The Essence: 2009

Friday, July 3, 2009

မယ်တော်မာယာ

ဘုရားအလောင်းတော် သေတကေတုနတ်သားဟာ လူ့ပြည်ကိုဘုရားဖြစ်ရန် ဆင်းမည်ပြုသောအခါမှာ ကြည့်ခြင်းကြီး(5)မျိုးကို ကြည့်တယ်လို့ ပါဠိစာပေမှာတွေ့ရပါတယ်၊၊
အဲဒီငါးမျိုးထဲမှာ မာတု အာယုပရိစ္ဆေဒ ဆိုတာပါ ပါတယ်၊၊မယ်တော်ရဲ့ သက်တမ်းကို ကြည့်တာပါတဲ့၊၊
ဘုရားမယ်တော်တို့မည်သည် ဘုရားအလောင်းတော်ကို ဖွားသန့်စဉ်အပြီး(7)ရက် ကြာတဲ့အခါမှာ ဘ၀ဇာတ်သိမ်းပေးရပါသတဲ့၊၊
စာရေးသူတွေးမိတာက” ဘုရားမယ်တော်တဦးအဖြစ်လူလောကမှာ အသက်ရာတမ်းတိုင်နေသင့်တယ်ထင်တယ်လေ”၊၊လူတွေအားလုံးကလည်း ဘုရားမယ်တော်ဆိုပြီး ချစ်ကြ ခင်ကြ ရိုသေလေးစားကြမှာ မလွဲပါဘူး၊၊ဒါကြောင့် စာရေးသူက သက်တမ်းစေ့ နေစေချင်တာပါ၊၊အခုတော့ သားတော်လေးကိုမှ ချစ်လို့ မ၀သေးခင် ကံတော်ကုန်ရတယ်ဆိုတော့ ကျေကွဲစရာပေါ့၊၊ဒါတွေက ဆရာတော်ကြီး တပါးရေးတဲ့ ကဗျာကိုမတွေ့ခင်က တွေးမိတာပါ၊၊အခုတော့ ကဗျာလေးကို ဖတ်ပြီး သဘောပေါက်သွားပါပြီ ဘာကြောင့် ဘုရားမယ်တော် အသက်မရှည်ရတယ်ဆိုတာပေါ့၊၊ကဗျာလေးက တောင်တွင်းဆရာတော်ကြီး အရှင်ဥက္ကဌရေးတာပါ စာဖတ်သူလေ့လာရအောင် တင်ပြပေးလိုက်ပါတယ်၊၊

အို-မိဖုရား, ဤသားကြောင့်ပင်၊
သင့်ကိုလူသား, နတ်များချစ်ခင်၊
သင့်လိုလူမျိုး, လူတရိုးတွင်၊
နောက်-နေထွက်, ခဲခက်ရာဇ၀င်၊၊

ဤသည့်သားမြတ်, လွယ်အပ်သားအိမ်၊
မြင့်မြတ်ခေါင်ကြူး, အထူးမွေ့သိမ်၊
သန္ဓေနောက်ထပ်, ကပ်ဖို့ကောတိမ်၊
စွန့်ခွာရေး, မနှေးဤလူ့အိမ်၊၊

အလွန်ထူးမြတ်, မိ-နတ်မာယာ၊
ဆင်းရဲဒုက္ခံ, မတန်မရာ၊
လူ့ဘ၀လည်း, ဒုက္ခချည်းသာ၊
ဒုက္ခ၀ဋ်, လွတ်ဖို့ဓမ္မတာ၊၊

ထို့ကြောင့်ဤသား, မွေးဖွားပြီးခါ၊
(၇)ရက်စေ့, ညီးငွေ့လူ့ရွာ၊
ဒုက္ခကင်းကင်း, ဆင်းရဲရှင်းရာ၊
လူ့ဇစ်မြစ်, စွန့်ပစ်မယ်မာယာ၊၊

လူ့ဘ၀နန်း, စိတ်နွမ်းကိုယ်အီ၊၊
ထွက်မြန်းတက်လှမ်း, ထက်နန်းတုဿီ၊
နတ်ဗြဟ္မာပေါင်း, ခညောင်းစုံညီ၊
မာယာနတ်, ဦးညွတ်လက်အုပ်ချီ၊၊

အပြည့်အစုံသို့....

Sunday, June 7, 2009

ဓမ္မစကူး (မကေတုမာလာ)

သာသနာ့သမိုင်းမှာအလွန်ထင်ရှားခဲ
့တဲ့ သီဟိုဠ်ခေတ်စံတော်ဝင် အရိယာရဟန္တာပုဂ္ဂိုလ်အများအပြား သီတင်း သုံးနေထိုင်ခဲ့ရာ အိန္ဒိယနိုင်ငံတောင်ဘက် အိန္ဒိယပင်လယ်အတွင်းမှာ တည်ရှိတဲ့ သီရိလင်္ကာနိုင်ငံသို့ ၂၀၀၇ ခု နှစ်ရဲ့ နောက်ဆုံးရက်တရက်မှာ ရောက်ရှိလာခဲ့ပါတယ်။

ယခင်က သီဟိုဠ်ကျွန်းလုိ့ခေါ်ဆိုကြပြီး ပါဠိစာပေတွေ ထဲမှာတော့ သီဟဠ၊ တမ္ဗပဏ္ဏိ၊ လင်္ကာဒီပ ဆိုပြီး ခေါ်ဝေါ်ခဲ့ကြတဲ့ ဒီနိုင်ငံကိုရောက်တော့ မထင်မှတ်တဲ့ အတွေ့ အကြုံလေးတချို့က ကိုယ့်အတွက် မှတ်တမ်းလေးတွေ ဖြစ်ခဲ့ပါတယ်။

သေချာတာတစ်ခုက အဲဒါဟာ ဘုရားဖူး မှတ်တမ်း မဟုတ်သလို၊ ခရီးသွားလမ်းညွှန် မှတ်တမ်းတစောင်လည်း မဟုတ်ခဲ့ပါဘူး။ ပြောနိုင်တာကတော့ ကိုယ့်အတွေ့အကြုံလေးတချို့နဲ့ ခံစားချက်လေးတွေထည့်ထားတဲ့ မှတ်တမ်းလေးတခုပါပဲ။

ဒီနိုင်ငံကိုရောက်တော့ ကိုယ့်အတွက် ပထမဦးဆုံး စိတ်ဝင်စားစရာ အလွန်ကောင်းခဲ့တဲ့ အကြောင်းအရာက ပန်းကလေးတွေနဲ့တူတဲ့ ကလေးလေးတွေနဲ့ ပတ်သက်နေခဲ့ပါတယ်။ တကယ်တော့ ကိုယ်နေတဲ့ကျောင်းက တရားရိပ်သာ(Meditation Centre)တခုပါ။

ဒါကြောင့်လည်း တရားလာအားထုတ်တဲ့ ယောဂီတွေကိုသာ အ ထူးသဖြင့် တွေ့ရလေ့ရှိပါတယ်။ ကိုယ်ရောက်ပြီး ရက်ပိုင်းအတွင်းမှာပဲ ဆွမ်းစားကျောင်းအပြင်ဘက်က ခုံတန်း တွေပေါ်မှာ အဖြူရောင်တူညီဝတ်စုံတွေ ၀တ်ထားတဲ့ ကလေးလေးတွေကို မိခင်ဖြစ်သူတွေနဲ့အတူ စပြီးတွေ့ခဲ့ ရတယ်။
သူတို့လေးတွေကလည်း ဒီနိုင်ငံသားမဟုတ်တဲ့ကိုယ့်ကို စူးစမ်းနေတဲ့မျက်ဝန်းနဲ့ အမြဲတမ်းလိုက်ကြည့် လေ့ရှိကြတယ်။

ဒါတွေက ကိုယ့်အတွက် သိပ်မဆန်းတော့ပေမယ့် တွေ့လိုက်တိုင်းလည်း ဒီလိုအချိန် ဒီအဖြူ ရောင်ဝတ်စုံလေးတွေနဲ့ ကလေးလေးတွေကို ဒီလိုနေရာမျိုးမှာ တွေ့တွေ့နေရတာကတော့ နည်းနည်းဆန်းနေ သလိုပါပဲ။ ဒီကလေးတွေ ဒီကျောင်းကို ဘာလာလုပ်တာလဲပေါ့လို့ ကိုယ့်ဘာသာကိုယ်တွေးနေမိတယ်။

ပြီးတော့ သူတို့က နေ့တိုင်းလာတာလည်း မဟုတ်ဘူး။ ဒါပေမယ့် သူတို့ကို တွေ့လိုက်ရင်လည်း ကိုယ်ဆွမ်းစား ကျောင်းက ပြန်လာတဲ့အချိန် ၇း၃၀ လောက်မှာ အဲဒါက ပုံမှန်အချိန်ပဲ။ ဒီလိုနဲ့ … တရက်မှာတော့ အပြုံးချိုချို လေးနဲ့ မိခင်ဖြစ်သူအမျိုးသမီးက ကိုယ့်ကိုလာပြီးမိတ်ဆက်ပါတယ်။ သူနဲ့ကပ်လျက်မှာတော့ ကိုယ့်ကိုစူးစမ်းနေ တဲ့ မျက်ဝန်းတွေနဲ့ ပြုံးပြလေ့ရှိတဲ့ ကလေးလေးနှစ်ယောက်ကိုလည်း တွေ့လိုက်ရပါတယ်။

