့အတူနေရသောအခါ အဆင်မပြေမှုများစွာ၊ ပြဿနာများစွာတို့ ဖြစ်ကြရသည်ကို ကြားသိရသည်၊၊ ပြဿနာများကိုလေ့လာကြည့်လျင် ကြီးမားလှသည်မဟုတ်သည်ကို လည်း တွေ့ရသည်၊၊ 


ရေပြဿနာ၊ လျပ်စစ်မီးပြဿနာ၊ အိပ်ချိန်ပြဿနာနှင့် အသံပြဿနာအသေးစားလေးများမျှသာဖြစ် နေပါသည်၊၊ အသေးအမွှားပြဿနာလေးများကို ပြေလည်အောင်ဆွေးနွေးညှိနှိုင်းမှုမပြုကြဘဲ ကွယ်ရာတွင်ပြောဆိုမိကြရာမှ အတင်းအဖျင်းပြောသည့်အဖြစ်သို့ရောက်ကြပြီး ပြဿနာများကြီးထွားလာကြ ခြင်းဖြစ်သည်၊၊

အမှန်စင်စစ် မိမိ၏သဘောဆန္ဒကိုချည်း ဦးစားမပေးဘဲ၊ အတူနေသူများ၏လွတ်လပ်မှုနှင့် ဆန္ဒသဘောထား များကို သည်းခံစိတ်ဖြင့်အလေးပေးပြီး အတူနေထိုင်ထိုင်နိုင်ကြလျင် ပြဿနာများမှကင်းဝေးပြီး၊ ရေခြားမြေခြား တွင်မြန်မာလူမျိုးခြင်း ပိုမိုချစ်ခင်လာကြမည်ဖြစ်သည်၊၊


လူတို့သည် မည်သည့်နေရာတွင်မဆို မိမိကသာဦးစားပေးခံလိုသည်၊ အသာစီးရလိုကြသည်ကို တွေ့ရသည်၊၊ မိမိ၏အရေးကိစ္စနှင့်အလုပ်သည်သာအရေးပါပြီး၊ တခြားသူ၏အရေးအရာကိစ္စနှင့်အလုပ်သည် ဘာမှမဟုတ်၊ အပိုအလုပ်များဟုလွဲမှားစွာ ထင်မြင်နေတတ်ကြသည်၊၊


ထို့သို့ယူဆကြရာမှ ပတ်ဝန်းကျင်ကိုအရေးမထားမှုများ၊ စော်ကားမှုများနှင့်အတူ မိမိအခြေအနေကို ရှိသည်ထက် ပိုမိုဟန်ပြမိကြရာမှ အခြင်းခြင်းမျက်မုန်းကျိုးပြီး၊ အတူနေရန်မဖြစ်နိုင်တော့သည့်အခြေ အနေဆိုးများသို့ဦးတည် မိလျက်သားဖြစ်ရတော့သည်၊၊


ပတ်ဝန်းကျင်နှင့်အတူနေထိုင်ရာတွင် မှတ်သားရန်အလွန်ကောင်းသည့် စကားတစ်ခုရှိပါသည်၊၊ “တစ်ယောက် တည်းနေလျင် တစ်စိတ်တည်းထား၊၊ နှစ်ယောက်အတူနေလျင် နှစ်စိတ်ထားရမည်၊၊”ဟူ၍ ဖြစ်ပါသည်၊၊


ပါဠိစာပေတွင် မိတ်ဆွေခြင်းဆက်ဆံပုံများ၊ ကျင့်ဝတ်များ၊ ပေါင်းသင့်သည့်မိတ်ဆွေနှင့် မပေါင်းသင်းအပ်သည့် မိတ်ဆွေဟူသည်များကို အကျယ်တ၀င့်ဖော်ပြထားသည်ကို တွေ့ရပါသည်၊၊ “မိတ္တသုတ္တံ”အမည်ဖြင့် သုတ်ပေါင်း ငါးသုတ်တွင် မိတ်ဆွေနှင့်ဆက်စပ်၍ ဆွေးနွေးဖော်ပြထားသည်ကို စာဖတ်သူတို့ အား တင်ပြလိုပါသည်၊၊


“ခရီးသွားတစ်ခုကိုသွားရာတွင် အတူသွားဖော်သည် ‘မိတ်ဆွေ’ဖြစ်သည်၊၊
နေထိုင်ရာအိမ်တွင်မိခင် သည် ‘မိတ်ဆွေ’ဖြစ်သည်၊
လုပ်ငန်းတစ်ခုကိုပြုလုပ်ရာတွင် အတူလုပ်ဖော်ကိုင်ဖက်ကို ‘မိတ်ဆွေ’ဟုခေါ်တွင်ကြောင်း”ဗုဒ္ဓရှင်တော် သည် ညွန်ပြထားပါသည်၊၊