အဲဒီနောက် မိခင် ဖြစ်သူက သူ့သားနဲ့ သမီးအကြောင်းကို ပြောပြရင်း ကလေးတွေနဲ့ ကိုယ့်ကို မိတ်ဆက်ပေးပါတယ်။ ရှစ်နှစ်အ ရွယ်သားငယ်နဲ့ ဆယ်နှစ်အရွယ်သမီးလေးကလည်း သူတို့ရဲ့မိခင်လိုပဲ ယဉ်ကျေးသိမ့်မွေ့ကြပါတယ်။ အင်္ဂလိပ် စကားကိုလည်း ပြောနိုင်ကြပါတယ်။

ကလေးတွေကို Sunday School လိုက်ပို့ပေးတာဖြစ်ကြောင်း အဲဒီအမျိုး သမီးက ပြောပြတော့မှပဲ သူတို့ဒီကိုလာရတဲ့အကြောင်းရင်းကို အပြည့်အစုံ သိလိုက်ရပါတယ်။ တကယ်တော့ သူတို့အဓိကလာတဲ့နေရာက ကိုယ်နေတဲ့ တရားရိပ်သာကို မဟုတ်ပါဘူး။

ဒီကျောင်းဝင်းရဲ့ကပ်လျက် ဘုန်း တော်ကြီးကျောင်းက Sunday School ကိုလာတာဖြစ်ပြီး ဟိုဘက်မှာ လူအရမ်းများနေလို့ ကျောင်းချိန်မစခင် ဒီမှာခဏ၀င်ပြီး ကလေးတွေကို မနက်စာမုန့်ကျွေးရင်း လာဝင်နားတာပါလို့ရှင်းပြတော့မှ ကိုယ်လည်း သဘော ပေါက်တော့တယ်။

ဟုတ်ပါတယ် … ကိုယ်နေတဲ့ကျောင်းဝင်းရဲ့ ဘယ်ဘက်ကပ်လျက်မှာ ဒီနိုင်ငံရဲ့သမ္မတကိုးကွယ်တဲ့ ဘုန်းတော် ကြီးကျောင်းရှိပါတယ်။ အဲဒီကျောင်းကို လေးငါးခေါက်လောက်ရောက်ဖူးပြီး ကျောင်းထိုင်ဆရာတော်နဲ့လည်း စကားပြောဖူးပါတယ်။ Buddhist Channel ဆိုပြီး ဗုဒ္ဓဘာသာဆိုင်ရာ အ ကြောင်းအရာများကို ရိုက်ကူးထုတ် လွှင့်တဲ့ TV အစီအစဉ်တွေလည်း အဲဒီကျောင်းထဲမှာ ရှိပါတယ်။

ဗုဒ္ဓဘာသာဆိုင်ရာ အမေးအဖြေကဏ္ဍတွေကို လည်း ရိုက်ကူးတဲ့ အသံလွှင့် Studio-ခန်းထဲကို ကိုယ်တို့ကို လိုက်ပြပေးဖူးပါတယ်။ ဒါပေမယ့် အဲဒီကျောင်းမှာ ကလေး ၅၀၀ ကျော်လောက်ကို သင်ကြားပေးနေတဲ့ (သူတို့ဘာသာစကားနဲ့ ဆိုရင်) Daham Pasala လို့ခေါ် တဲ့ ဓမ္မကျောင်း သို့မဟုတ် Sunday School အစီအစဉ်ရှိတယ်ဆိုတာကို ကိုယ်တကယ်မသိခဲ့ပါဘူး။ ဗုဒ္ဓဘာ သာ ဘုန်းတော်ကြီးကျောင်းကဖွင့်တဲ့ Sunday School ဆိုတာကိုလည်း အဲဒီအမျိုးသမီးနဲ့ စကားပြောတော့မှပဲ ပထမဦးဆုံး ကြားဖူးခဲ့ရတာပါ။

အလွန်လည်း စိတ်ဝင်းစားခဲ့ပါတယ်။ ဒါနဲ့ပဲ ကိုယ်လည်း ဒီအကြောင်းနဲ့ ပတ် သက်ပြီး လေ့လာကြည့်မိပါတယ်။ ဒီတော့မှ Sunday School ဆိုတဲ့စနစ်ကို တနိုင်ငံလုံးအတိုင်းအတာနဲ့ နိုင်ငံ တ၀ှမ်းလုံးက ဗုဒ္ဓဘာသာကျောင်းသားကျောင်းသူ အားလုံးနီးပါး တက်ရောက်သင်ကြားကြတယ်ဆိုတာကို အံ့ သြစွာနဲ့ သိခွင့်ရခဲ့ပါတယ်။

အမှန်တော့ ဒီသင်ကြားရေးစနစ်ကို စတင်ခဲ့တာက ၁၈၉၅-ခုနှစ်ကတည်းကပါ။ သီရိလင်္ကာနိုင်ငံဟာ ၁၅၀၅- ခုနှစ်ကတည်းက ပေါ်တူဂီနယ်ချဲ့အစိုးရလက်အောက်ကို ရောက်ရှိခဲ့တာဖြစ်ပြီး၊ ၁၆၃၈ မှာတော့ ဒတ်ခ်ျနယ် ချဲ့အစိုးရကလည်း ၀င်ရောက်သိမ်းပိုက်ခဲ့ပါသေးတယ်။ နောက်ပိုင်း ၁၈၇၆ ခုနှစ်မှ ၁၉၄၈ ခုနှစ်အထိတော့ ဗြိ တိသျှအစိုးရ လက်အောက်ကို ရောက်ရှိခဲ့ပြန်ပါတယ်။

နယ်ချဲ့အစိုးရတွေရဲ့ လက်အောက် ကျရောက်ခဲ့ပြီး နောက်ပိုင်း ဘာသာရေးနဲ့ပညာရေးနယ်ပယ်မှာ ခရစ်ယာန်ဘာသာ ကြီးစိုးလာခဲ့ပါတယ်။ နယ်ချဲ့အစိုးရလက် အောက်မှာ မှေးမှိန်လာခဲ့တဲ့ ဗုဒ္ဓဘာသာစာပေ ယဉ်ကျေးမှုတို့ကို ပြန်လည်ထိန်းသိမ်းရန်အတွက် ဗုဒ္ဓဘာသာ သံဃာတော်များရဲ့ ကြိုးပမ်းဆောင်ရွက်မှုများ ပုံစံအမျိုးမျိုးနဲ့ ပေါ်ပေါက်လာခဲ့ပါတယ်။
အဲဒီအချိန်တုန်းက အထင်ရှားဆုံးလည်းဖြစ် ဓမ္မကျောင်း သို့မဟုတ် Sunday School ကို စတင်တည်ထောင်ခဲ့ သူလည်းဖြစ်တဲ့ ဆရာတော်ကတော့ Ven. Migettuwatte Gunananda ဖြစ်ပါတယ်။ ဆရာတော်ဟာ အခက် အခဲမျိုးစုံ၊ အဖိနှိပ်မျိုးစုံကို ကျော်လွှားပြီး ၁၈၉၅ ခုနှစ်မှာ Galle မြို့၊ ၀ိဇယနန္ဒာကျောင်း (Vijayananda Temple) တွင် ဓမ္မကျောင်း သို့မဟုတ် Sunday School ကို စတင်ဖွင့်လှစ်နိုင်ခဲ့ပါတယ်။

ဒီသင်ကြားရေးစနစ် ကို တနိုင်ငံလုံးရှိ ဗုဒ္ဓဘာသာဝင်တွေ တညီတညွတ်တည်း ပူးပေါင်းပါဝင်လာအောင် ဆရာတော်သံဃာတော် များနှင့်အတူ ဒကာ၊ ဒကာမများကလည်း ကြိုးပမ်းဆောင်ရွက်ခဲ့ကြပါတယ်။ အဲဒီထဲက ထင်ရှားတဲ့ ဦးဆောင် လှုပ်ရှားသူ လူပုဂ္ဂိုလ်တစ်ဦးကတော့ အမေရိကန်နိုင်ငံသား အတွေးအခေါ်ပညာရှင် Colonel Steel Henry Olcott ဖြစ်ပါတယ်။

Colonel Olcott ဟာ ၁၈၈၀ ခုနှစ်မှာ ဒီနိုင်ငံကိုရောက်ရှိလာပြီး မကြာခင်မှာပဲ ၀ိဇယနန္ဒာကျောင်း ဆရာတော် Ven. Migettuwatte Gunananda ကို အကြောင်းပြုကာ ဗုဒ္ဓဘာသာကို သက်ဝင် ယုံကြည်လာရာမှ ဗုဒ္ဓဘာသာဝင်အဖြစ်သို့ ပြောင်းလဲခဲ့ပါတယ်။

နောက်ပိုင်းမှာတော့ ဓမ္မကောလိပ်တွေ၊ ဓမ္မကျောင်းတွေ၊ ဘာသာရေး ဆိုင်ရာသင်တန်းတွေကို နိုင်ငံတစ်ဝှမ်းလုံးမှာ အများအပြားပေါ်ပေါက်လာအောင် ဦးဆောင်လှုပ်ရှားခဲ့သူအဖြစ် လည်း ဒီနိုင်ငံရဲ့သမိုင်းမှာ ထင်ရှားခဲ့ပါတယ်။

သူ့ရဲ့မှတ်စု အတွဲ (၃) စာမျက်နှာ ၁၄၃ မှာ ရေးသားခဲ့သော “ငါ့ မှာ အရေးကြီးသော အကြံအစည်တခုရှိသည်။ ဤသည်ကား ဗုဒ္ဓဘာသာအတွက် အထူးသဖြင့် က လေးများအတွက် ဗုဒ္ဓဘာသာပညာရေးကို စတင်ရန်” ဟူသော စာသားဟာ ဗုဒ္ဓဘာသာဝင်များအကြား တွင်ထင်ရှားခဲ့တယ်။
၁၈၉၅ ခုနှစ်က Galle မြို့ရှိ ဘုန်းတော်ကြီးကျောင်းတကျောင်းကနေ ကိုယ့်အားကိုယ်ကိုးစနစ်နဲ့ စတင်ခဲ့တဲ့ ဓမ္မ ကျောင်းတွေဟာ ဆယ်စုတစ်ခုအတွင်းမှာပဲ တနိုင်ငံလုံး အတိုင်းအတာအထိ ပျံ့နှံ့ သွားခဲ့ပါတယ်။ နယ်ချဲ့အစိုးရ လက်အောက်ကျရောက်နေစဉ် လွတ်လပ်ရေးမရခင် အစောပိုင်းနှစ်တွေကတည်းက ဓမ္မကျောင်းလို့ ခေါ်ကြ တဲ့ Sunday School စနစ်ဟာ ဒီနိုင်ငံမှာ ခိုင်ခိုင်မာမာ အမြစ်တွယ်နေခဲ့ပါပြီ။

ဘာသာခြား တိုင်းတပါးသားအစိုးရ လက်အောက်အတွင်း အဖိနှိပ်အချုပ်ခြယ်ကြားထဲမှာ Private ကျောင်းအသွင်နဲ့ တနိုင်ငံလုံးမှာ အမြစ်တွယ် သွားအောင် လုပ်ဆောင်နိုင်ဖို့ဆိုတာ လွယ်ကူတဲ့ ကိစ္စရပ်တခုမဟုတ်တာတော့ သေချာပါတယ်။ ဒီနေရာမှာ ကိုယ်တို့အထူးသတိထားရမယ့် အချက် ၂-ချက် ရှိပါတယ်။

ပထမအချက်က ဒီနိုင်ငံကိုကြည့်မယ်ဆိုရင် ကိုလိုနီ နယ်ချဲ့အစိုးရလက်အောက်ကို နှစ်ပေါင်း ၄၀၀ ကျော်ကြာအောင် ကျရောက်ခဲ့ပြီးတဲ့အချိန်မှာတောင်မှ ဗုဒ္ဓဘာ သာပညာရေးစနစ်တခုကို ခိုင်ခိုင်မာမာနဲ့ ဦးမော့လာနိုင်အောင် လုပ်နိုင်စွမ်းရှိခဲ့ကြတယ်။

တချိန်တည်းမှာပဲ ကိုယ်တို့နိုင်ငံကိုကြည့်မယ်ဆိုရင် ကိုလိုနီအစိုးရလက်အောက်ကို မကျရောက်ခင်ကတော့ ဘုန်းတော်ကြီးသင် ပညာရေးကျောင်းဟာ နိုင်ငံရဲ့အဓိကပညာရေး အခန်းကဏ္ဍတရပ်အနေနဲ့ ရပ်တည်နိုင်ခဲ့တာပါ။

ဒါပေမယ့် ကို လိုနီခေတ်လည်းရောက်ရော ဘုန်းတော်ကြီးသင်ပညာရေးစနစ်လည်း အညွန့်ချိုးခံလိုက်ရတာ ပြန်ပြီးနလံမထူ နိုင်လောက်အောင် ဖြစ်ခဲ့ရတယ်။ (ဒီနိုင်ငံနဲ့ ကိုယ်တို့နိုင်ငံလွတ်လပ်ရေးရတာ တနှစ်ထဲဖြစ်သလို၊ အဲဒီအချိန် တုန်းက အုပ်ချုပ်ခဲ့တဲ့ ကိုလီုနီအစိုးရဟာလည်း တခုတည်းရယ်ပါ။)

နောက်ဒုတိယအချက်ကတော့ လူမျိုးခြား Colonel Olcott ပါပဲ။ ဗုဒ္ဓဘာသာဟာ သူရဲ့ဘိုးဘွားအစဉ်အဆက်က ကိုးကွယ်ခဲ့တဲ့ ဘာသာမဟုတ်သလို၊ သူရဲ့နိုင်ငံတော်ဘာသာလည်း မဟုတ်ပါဘူး။

ဒါပေမယ့် သူက ဗုဒ္ဓဘာသာ အတွက် ဘယ်လောက်တောင် ကြိုးစားဆောင်ရွက်ခဲ့သလဲဆိုတာကို သူတည်ထောင်ခဲ့တဲ့ ဓမ္မကောလိပ်တွေ၊ ဓမ္မကျောင်းတွေ၊ သူ့ကိုအမှတ်ရကြလို့ ဂုဏ်ပြုကာထုလုပ်ထားတဲ့ ကိုလံဘိုမြို့လယ်ရှိ သူ့ရဲ့ရုပ်တုကြီးက သက် သေပြနေဆဲပါ။ သူသေဆုံးသွားပေမယ့် သူပျိုးထောင်ပေးခဲ့တဲ့ အရာတွေကတော့ ရှင်သန်ကြီးထွားနေဆဲပါ။

ဒီ လိုဆိုရင် ကိုယ်တို့ကျတော့ရော … ဗုဒ္ဓဘာသာဟာ ကိုယ်တို့ဘိုးဘွားအစဉ်အဆက် ကိုးကွယ်ခဲ့တဲ့ဘာသာ၊ ပြီး တော့ “အမျိုး၊ ဘာသာ၊ သာသနာကို ကာကွယ်ထိန်းသိမ်း စောင့်ရှောက်ကြပါ” ဆိုတဲ့ သြ၀ါဒကို သိတတ်နား လည်စအရွယ်ကတည်းက ကြားနေခဲ့ရတာ ယနေ့အထိ အကြိမ်ပေါင်းမနည်းတော့ပါဘူး။

ကြားခဲ့ရတဲ့ အချိန် တိုင်းမှာလည်း ကိုယ်တို့ကတော့ ခေါင်းလေးတညိတ်ညိတ်နဲ့ပေါ့။ ခေါင်းညိတ်ရုံကလွဲပြီး ဘာမှမလုပ်ဖြစ်ခဲ့သေး တဲ့ ကိုယ့်အဖြစ်ကို တကယ်လို့ Colonel Olcott သာတွေ့ရင် ကိုယ့်ကို ဟားတိုက်မှာ သေချာပါတယ်။

ဒါ့အပြင် သူက သူ့နိုင်ငံသားမဟုတ်တဲ့ ကလေးတွေအတွက် ဒီလောက်တောင် စေတနာထား လုပ်ဆောင်နိုင်ခဲ့တယ်ဆို ရင် ကိုယ်တို့ကတော့ရော ကိုယ်တို့နိုင်ငံက ကလေးတွေအတွက် ဘာတွေလုပ်ပေးခဲ့ကြပြီးပြီလဲ..။ အင်း ... ဒီအ ချက်ကတော့ ကိုယ့်အတွက် အလေးအနက်ထားစရာ အချက်တခုပါပဲ။

ဒီလိုနဲ့ အခက်အခဲတွေကြားက ရုန်းထွက်ဦးမော့ခဲ့တဲ့ ဓမ္မကျောင်း သို့မဟုတ် Sunday School စနစ်ဟာ လွတ်လပ်ရေးရပြီးနောက်ပိုင်းမှာတော့ သမိုင်းမှာထင်ရှားတဲ့ သမ္မတ-Bandranaike ကြောင့် ပိုပြီးအရောင်တောက် ပခဲ့ပါတယ်။ သူ သမ္မတဖြစ်တဲ့ ၁၉၅၆ ခုနှစ်တွင် ဒီ Sunday School လို့ခေါ်တဲ့ ဓမ္မကျောင်းတွေကို သာသနာ ရေးဝန်ကြီးဌာနလက်အောက်ကဖွင့်တဲ့ အစိုးရကျောင်းတွေအဖြစ် တရားဝင် အသိအမှတ်ပြုလိုက်ပါတယ်။

အတန်းတိုင်းအတွက် သင်ရိုးပြဌာန်းစာအုပ်တွေကိုလည်း သာသနာရေးဝန်ကြီးဌာနက ရိုက်နှိပ်ထုတ်ဝေပြီး တနိုင်ငံလုံးရှိဓမ္မကျောင်းမှ ကျောင်းသားကျောင်းသူများအားလုံးကို အခမဲ့ဖြန့်ဝေပေးပါတယ်။ စာမေးပွဲတွေကိုလည်း သာသနာရေးဝန်ကြီးဌာနက ကြီးမှူးကျင်းပပေးတာဖြစ်ပြီး စာမေးပွဲနဲ့ပတ်သတ်တာမှန်သမျှကိုလည်း တာဝန်ယူပြီး စီစဉ်ပေးပါတယ်။

ပြီးတော့ ဓမ္မကျောင်း သို့မဟုတ် Sunday School ၀တ်စုံဆိုပြီးတော့ သီးသန့်သတ်မှတ်ပေးခဲ့သေးတယ်။ ယောင်္ကျားလေးတွေအတွက်က ဒီနိုင်ငံရဲ့ အမျိုးသားဝတ်စုံ နဲ့ဆင်တူတဲ့ လည်ကတုံး ရှပ်အင်္ကျီ လက်ရှည်အဖြူနဲ့ လုံချည်အဖြူဖြစ်ပြီး မိန်းကလေးတွေ အတွက်ကတော့ ဒီနိုင်ငံရဲ့ ရိုးရာဝတ်စုံဖြစ်တဲ့ Kandy ဆာရီနဲ့ အနည်းငယ်ဆင်တဲ့ (သူတို့အခေါ်) Half ဆာရီဆိုတဲ့ အထက်အောက် အဖြူရောင်ဝတ်စုံလေးဖြစ်ပါ တယ်။ ဒါ့အပြင် အစိုးရက အထက်တန်းကျောင်းအောင်လက်မှတ်များလိုပဲ ဓမ္မကျောင်းအောင်လက်မှတ်ကိုလည်း ချီးမြှင့်ခဲ့ ကြပါတယ်။