လူတစ်ယောက်အတွက် “မိတ်ဆွေစစ်နှင့် မိတ်ဆွေတု”ကိုခွဲခြားသိသာစေရန် မြတ်စွာဘုရားရှင်သည် ခွဲခြားပြ ထားပါသည်၊၊ မိတ်ဆွေစစ်ဟူသည် ကိုယ်ကျိုးထက် မိမိချစ်ခင်သောမိဆွေ၏အကျိုးကိုသာ အလေးထားတတ် သည်ဖြစ်ရကား ဖော်ပြပါစွမ်းရည်များနှင့်ပြည့်စုံသူဖြစ်ကြောင်း ပါဠိစာပေတွင်ဖော်ပြထားပါသည်၊၊

(၁) ပေးနိုင်ခဲသည်ကို ပေးနိုင်ခြင်း၊ (ပစ္စည်းဥစ္စာအကူအညီပေးခြင်း)
(၂) ပြုနိုင်ခဲသည်ကို ပြုနိုင်ခြင်း၊ (လုပ်အားအကူအညီပေးခြင်း)
(၃) သည်းခံနိုင်ခဲသည်ကို သည်းခံနိုင်ခြင်း၊၊ (သည်းခံခြင်း)

အထက်တွင်ဖော်ပြဆွေးနွေးထားသည့် မိတ်ဆွေစစ်၏အရည်အသွေးသုံးမျိုးကို၊ မိတ်ဆွေကျင့်ဝတ် သုံးမျိုး ဟု လည်း ခေါ်ဆိုနိုင်မည်ဖြစ်ပါသည်၊၊ မှန်ပါသည်၊၊ မိတ်ဆွေစစ်တို့သည် တစ်ဦးလိုအပ်လျင်တစ်ဦးမှမိမိ၏ပိုင်ဆိုင်မှု ကို ဝေငှသုံးစွဲရန်စေတနာရှိရပါမည်၊၊


မိမိအပေါင်းအသင်းမိတ်ဆွေ၏အကျိုးနှင့် တိုးတက်မှုကိုလည်းအချိန်အခါမရွေး ပြုလုပ်ဆောင်ရွက်ပေးနိုင်ရပါ မည်၊၊ 


အတူနေထိုင်၍ပေါင်းသင်းဆက်ဆံရာတွင်လည်း တွေ့ရသည့်အပြစ်နှင့်အမှားလုပ်ရပ် များကို ပြုပြင်ထိမ်းသိမ်းပေး တတ်ရပြီး၊ လိုအပ်လျင်သည်းခံနိုင်သူလည်း ဖြစ်ရပါမည်၊၊ ဤသည်များမှာ မိတ်ဆွေကျင့်ဝတ်များ ဖြစ်ပါသည်၊၊


ထို့အပြင် မိတ်ဆွေကောင်းတို့တွင် ရှိသင့်သည်အရည်အသွေးများမှာ “အဆင့်တူထား၍ဆက်ဆံခြင်း၊ ခံ စားချက်ကို နားလည်မှုပေးခြင်း၊ ကူညီခြင်း၊ ဦးစားပေးခြင်း၊ အလေးအနက်စကားပြောခြင်း၊ အခြင်း ခြင်းသင်ပြမှုရှိခြင်း၊ ယုံကြည်မှုရှိခြင်း၊ အပေးအယူမျှတခြင်း၊ ချစ်ခင်မေတ္တာရှိခြင်း”စသည်တို့သည် မိတ်ဆွေစစ်တို့တွင် ရှိသင့်သောအရည်အသွေးများဖြစ်ပါသည်၊၊


လူတစ်ယောက်၏နေ့စဉ်ဘ၀တွင် ဆွေးနွေးတင်ပြမည့် မိတ်ဆွေပေါင်းသင်းဆက်ဆံမှုဆိုင်ရာ ချို့ယွင်းအားနည်း ချက်များပြည့်စုံနေလျင် ထိုသူ၏ဘ၀တွင် ကိုယ်ကျင့်တရားတိုးတက်မှုနှင့် ဘ၀တိုးတက်အောင်မြင်မှုကို မရ ရှိနိုင်ကြောင်း ကိုမှတ်သားရပါမည်၊၊