ဒီလိုစနစ်တကျနဲ့ သပ်သပ်ရပ်ရပ်ဖြစ်လာတဲ့ Sunday School စနစ်ဟာ ယခု သမ္မတ Mahinda Rajapaksha လက်ထက်မှာတော့ ပံ့ပိုးမှုတွေ အားပေးမှုတွေ ပိုပြီး အားကောင်းလာခဲ့ပါတယ်။

သမ္မတကိုယ်တိုင်ကလည်း ကလေးတွေကို Sunday School တက်ဖို့ သူ့မိန့်ခွန်းတွေထဲကနေရော အပြင်မှာဆုံတွေ့တဲ့အခါမှာရော အကြိမ်ကြိမ်တိုက်တွန်းခဲ့ပါတယ်။ သာမန်အောင်လက်မှတ် အဆင့်သာရှိတဲ့ ဓမ္မကျောင်းအောင်လက်မှတ်ကိုလည်း အဆင့်အတန်းမြှင့်တင်ပေးခဲ့ပါတယ်။

အစိုးရဌာနဆိုင်ရာ အလုပ်ခန့်အပ်မှုမှာ ဒီ Sunday School အောင်လက်မှတ်ဟာ အရေးပါတဲ့ ကန့်သတ်ချက်တခုအနေနဲ့ လိုအပ်နေပြီး အဲဒါကိုလည်း အစိုးရက တရားဝင်ထုတ်ပြန်ထားကြောင်း ကျောင်းသားမိဘတွေကပြောပြကြပါတယ်။ (ဒီနေရာမှာ.. တခြားဘာသာခြားတွေအတွက်ဆိုရင် တော့ သက်ဆိုင်ရာဘာသာရဲ့ အောင်လက်မှတ်ကို ဆိုလိုပါတယ်လို့ ရှင်းပြကြပါတယ်။)

“ အခုဆိုရင် Sunday School အောင်လက်မှတ်ဟာ တက္ကသိုလ်ဆက်တက်မယ့် ဗုဒ္ဓဘာသာကျောင်းသား ကျောင်းသူတွေအတွက် အရေးပါတဲ့ လက်မှတ်တခု ဖြစ်နေပါပြီ” လို့ အဲဒီမှာ စာသင်ပေးနေတဲ့ သီလရှင်ကြီးတပါးက ဂုဏ်ယူစွာနဲ့ ပြောတုန်းက ကိုယ့်မှာတော့ သူနဲ့အတူရောပြီး (သူတို့အတွက်) ၀မ်းသာဂုဏ်ယူနေမိတယ်။

ဒီနိုင်ငံကိုရောက်ပြီးနောက်ပိုင်း အပြင်သွားစရာကိစ္စပေါ်ရင် အမြဲလိုလို လိုက်ပို့ပေးတတ်တဲ့ ဒကာမကြီးက တချို့သော သူ့ရုံးပိတ်ရက်တွေမှာ တခြားမြို့တွေက ဘုရားတွေဆီ လိုက်ပို့ပေးလေ့ရှိပါတယ်။ ကိုယ်တို့ ခရီးထွက်ချိန် တနင်္ဂနွေမနက်စောစောတွေမှာဆိုရင် ဖြတ်ကျော်သွားနေတဲ့ မြို့တွေ ရွာတွေရဲ့ လမ်းဘေးတလျှောက် မှာတော့ ဓမ္မကျောင်းက ကလေးများရဲ့ဝတ်စုံအဖြူရောင်တွေ လွှမ်းနေတော့တာပေါ့ ..။

အဖြူရောင်တူညီဝတ်စုံလေးတွေနဲ့ ကလေးတွေရဲ့ ခြေလှမ်းတွေက လန်းဆန်းတက်ကြွစွာ ဘုန်းတော်ကြီးကျောင်းဆီ ဦးတည်လို့ ...၊ သူတို့လေးတွေရဲ့မျက်နှာမှာတော့ အပြုံးပန်းတွေဝေလို့ ...၊ သူတို့အာရုံထဲမှာတော့ သူတို့သွားနေတဲ့ ဘုန်းတော်ကြီးကျောင်းဟာ သူတို့အတွက် စိတ်ဓာတ်နဲ့ အကျင့်စာရိတ္တတွေ အရောင်မြှင့်တင်ပေးတဲ့ နေရာ စံပြပုဂ္ဂိုလ်တွေအကြောင်းကို လေ့လာခွင့်ရမယ့်နေရာဆိုပြီး ယုံကြည်မှုတွေပြည့်လို့ ...။

ကားပေါ်ကနေ လှမ်းမြင် နေရတဲ့ ဒီမြင်ကွင်းတွေကတော့ ကိုယ့်အတွက် ကျက်သရေရှိလွန်းလှပါတယ်။ မြို့တွေ၊ ရွာတွေဖြတ်သွားတိုင်း အဲဒီလိုမြင်ကွင်းမျိုးကို ကိုယ်က မရိုးနိုင်အောင် လိုက်ငေးနေတော့တာပဲ။

ကားက မြို့တွေရွာတွေကို ကျော်လွန် သွားပေမယ့်လည်း ကိုယ့်အာရုံထဲမှာတော့ အတွေးတွေက တ၀ဲလည်လည်ပါပဲ။ အင်း .. ဒီလိုအချိန်မျိုးမှာ ကိုယ်တို့နိုင်ငံက ကလေးတွေရော ဘယ်ဆီကိုများ ဦးတည်သွားနေကြမလဲ ...၊ သူတို့တွေကရော ဘုန်းတော် ကြီးကျောင်းတွေကိုဘယ်လိုသဘောထားကြမလဲ...။

တခါမှာတော့ ရှေးဟောင်းဆင်းတုတော်တွေ ဖူးဖို့နဲ့ ရှေးဟောင်းအဆောက်အဦလေးတခုကို လေ့လာဖို့ နယ်မြို့တမြို့ရဲ့ ဘုန်းတော်ကြီးကျောင်းတကျောင်းကို မိတ်ဆွေတွေကခေါ်သွားပါတယ်။ ဖြစ်ချင်တော့ ကိုယ်တို့ ရောက်သွားတဲ့အချိန်က Sunday School စာသင်ချိန်ဖြစ်နေပါတယ်။

ဒါနဲ့ ကိုယ်တို့လလည်း စာသင်နေတဲ့နေရာကို အရင်သွားပြီး လိုက်ကြည့်ကြပါတယ်။ အဲဒီမှာတွေ့ရတာကတော့ အသက်အရွယ်လိုက် အတန်းတွေ ခွဲခြားထားပါတယ်။ (၁) တန်းကနေ (၁၀) တန်းအထိရှိတယ်လို့ ဆိုပါတယ်။ ဒီဓမ္မကျောင်း သို့မဟုတ် Sunday School အတွက် သင်ရိုးပြဌာန်းထားတာတွေကတော့ ...

1.Pāli language (ပါဠိဘာသာ)၊
2. History of Buddhism (ဗုဒ္ဓဘာသာသမိုင်းကြောင်း)၊
3. Biography of the Buddha (ဗုဒ္ဓ၀င်)၊
4. Biographies of very famous Buddhist monks, nuns and lay people (ဗုဒ္ဓခေတ် သာဝကကြီးများရဲ့ အတ္ထုပ္ပတ္တိများ)၊
5. Fundamental doctrines of Buddhism (ဗုဒ္ဓဘာသာရဲ့ အခြေခံတရားတော်များ)၊
6. Recitation of Pāli passages and stanzas (ပါဠိတော်များကို ရွတ်ဖတ်သရဇ္ဈာယ်ခြင်း)၊
7. Abhidhamma (အဘိဓဓ္မာ)၊
8. Buddhist meditation (ဘာဝနာ တရားပွားများခြင်း)တို့ဖြစ်ကြပါ
တယ်။

ဘုန်းတော်ကြီးတွေ၊ သီလရှင်တွေအပြင် ဆရာ၊ ဆရာမတွေကလည်း ၀ိုင်းဝန်းကူညီသင်ကြား ပေးကြတာ တွေ့ ရပါတယ်။ သင်ကြားရေးပိုင်းနဲ့ ပတ်သက်ပြီး သိရှိရတာ နောက်တစ်ခုကတော့ ၁၉၆၀မှာ ဖွဲ့စည်းတည်ထောင် လိုက်တဲ့ Buddhist Theosophical Society (BTS) ဆိုတာပါပဲ။ အဲဒီအဖွဲ့က သင်ကြားမှုနည်းစနစ် ဖွံ့ဖြိုးတိုး တက်ရေးနဲ့ ဆရာဖြစ်သင်တန်းဖွင့်လှစ်ရေးအတွ

က် ရည်ရွယ်တာပါ။

နောက်ပိုင်းမှာ Sunday School ကျောင်း သားဟောင်းများကိုလည်း ဆရာများအ ဖြစ် ထိုသင်တန်းများမှမွေးထုတ်ပေးခဲ့ပါတယ်။ အစိုးရစာမေးပွဲများမှ တဆင့် စဉ်ဆက်မပြတ်အကဲဖြတ် ခြင်းဟာ အရည်အချင်းပြည့်ဝတဲ့ ဓမ္မကျောင်းဆရာများ မွေးထုတ်ပေးခြင်း အတွက် အထောက်အကူဖြစ်စေခဲ့ပါတယ်လို့ ရှင်းပြကြပါတယ်။

သတိထားကြည့်မိသလောက်တော့ ဒီ Sunday School စနစ်ကို ဒီနိုင်ငံက ပညာတတ်လူတန်းစားတွေ အထူးအားပေးကြတာတွေ့ရပါတယ်။ အဲဒါအချက်တွေဟာကိုယ့်အတွက်တော့မှတ်တမ်းလေးတွေဖြစ်လို့ပေါ့။

ဒီလိုနဲ့ ... နိုဝင်ဘာလရဲ့ ရက်တရက်မှာတော့ မြန်မာ့သမိုင်းမှာထင်ရှားတဲ့ ကန္ဒီစာချုပ် ချုပ်ဆိုခဲ့တဲ့နေရာ၊ ဒီနိုင်ငံရဲ့ ဒုတိယမြို့တော်ဖြစ်တဲ့ ကန္ဒီ(Kandy)မြို့ကနေ ကီလိုမီတာ ၂၀လောက်ဝေးတဲ့ နေရာက ခြံကြီးတခြံကို ရောက်ရှိခဲ့ပါတယ်။

အဲဒီခြံကြီးထဲမှာ ကိုယ်နဲ့ အလွန်ရင်းနှီးတဲ့ မိသားစုတစု နေထိုင်ကြပါတယ်။ သူတို့မိသားစု က စီစဉ်ပြုလုပ်တဲ့ အလှူအတွက် လာဖိတ်ကြတာနဲ့ ကိုယ်လဲ အဲဒီကိုရောက်ဖြစ်သွားရတော့တယ်။ လာကြိုတဲ့ ကားက အလှူလုပ်တဲ့အိမ်ကိုရောက်တော့ မနက် ၉နာရီခွဲလောက်ရှိပါပြီ။ အဲဒီနေ့က တနင်္ဂနွေနေ့ပါ။ ကိုယ်တို့ ရောက်တော့ အိမ်ရှင်တွေက ထွက်ကြိုနှုတ်ဆက်ကြပါတယ်။

အဲဒီအိမ်မှာက သားသမီးဆိုလို့ ၁၃နှစ်အရွယ် သမီးလေးတယောက်ပဲရှိပြီး ကိုယ်နဲ့လဲ အလွန်ရင်းနှီးပါတယ်။ ကိုယ်ရောက်တော့ အဲဒီကလေးမလေးရဲ့ မိဘတွေကို နှုတ်ဆက်ရင်း သူ့ကိုမတွေ့တာနဲ့ မေးကြည့်လိုက်တော့ “ဒီနေ့ Sunday School ရှိတယ်လေ ...၊ အဲဒီမှာ အစမ်းစာမေးပွဲလေးလည်းရှိလို့ပါ ...၊ ၁၁နာရီ မထိုးခင် တရားပွဲအမီပြန်လာပါလိမ့်မယ်”လို့ပြန်ဖြေပါတယ်။

ပုံမှန်အချိန်ဆိုရင်တော့ ဒါက မထူးဆန်းပေမယ့် အခုလိုအချိန်မျိုးမှာ ဒီစကားကို ကြားရတော့ ကိုယ့်အတွက် နည်းနည်းဆန်းနေသလိုပါပဲ။ တကယ်တော့ ဒီအလှူက သူတို့မိသားစုအတွက် အလွန်ကြီးကြီးကျယ်ကျယ်နဲ့ ပြုလုပ်ထားတဲ့အလှူပါ။

ကိုလံဘိုက ဆရာတော်တွေနဲ့ လူတွေတချို့ကိုတောင် ဖိတ်ကြားထားတာပါ။ ပြီးတော့ သူတို့မိသားစုအတွက် ၀မ်းနည်းစရာအကောင်းဆုံးဖြစ်ခဲ့တဲ့နေ့ကို အမှတ်တရပြုလုပ်တဲ့ အခမ်းအနားလေးပါ။ ဒီ လိုနေ့မျိုးမှာတောင် အိမ်ရှင်ဖြစ်တဲ့ ကလေးမလေးက Sunday School ကို သွားဖို့ မပျက်ကွက်ခဲ့ဘူး။

မိဘတွေ ဘက်ကလည်း အားပေးတိုက်တွန်းပြီး ကြည်ကြည်ဖြူဖြူနဲ့လိုက်ပို့ပေးတာပဲ။ ကိုယ်ကတော့ ဒီအခြေအနေလေးတွေကိုကြည့်ပြီး မိဘတွေဘက်ကရော ကလေးတွေဘက်ကပါ Sunday School အပေါ်ထားတဲ့ လေးနက်မှု တွေကို သိလိုက်ရတော့တယ်။

တကယ်တော့ သင်ကြားရေးစနစ်တခုမှာ သင်ကြားပြသပေးတဲ့သူတွေသာမက တက်ရောက်သင်ကြားကြတဲ့ သူတွေဟာလည်း အလွန်အရေးပါတဲ့ အခန်းကဏ္ဍကနေပါဝင်နေပါတယ်။ သင်ကြားရေးစနစ်တခု အောင်မြင်ဖို့ အတွက် ကလေးတွေဘက်က စိတ်ပါဝင်စားမှု အလေးအနက်ထားမှုတွေ လိုအပ်သလို မိဘတွေဘက်လည်း တိုက်တွန်းအားပေးမှု၊ ပံ့ပိုးမှုတွေလုပ်ပေးဖို့လည်း အထူးလိုအပ်ပါတယ်။

ကိုယ်ရောက်ရောက်ချင်း သူ့ကိုမတွေ့လိုက်ရပေမယ့် ဓမ္မကျောင်းကို လေးလေးစားစားနဲ့ မပျက်မကွက်သွားခဲ့ တဲ့ သူ့အတွက် ကျေနပ်နေမိတယ်။ ပီတိလည်း ဖြစ်ရတယ်။ အခမ်းအနား စခါနီးမှာပဲ အဲဒီကလေးမလေး ပြန် ရောက်လာပြီး Sunday School ၀တ်စုံလေးနဲ့ တရားဝင်နာနေတာ တွေ့လိုက်ရပါတယ်။

ဒီလိုနဲ့အခမ်းအနားပြီး တော့ ကိုလံဘိုလိုက်ပြန်မယ့် ဆရာတော်တပါးက ခဏလောက်နားချင်သေးတယ်ဆိုတာနဲ့ ချက်ချင်းမပြန်ဖြစ် သေးဘဲ ခေတ္တနားဖြစ်ကြပါတယ်။ ကိုယ်ကတော့ ကိုယ်နားဖို့အတွက်ပေးထားတဲ့ အခန်းထဲမှာပဲ ပြန်နားရင်း တက္ကသိုလ် သင်ရိုးညွှန်းတမ်းထဲက စာတချို့ကို ဖတ်နေလိုက်ပါတယ်။

ဒီလိုနေရင်း တအောင့်လောက်ကြာတော့ အလှူကိုလာတဲ့ (အသက် ၁၃ နှစ်အရွယ်) ဒီအိမ်ရှင်ရဲ့ တူမလေးက အခန်းထဲဝင်လာပြီး ကိုယ်ဘေးနားကို ရောက်လာပါတော့တယ်။ ကလေးတွေကလည်း ကိုယ်နဲ့ဆို အတော်ဓာတ်တည့်ကြပါတယ်။

တော်တော်လည်း ခင်ကြတယ်။ (ဒီက ကလေးတွေ အင်္ဂလိပ်လို ကောင်းကောင်းပြောနိုင်ကြတယ်။ တချို့ဆို ကိုယ့်ထက်တောင် သာသေး..) အခုလည်း ကိုယ့်အနားကိုကပ်လာတဲ့ ကလေးမလေးကလည်း ကိုယ်ဘာစာတွေ ဖတ်နေတယ်ဆို တာ စပ်စုချင်လို့လေ၊ သူက ကိုယ့်ဘေးနားကနေ စာရွက်ထိပ်က ခေါင်းစဉ်တစ်ခုကိုကြည့်ပြီး Mahasanghika Sect (မဟာသံဃိကဂိုဏ်း) ဆိုပြီး အသံထွက်ဖတ်လိုက်တယ်။

ဒါနဲ့ ကိုယ်က လက်ထဲကဖိုင်ကိုပိတ်ပြီး သူ့ကို နောက်ချင်တာနဲ့ အဲဒါဘာလဲ .. သိလားဟင်လို့ မေးလိုက်ပါတယ်။ ကလေးမလေးကလည်း ချက်ချင်းပဲ သိတာပေါ့လို့ပြန်ဖြေတယ်။ ဒါဆိုရင် နည်းနည်းလောက်ပြောပြပါလားလို့ဆိုတော့ ကလေးမလေးကလည်း အဲဒီဂိုဏ်း နဲ့ပတ်သက်တဲ့ အဓိကအကြောင်းအရာတချို့ကို တခါတည်းတတွတ်တွတ်နဲ့ ကိုယ့်ကိုပြောပြပါလေတော့တယ်။