(၁) ယုတ်မာသောမိတ်ဆွေရှိခြင်း၊
(၂) ယုတ်မာသောမိတ်၏ အပြုအမူကိုစိတ်တိမ်းညွတ်ခြင်း၊
(၃) ယုတ်မာသောမိတ်ဆွေကို အထူးခင်မင်ခြင်း၊
(၄) ယုတ်မာသောမိတ်ဆွေနှင့်အတူနေခြင်း၊
(၅) ယုတ်မာသောမိတ်ဆွေနှင့် ဆွေးနွေးတိုင်ပင်ခြင်း၊
(၆) ယုတ်မာသောမိတ်ဆွေ၏အမူအကျင့်ကို အတုခိုးခြင်း၊

လူတိုင်း၏ဘ၀တွင် မိတ်ဆွေမရှိလျင် ရပ်တည်ရန်ခက်ခဲလှပါသည်၊၊ သို့သော် အချို့သောမိတ်ဆွေများ သည် ပေါင်းသင်းဆက်ဆံသူအားအကျိုးတစ်စုံတရာကိုမဖြစ်စေဘဲ ပြဿနာမျိုးစုံကိုဖန်တီးယူဆောင် တတ်သည် ကို တွေ့ရတတ်ပါသည်၊၊ 

မိတ်ဆွေရှာဖွေရာတွင် အောက်ဖော်ပြပါအမူအကျင့်ရှိသူများကိုမိတ်ဆွေအဖြစ် မပေါင်းသင်းရန် ဗုဒ္ဓရှင်တော်မှ သတိပေးလမ်းညွှန်ထားပါသည်၊၊

(၁) အခိုင်းများသောသူမျိုး/ အကူအညီများစွာတောင်းလေ့ရှိသူမျိုး၊
(၂) ပြဿနာကိုပြုလေ့ရှိသူမျိုး/ စရိုက်ကြမ်း၊ စိတ်ကြမ်းရှိသူမျိုး၊
(၃) ဆန့်ကျင်ဘက်ပြောလေ့ရှိသူမျိုး/ ငါသိ ငါတတ်စကားပြောလေ့ရှိသူမျိုး၊
(၄) အသွားအလာများသူမျိုး/ အိမ်တကာလည်ပတ်တတ်သူမျိုး၊
(၅) ရည်ရွယ်ချက်မရှိလှည့်လည်လေ့ရှိသူမျိုး၊၊

တင်ပြဆွေးနွေးထားသည့် သူမျိုးများနှင့်မိတ်ဆွေအဖြစ် အတူနေပေါင်းသင်းဆက်ဆံခြင်းဖြင့် ဘ၀တွင် တိုး တက်အောင်မြင်မှုနှင့် အေးချမ်းသာယာမှုကိုမရရှိနိုင်ကြောင်း လေ့လာရပါသည်၊၊


ထိုကဲ့သိုသဘောထားရှိသူများနှင့် မိတ်ဆွေအဖြစ်ပေါင်းသင်းဆက်ဆံမှု မပြုသင့်ကြောင်းနှင့်၊ အတူနေထိုင်ခြင်း ဖြင့်အကျိုးမရှိရုံမျှမက၊ တိုးတက်မှုတွင်အန္တရာယ်ပင်ဖြစ်တတ်ကြောင်း မှတ်သားရပါမည်၊၊ ထို့ကြောင့် မိမိနှင့်စိတ် တူသဘောတူသည့် မိတ်ဆွေကိုရှာဖွေမရခဲ့လျင် တစ်ဦးတည်းနေသည်ကသာပိုမိုကောင်းမွန်ကြောင်း သိမြင်ရ ပါမည်၊၊


လူတချို့သည် အတွေးအခေါ်တစ်ခုသို့ချည်းကပ်ရာတွင် များစွာအဆိုးမြင်တတ်သည်ကို တွေ့ရသည်၊၊ ထို့ပြင် အလုပ်ဟူသည်ကို မလုပ်ရသေးခင်က ဖြစ်နိုင်ခြေမရှိသည်များကိုသာ စိတ်တိမ်းညွတ်ကြံစည်၊ ယူဆတတ်သည် သူများကို တွေ့ရသည်၊၊