ဒီလိုပြန်ကြားရလိမ့်မယ်လို့ လုံးဝမထင်ထားပါဘူး။ အမှန်တကယ်တော့ အဲဒီကလေးမလေးကို နောက်လိုက်တာပါ။ ဒီဂိုဏ်းအကြောင်း သူဒီလောက်အထိ သိနေလိမ့်မယ်လို့ မထင်ခဲ့မိဘူး။

ကိုယ်ဆိုရင်လေ သူ့အသက်အရွယ်လောက်တုန်းက မဟာသံဃိကဂိုဏ်းအကြောင်းမပြောနဲ့ အဲဒီနာမည်ကို ကြားတောင် မကြားခဲ့ဖူးဘူး။ မဟာယာန ဆိုတာကိုတောင် ဖားအောက်တောရရောက်တော့မှ စပြီးကြားဖူးတာ။ အော် ... ဒီလိုလည်းရှိပါလားပေါ့။

ဒါတောင် အဲဒီတုန်းက မဟာယာနဂိုဏ်းအကြောင်း သေချာမသိခဲ့ဘူး။ (ကိုယ်ကတော့ အဲဒီလောက်ထိကို ညံ့ခဲ့တာပါ။ အင်း ... ခုနေများ ကိုယ်တို့နိုင်ငံက သူ့အရွယ်ကလေးတွေကို အဲဒီလိုမေးကြည့်ရင် ဘယ်လိုဖြေကြမလဲမသိဘူး…)

အခု ကိုယ့်ရှေ့က ကလေးမလေးက မြို့ကြီးတွေ ကျောင်းကောင်းကောင်းကြီးတွေမှာ နေခဲ့ ရသူတဦးလည်း မဟုတ်ပါဘူး။ ကန္ဒီအလွန် ရွာမြို့လေးတစ်ခုကနေ ကြီးပြင်းလာတဲ့ သာမန်အရပ်သူလေးတစ်ဦးပါ။ ဒါနဲ့ကိုယ်ကလည်း သူ့ကို ဘယ်လိုလုပ်ပြီး ဒီအကြောင်းအရာတွေကို သိနေရတာလဲလို့ မေးလိုက်တော့ .. ကလေးမလေးက “Sunday School မှာသင်ပေးတာလေ” ဆိုပြီး ပြန်ဖြေပါတယ်။

အဲဒီစကားကတော့ ကိုယ့်ရင်ဘတ်ထဲကို တည့်တည့်ကြီး ၀င်သွားသလိုပါပဲ။ ကြည့်ပါဦးလေ ... ဒီလိုသာမန်ကလေးတယောက်ရဲ့ အသိဉာဏ်ထဲကို ဘာသာ ရေးဗဟုသုတတွေ စွဲနေအောင် အများကြီး ထည့်သွင်းပေးနိုင်တဲ့ သူတို့ရွာကျောင်း Sunday School က ဘုန်း တော်ကြီးတွေရဲ့ အရည်အချင်းတွေကို အလွန်လေးစားမိပါတယ်။ ဒီကလေးတွေအတွက် သူတို့ရပ်ရွာက ဘုန်းကြီးတွေ အလွန်တာဝန်ကျေကြတယ်လို့ ရင်ထဲကနေ လှိုက်လှိုက်လှဲလှဲ ခံစားရလိုက်ရတယ်။

မွန်းလွဲ ၂ နာရီကျော်လောက်မှာတော့ ကိုယ်တို့လည်း အဲဒီခြံကြီးကနေ ကိုလံဘိုကို ပြန်လာခဲ့ပါတယ်။ ခြံထဲက မထွက်မီ ကားပေါ်မတက်ခင်လေးမှာတော့ အိမ်ရှင်သမီးလေးက ခြံထဲကပန်းတွေခူးပြီး ပန်းလေးတွေနဲ့ နှုတ်ဆက်ကန်တော့ပါတယ်။

အပြန်လမ်းမှာတော့ လက်ထဲမှာကိုင်ထားတဲ့ ပန်းလေးတွေကိုငေးရင်း နေ့ခင်းကတွေ့ခဲ့တဲ့ စကားပြောခဲ့တဲ့ ပန်းလေးတွေအကြောင်း သတိရနေမိတယ်။ ဒီကပန်းလေးတွေကတော့ လောကကြီးအတွက် အလှဆုံးဖူးပွင့်ကြဖို့ တာစူနေကြပါပြီ။ ကိုယ်တို့နိုင်ငံက ပန်းကလေးတွေကရော …။

“နိုင်ငံတစ်နိုင်ငံရဲ့ အနာဂတ်ဟာ အဲဒီနိုင်ငံရဲ့ မျိုးဆက်သစ်တွေလက်ထဲမှာ ရှိနေပါတယ်” ဆိုတဲ့စကားကို စာအုပ်တွေထဲ မှာ မကြာခဏ ဖတ်ခဲ့ရဖူးပါတယ်။ မျိုးဆက်သစ်ပန်းပွင့်လေးတွေ ခွန်အားအပြည့်နဲ့ လန်းဆန်းမှုအပြည့်နဲ့ ဖူးပွင့်နေတာတွေ့ရရင် တကယ်ကြည်နူးရတယ်။

တခါတုန်းကတော့ နယ်က ကလေးမလေးတယောက် သူ့မိသားစုနဲ့အတူ ကိုလံဘိုကိုလာရင်း ကိုယ့်ဆီ အလည် ၀င်လာပါတယ်။ သူလည်း အသက် ၁၃ နှစ်လောက်ရှိပါပြီ။ (ဒီနိုင်ငံက ကိုယ်ရင်းနှီးတဲ့ ကလေးတွေ ၁၀ယောက် ကျော်ကျော်လောက်ထဲမှာ အသက် ၁၃ နှစ်အရွယ်က ၄ ယောက်ပါတယ်။) ဖြစ်ချင်တော့ အဲဒီကောင်မလေး ကိုယ့်ဆီလာလည်တဲ့အချိန်ကလည်း အမေရိကန်သမ္မတလောင်း Barack Obama ရဲ့ ဓာတ်ပုံတွေက သတင်းစာတွေ၊ ဂျာနယ်တွေ၊ အင်တာနက်စာမျက်နှာတွေမှာ ပလူပျံနေတဲ့အချိန်ပေါ့။

အဲဒါတွေကိုတွေ့တော့ ကလေးမလေးက ကိုယ့်ကိုဘာပြောသလဲဆိုတော့ သူက “ Obamaကို မကြိုက်ဘူး ” တဲ့။ Obama ကို ထောက်ခံသံ တွေ ကျွက်ကျွက်ညံနေတဲ့အချိန်မှာ ဒီကလေးမလေးက မကြိုက်ဘူးလို့ ပြောလိုက်တော့ ကိုယ့်မှာ စိတ်ထဲဇဝေဇ၀ါဖြစ်သွားတယ်။

ဒါနဲ့ ဘာဖြစ်လို့မကြိုက်တာလဲလို့ သူ့ကိုမေးတော့ သူက “ Hillary Clinton ကို ပိုကြိုက်လို့ပေါ့” တဲ့။ ပြီးတော့ သူက Hillary Clinton စကားပြောတဲ့ ပုံစံကို သူအလွန် သဘောကျကြောင်း ကိုယ့်ကိုပြော ပြပါသေးတယ်။

အဲဒီလို သူပြောနေတဲ့ ပုံစံကလေးကိုကြည့်ပြီး ကိုယ်ကတော့ ပြုံးနေမိတယ်။ ဒါပေမယ့် သူဆက်ပြောတဲ့ စကား တွေကြောင့် ကိုယ့်မှာတော့ အားရပါးရ ရယ်လိုက်မိတယ်။ အဲဒါကတော့ သူက Dr. Kondoliza Rice စကား ပြောဟန်ကို ကြိုက်ပါတယ်တဲ့ ..၊ ဒါပေမယ့် Dr. Rice က နိုင်ငံတကာက ခေါင်းဆောင်တွေနဲ့ တွေ့ဆုံတဲ့အခါမှာ ခြေထောက်ကို အမြင့်ကြီး ချိတ်ထိုင်တာကိုတော့ သူက မကြိုက်ဘူးတဲ့။ အဲဒီစကားကိုကြားတော့ ကိုယ့်မှာဖြင့် သဘောကျလိုက်တာ။

စဉ်းစားကြည့်လေ ကလေးမလေးတယောက် (သို့မဟုတ်) လူငယ်လေးတယောက်ဟာ TV အစီအစဉ်တွေထဲက ကြော်ငြာမင်းသမီးတွေကို စိတ်ဝင်စားတာထက် လူထုကို ဦးဆောင်နေတဲ့ ပြဿနာ တွေဖြေရှင်းပေးနေတဲ့ နိုင်ငံ့ခေါင်းဆောင်တွေကို စိတ်ဝင်စားတာ ပိုမကောင်းဘူးလား ...။

ရုပ်ရှင်ထဲက မင်းသ မီးတွေပြောတဲ့ စကားလုံးတွေထက် ကမ္ဘာ့ခေါင်းဆောင်ကြီးတွေပြောတဲ့ မိန့်ခွန်းတွေကို စိတ်ဝင်စားတာ ပိုမကောင်းဘူးလား …။ စတိတ်ပေါ်က မော်ဒယ်လ်လေးတွေရဲ့ လှုပ်ရှားပုံကို စိတ်ဝင်စားတာထက် ကမ္ဘာကျော် ခေါင်းဆောင်ကြီးတွေရဲ့ လှုပ်ရှားပြုမူပုံကို စိတ်ဝင်စားတာ ပိုမကောင်းပေဘူးလား။

ကိုယ့်တူလေး၊ တူမလေး တွေက TV ဇာတ်လမ်းတွဲတွေထဲက မင်းသား၊ မင်းသမီးတွေကို သဘောကျနေချိန်မှာ ကိုယ့်ရှေ့ကကောင်မလေးကတော့ ကမ္ဘာ့ခေါင်းဆောင် အမျိုးသမီးကြီးတွေကို အားကျလို့နေတယ်။

ဝေတောင် ဝေဖန်လိုက်သေး။ ကိုယ့်မှာတော့ သူတို့နဲ့တွေ့လိုက်ရင် စဉ်းစားစရာတွေက ပေါ်ပေါ်လာတော့တယ်။ ဘာပဲဖြစ်ဖြစ်ပေါ့လေ ... သူ တို့လေးတွေနဲ့ တွေ့ဆုံခဲ့ရတာဟာ ကိုယ့်အတွက်တော့ အမှတ်ရစရာကောင်းခဲ့ပါတယ်။

ဒီနိုင်ငံရဲ့ လူဦးရေ ၆၉% က ဗုဒ္ဓဘာသာဝင်၊ ၁၅% က ဟိန္ဒူဘာသာဝင်၊ ၈% က ခရစ်ယာန်ဘာသာဝင်၊ ၇% က မွတ်စလင်ဘာသာဝင်တွေဆိုပြီး ဖော်ပြထားတာတွေ့ရပါတယ်။ ဒီနိုင်ငံမှာက လပြည့်နေ့တိုင်းကို အစိုးရရုံး ပိတ်ရက်အဖြစ် သတ်မှတ်ထားပေးပြီး အဲဒီနေ့ဆိုရင် ဘုန်းကြီးကျောင်းတွေ၊ ရိပ်သာတွေမှာ ဥပုသ်သီတင်း စောင့်တည်သူတွေ ပြည့်လို့ပေါ့။

ကိုယ်နေတဲ့ ရိပ်သာမှာတော့ ပုံမှန်လပြည့်နေ့ဆိုရင် ဥပုသ်စောင့်တည်သူ ၁၀၀၀ ပတ်ဝန်းကျင်လောက်ရှိပြီး Wesak Poya Day လို့ခေါ်တဲ့ ကဆုန်လပြည့်နေလိုမျိုးမှာဆိုရင်တော့ ၂၅၀၀ လောက်ရှိတတ်ပါတယ်။

မနက် ၆ နာရီလောက်ကတည်းက ရောက်လာကြပြီး ညနေ ၅ နာရီလောက်မှ ပြန်ကြတာပါ။ တရားပွဲတွေကလည်း ဆက်တိုက်ပါပဲ။ နာမည်ကြီးဆရာတော်တွေကိုလည်း တရားပွဲအတွက် ပင့်ထား လေ့ရှိပါတယ်။ အဓိကကတော့ သီလယူပြီး တရားနာကြပါတယ်။

အဲဒီသူတွေထဲမှာလည်း ကလေးတွေက အမြဲ ပါလေ့ရှိပါတယ်။ ဧည့်သည်လာတာ အလွန်ရှားတဲ့ ကိုယ့်အခန်းထဲမှာတော့ လပြည့်နေ့တွေဆိုရင် အထူးဧည့်သည်အဖြစ်နဲ့ ကလေးတွေကို တွေ့ရပါလိမ့်မယ်။ တဘက်ကလေးတွေ ပတ်ထားပြီး အထက်အောက် အဖြူ ရောင်ဝတ်စုံလေးတွေနဲ့ပေါ့။

လွန်ခဲ့တဲ့ ၆ နှစ်လောက်တုန်းက ပြောခဲ့ဖူးတဲ့ ကိုယ့်မိတ်ဆွေရဲ့ စကားလေးတခွန်းကို ပြန်ကြားယောင်နေမိတယ် ...

“ ဗုဒ္ဓဘာသာကို ဘာသာရေးတခုလိုပုံစံမျိုးနဲ့ ကလေးတွေကို သင်ပေးနေလို့ ဘယ်လိုမှမဖြစ်ဘူး။ ဘာသာရပ်တခုလို သင်ပေးရမှာ”လို့ သူအားရပါးရနဲ့ပြောတုန်းက ကိုယ့်မှာတော့ အဲဒီစကားကို အလွန်သဘောကျ ပြီး အပြည့်အ၀ထောက်ခံခဲ့ဖူးတယ်။ အခု ဒီနိုင်ငံကိုရောက်ပြီး ဒီကသင်ကြားရေးစနစ် အခြေအနေတွေကို တွေ့ လိုက်ရတော့မှ ကိုယ့်ကိုယ်ကိုလည်း အတော်ရှက်မိပါရဲ့။

ကိုယ်တို့မှာတော့ ထောက်ခံလို့ကောင်းတုန်း၊ ဆွေး နွေးလို့ကောင်းတုန်းဖြစ်နေတဲ့ အကြောင်းအရာကို ဒီနိုင်ငံက ဘုန်းတော်ကြီးတွေ၊ ဘာသာရေးခေါင်းဆောင်တွေက လွန်ခဲ့တဲ့နှစ်ပေါင်း ၁၀၀ လောက်ကတည်းက လက်တွေ့လုပ်ပြ ခဲ့ကြတာပါ။

ကိုယ်ကတော့ အဲဒီပုဂ္ဂိုလ် တွေကို ဦးညွှတ်ရင်း စာရေးဆရာကြီး ဗန်းမော်တင်အောင်ရဲ့ စကားလေးတခွန်းကို ကြားယောင်နေမိတယ် ... “လူတယောက်ရဲ့တန်ဖိုးဟာ သူဖြတ်သန်းကျော်လွှားနေတဲ့ ခေတ်ကြီးက သူ့ပခုံးပေါ်တင်ပေးလိုက် တဲ့ သမိုင်းတာဝန်ကို သူဘယ်လောက် သယ်ပိုးထမ်းဆောင်ခဲ့တယ်ဆိုတဲ့အချက်နဲ့ တိုင်းတာရမှာပဲ”။

ဒေါ်ကေတုမာလာ
(ကမ္ဘာအေးတက္ကသိုလ် နှစ်ပတ်လည်မဂ္ဂဇင်းအတွက် အမှတ်တရ ...)

ကျမ်းကိုး -
၁။ “Buddhism in Sri Lanka a Short History” By H.R. Perera
၂။ “Educating Buddhist Children in Sri Lanka” Ven. R. Gnanaseeha
၃။ http:// www.localhistories.org/
srilanka.html
၎။ http:// www.law.emory.edu/ifl/legal/ srilanka.html
၅။ http:// www.wbf.net.cn/english/BuddhistStudies/844.html

အပြည့်အစုံသို့....

Wednesday, May 20, 2009

The World’s Three Largest Bells

Russia's famous Tsar-Kolokol is the largest bell in the world, of course, but it is broken. Apart from that, if you inspect our list of bells larger than 1,000 puds (36,000 lbs, or about 18 metric tons or more), you'll probably be surprised to see that the world's biggest working bells are not in Russia, but in Burma, Korea, and Japan. Another is under water, but there has lately been some talk of trying to locate and raise it. Yet another was lost in World War II. Only then, sixth or seventh down the list, do we find Trinity-Sergius Lavra's "Tsarsky Kolokol", or "Royal Bell".

One day we hope to tell more about Asia's fascinating bells, but it's interesting to compare what we've been able to learn so far, with the Russian giant:

Dhammazedi Bell, largest bell on the planet

Mingun Bell, the largest ringing bell in the world

Tsar Bell-III, the third-largest bell on earth

The Great Sunken Bell of Dhammazedi

Burmese chronicles relate that King Dhammazedi, 9th of the Mon kings of Burma (now known as Myanmar), who reigned at Hanthawaddy (Bago) from 1464 onward, had ordered a census of households in his kingdom sometime around the year 1480. However, his over-zealous ministers not only counted the households; they also taxed them— thus obtaining some 180,000 vis (293.4 metric, or about 600 US tons) of copper. King Dhammazedi was not pleased and so, to allay his wrath, the ministers proposed to have the copper cast into a bell. That was how the biggest bell in history came to be. The chronicles also note that the date chosen for the casting of the Bell, 5 February 1484, was astrologically inappropriate and that the Bell had an unpleasant sound.

He presented the bell to the Shwedagon Pagoda in Rangoon (then known as Dagon). According to texts of the time, the bell metal included silver and gold as well as copper and tin. The bell is also said to have been encrusted with emeralds and sapphires. In view of the opulence of the pagoda itself, the story is likely true. The bell itself was said to be twelve cubits high and eight cubits wide. Another, smaller bell of 500 vis (about 5/6 of a ton) was cast at the same time and also offered to the Buddha.

A century later, in 1583, Venetian gem merchant named Gasparo Balbi visited ancient Dagon and described the Shwedagon Pagoda at length. He wrote, "I found in a fair hall a very large bell which we measured, and found to be seven paces and three hand breadths and it is full of letters from the top to the bottom, so near together that one touches the other, but there was no Nation that could understand them."

By 1530 the Mon kings were in decline and in 1535 Lower Burma had become subject to Upper Burma. At the same time, European traders and adventurers had begun to make contacts in Lower Burma. So in the 1590s, with the authority of the rulers in Upper Burma, a Portuguese adventurer, Filipe de Brito y Nicote, set up a new trading post at Syriam and by 1600 had extended his power across the river to Dagon and the surrounding countryside.

Thus in 1608 De Brito removed the Dhammazedi bell from the Shwedagon Paaoda, rolled it down the hill to a raft in the Pazundaung Creek and had it hauled by elephants to the river. The the bell and raft were lashed to his flagship for the journey across the river to Thanlyn (Syrian) to be melted down and made into ships cannons.