အင်္ဂလိပ်စာတွင် ထိုကဲ့သို့စိတ်ပိုင်းဆိုင်ရာအခြေအနေရှိသူများကို Negetive View အဆိုးမြင်သူများဟူ၍ လည်းကောင်း၊ Pessimismဟုလည်းကောင်း ခေါ်ဆိုကြပါသည်၊၊ တစ်ခါတရံအလုပ်တစ်ခု စီမံကိန်းတစ်ခု အတွက် ထိုသို့သောသူများကို တိုင်ပင်မိလျင် စိတ်ဓာတ်များယိမ်းယိုင်ေ၀၀ါးပြီး၊ မည်သည့်အခါမျှလုပ်ငန်း အကောင်အထည်ဖော်နိုင်သည်ဟူ၍ မရှိတော့ချေ၊၊


ထို့ကြောင့် ဘ၀နှင့် ခံစားမှု၊ လုပ်ငန်း၊ စီမံကိန်းတစ်ခုကိုအကောင်အထည်ဖော်ရန် ဆွေးနွေးတိုင်ပင် သည့်အခါ အထက်တွင်ဆွေးနွေးတင်ပြထားသည့် “မဖြစ်၊ မဟုတ်၊ မရှိ၊ မဖြစ်နိုင်၊ ခက်ခဲသည်၊ မလွယ်ကူ”စသည့် စကားလုံးများကို တွင်ကျယ်စွာသုံးနှုံးတတ်သူများကို ဝေးဝေးကရှောင်ရှားသင့်ကြောင်းအ ကြံပြုလိုပါသည်၊၊


ဤတွင် “မိတ်ဆွေနှင့်၊မိတ်ဆွေကျင့်ဝတ်”များအကြောင်းဆွေးနွေးတင်ပြမှု အတိုင်းအတာတစ်ခုမျှ ပြည့်စုံပြီဟု ယူဆပါသည်၊၊ စင်္ကာပူ၊ ဒူဘိုင်း၊ မလေးရှားမှအကြံတောင်းကြသည့် “အလင်းစက်”စာဖတ်သူများအတွက်ရည် ညွှန်း၍ ဤစာတမ်းကိုပါဠိစာပေကျမ်းကြီးများတွင်ဖော်ပြထားသည့် မိတ်ဆွေစစ်နှင့်၊ မိတ်ဆွေကျင့်ဝတ်ဆိုင်ရာ ဖွင့်ဆိုချက်များကိုကိုးကား၍ ရေးသားတင်ပြခြင်းဖြစ်ပါသည်၊၊


"၀ိဿာသ ပရမာ ညာတိ=ခင်မင်သူမိတ်ဆွေ သူငယ်ချင်းများသည် မိမိဘ၀တွင်တိုးတက်မှုနှင့် ချမ်းသာပျော်ရွှင် မှုအတွက် အကောင်းဆုံးမိတ်ဆွေများဖြစ်သည်"ဟု မြတ်စွာဘုရားရှင်သင်ပြတော်မူထားပါသည်၊၊ "အလင်းစက်" စာရှုသူများ မိတ်ဆွေကောင်းများကို ရှာဖွေပေါင်းသင်းဆက်ဆံကြပြီး၊ ဘ၀တွင်စိတ်ချမ်းသာမှု၊ တိုးတက်မှုများနှင့် အတူ၊ လူသားအကျိုး၊ ပတ်ဝန်းကျင်အကျိုးများကို ထမ်းဆောင်နိုင်ကြပါစေကြောင်းဆန္ဒပြုလျက် ဆွေးနွေးတင် ပြမှုစာတမ်းကို အဆုံးသတ်လိုက်ရပါသည်၊၊          ၊၊         


     
     
{Sources/ မိတ္တသုတ်၊သံယုတ္တနိကာယ်နှင့်၊ မိတ္တသုတ်၊ အင်္ဂုတ္တရနိကာယ်၊တ-ပံ-ဆ-တို့ကို ကိုးကား လျက် ဆွေးနွေး တင်ပြအပ်ပါသည်၊၊}
                                                                         
အရှင်ကေ၀လ(အလင်းစက်)
                                                                             
{မဟာဝိဇ္ဇာ-သီရိလင်္ကာ}
                                                                         
မကုဋာရာမမြန်မာကျောင်းတိုက်၊
                                                                          
ကိုလံဘိုမြို့၊ သီရိလင်္ကာနိုင်ငံ၊၊
                                                                                  
 (01/05/2012)

1 comments:

Maribel Artaste July 23, 2012 at 9:28 AM  

Hi!Great and interesting blog you have:) Come and visit my site too. http://motors.com.mm/?utm_campaign=mot_mm_lb_blog_martaste&utm_source=mot_lb_blog&utm_medium=lb_blog

Post a Comment

  © Blogger template 'Fly Away' by Ourblogtemplates.com 2008

Back to TOP