However, at the confluence of the Bago and Yangon Rivers off what is now known as Monkey Point, the raft broke up and the bell went to the bottom, taking Filipe de Brito's ship with it— justly, we think. The Portugeuse suffered for their bungled looting, too— their entire garrison was killed in an attack by angry Burmese, and records suggest the Portuguese leader died a slow death on bamboo stakes.

All accounts of the history of Rangoon insist that Dhammazedi's bell was never recovered and until the late 1800's the top of it could still be seen above water at low tide. Some witnesses today tell of being rowed out to the bell site by their elders to watch the water eddy over the top of the submerged bell. The river isn't especially deep, (40 feet), but at the bottom there is 40 feet more of mud. The bell is somewhere in the mud.

A smaller bell, known as the Bodawpaya, was also taken from the Shwedagon Pagoda by British Prize Agents in 1826 and lost in the river. However, it was abandoned by the British and recovered by the local inhabitants and returned to the pagoda.

There are other great bells on view on the Shwedagon, but they are much later than Balbi"s time.

King Singu, had a 24.6 metric (50 US)-ton bronze bell, 2.1 m high and 2.0 m wide at the mouth, cast and offered to the Shwedagon on 17 January 1779. Known as the Mahagandha Bell, it can be found today on the northwest side of the main pagoda platform. The British pillaged the pagoda during their 1824 to 1826 wartime occupation and tried to carry the bell to Calcutta, but fell victim to the same fate as de Brito: this bell, too, sank into the river.

The British failed in several attempts to raise it. The Myanmars said they would raise the bell on the condition it would be returned to its original resting place in the pagoda, and the British, thinking nothing would come out of the attempt, agreed. But the Myanmars had an ingenious plan. Divers tied countless bamboo poles underneath the bell and floated it to the surface. The undertaking helped to instill the Myanmars with nationalism during the years of British occupation.

The other bell, 42.5 metric (85 US) tons in weight, 4.3 m high and 2.2 m wide at the mouth, was cast and donated by King Tharrawaddy on 19 February 1843. It is known as the Mahatissada and is located at the northeast corner of the pagoda enclosure.

Dhammazedi's Bell To Be Recovered?

Mike Hatcher

The Burmese government has asked an English marine biologist / archaeologist / adventurer (you know the type) named Mike Hatcher and his team to raise the bell; they want to see it restored to the Pagoda. Hatcher has agreed to undertake the project, which has involvement from Japanese, Australian and American companies. Richard Gere, a committed and active supporter of Buddhist ideals, is involved in raising funds. The project would undoubtedly inspire curiosity at an international level. The German film company which will be shooting the expedition says, "Should the salvage operation succeed, the reaction in the Buddhist world would be comparable to finding the Holy Grail in the Christian West."

One of Burma's most sacred religious relics, it is believed that its restoration in the pagoda will bring good fortune back to Myanmar. Certainly, recovery of King Dhammazedi"s Bell— the offering of a devout king and his people to one of Myanmar"s most sacred shrines— would restore a lost heritage to the Myanmar people. In more ways than one, in fact´ for the bell"s inscription would provide valuable material for historical and linguistic scholarship.

The project is not without its opponents: Some pro-democracy campaigners say the salvage operation might be misconstrued as an endorsement by the international community of Myanmar's military dictatorship, and should wait until talks with the regime have progressed or until such time as a democratic government is in place.

One of seven salvage projects forecast for Mike Hatcher and his team in 2001, Mike's team was slated to begin the search for the precise location of the Dhammazedi Bell in March that year. After a flurry of excitement stirred up by BBC's announcement of the project, however, it apparently did not get off the ground, perhaps (we speculate) due to complications involved in his discovery in June 2000 of a huge sunken wreck in Indonesian waters, with the largest collection of porcelain ever found.

If the project ever does go forward, divers will use personal mounted sonar with night vision goggles and copper sulphate detectors to locate the bell, since the mud around all that bronze would have a high concentration of copper sulphate. About nine months after the survey they expect to lift the Bell from the river. To do this, they will have to build a small version of a North Sea Oil platform in the muddy rapids of the confluence of two rivers, and assemble a large crane to lift the bell out of the water. Once it is lifted, they will construct a railway to transport it uphill about half a mile to the Shwedagon Pagoda. This final operation will take about four months.

The Great Mingun Bell

King Dhammazedi's bell may or may not be lost forever, but even if it is, the world's largest accessible and ringing bell is still not in Russia.

That title is owned by Burma's Mingun Bell, which rings near the city of Sagaing, at the Mingun pagoda, some 11 km (7 miles) upriver from Mandalay, in the center of Burma, on the opposite bank of the Ayeyarwaddy and accessible only by river. A 45-minute boat trip to Mingun is very pleasant with plenty of life on the river to see.

This bell was cast by King Bodawpaya on 28 April 1808 and is about 13 feet tall. It weighs 55555 peik-thar, or 90.55 metric tons (about 200 US tons). (Peik-thar are a traditional unit of weight equalling 3.6 lbs (1.63 kg)— that's what the five characters that look like 9's on the side of the bell in the picture to the right mean.)

The pagoda itself was the main jewel in the crown of an ambitious building campaign sponsored by King Bodawpaya (ruled 1782-1819). The largest brick temple in Asia, its outline broods over the western bank of the Irrawaddy River from the hamlet of Mingun. Its base is 256 feet square and it rises some 150 feet. It is now viewed as little more than a curiosity, enhanced by dramatic fissures in its wall created by an earthquake in 1839-- visitors can even climb to the top by a modern stairway mounted on the most ruined corner fo the monument, though no access to the summit existed originally.

The Mingun is Asia's, and indeed, the world's, largest bell. Cast by Bodawpaya to complemlent the huge pagoda, it stands in its original location some 50 yeards to the northeast of the pagoda. The pagoda is still considered unfinished, since it is without a tower, but historians believe King Bodawpaya may have intended to sacrifice height for girth from the very beginning, and thus it may have been considered finished by the king himself. Pagodas were built to venerate sacred objects interred beneath them-- in fact, the word "pagoda" derives from *dagaba* (relic chamber), a term adopted into English after it was encountered in Buddhist Sri Lanka.

The Tsar-Kolokol III

The world's largest bell is the Tsar Bell III (Tsar-Kolokol) in Moscow. It is called Tsar Kolokol "III" because it was cast three times, and more metal was added each time. The present incarnation was cast in 1733-35, and weighs about 400,000 pounds (180 tons).

Resting at the foot of the Ivan Velekij Bell Tower, the bell is a mute testimony to the grand days of the Romanov Dynasty— and to the weakness of all human endeavor. Tsarina Anna I commissioned the bell in 1734, fulfilling the dream of her grandfather, Tsar Alexei. At 6.14 meters high and 6.6 meters in diameter, it was to be the biggest and clearest sounding bell in the world.

The casting of this enormous bell was performed by a team of nearly 200 craftsmen under the supervision of Ivan Motorin and his son Mikhail, who cast many of Russia's other great bells.

Their crowning achievement was destined only for tragedy, however. During the great fire of 1737 it still lay in its casting pit, and burning timber from the structure above it fell into the pit. Bronze has a relatively low melting point, so the question was whether to let it burn and risk melting it, or to pour water on it and risk cracking it by cooling it too fast. The latter risk was chosen and, as feared, because of uneven cooling, the red-hot bronze did crack and a chunk weighing 11.5 tons broke off. This chunk alone weighs more than most bells in the world.

The broken Tsar Bell remained in the earth for almost 100 more years after that, until the architect Auguste Montferrand raised it in 1836 and placed it on its present granite pedestal. The surface of the bell is finely worked in relief with decorative patterns, embossed pictures, and inscriptions.

Sadly, two hundred tons of silence are all that remain. For a time, the bell served as a chapel. There has apparently been some talk of recasting it. Some Old Believers are of the opinion that this would be a bad sign, as this bell is slated to ring Blagovest on Judgment Day!

Tsar Cannon

Cannons and bells have always had a curious relationship— bells are melted down to make cannons in times of war, and cannons are melted town to make bells in times of peace. So we ought to mention that just outside the Kremlin's Cathedral Square where the Tsar-Kolokol sits, you also find the stunningly huge cannon pictured at the right. The Tsar Cannon, built in 1586, is considered the largest cannon in the world, sixteen feet long, weighing 85,000 pounds, with a caliber of 890 mm. Tsar Theodore I, Ivan the Terrible's son, commissioned master bronze craftsman Andrei Chekov to cast the giant bronze weapon to better protect the Kremlin.

The Tsar Cannon is thus quite a bit older than the Tsar Bell. The gun carriage and the cannon balls lying nearby are decorative, for the cannon itself was designed to fire not cannon balls but grapeshot. However, in actuality, it proved to be impractical to use.

အပြည့်အစုံသို့....

Monday, May 18, 2009

ကမ္ဘာ့ ခေါင်းလောင်းများ သမိုင်း

ကမ္ဘာ့အကြီးဆုံးခေါင်းလောင်း အဖြစ်လက်ခံထားသည့် ရုရှနိုင်ငံ မော်စကိုမြို့မှ Tsar Kolokol စာကိုလိုကော ခေါင်းလောင်းကြီး ဖြစ်သည်။ အမြင့် ၁၉’ ၃”၊ အ၀န်း ၆၀’ ၉”၊ အထူ ၂’ ရှိသည်။ ခေါင်း လောင်းသွန်းလုပ်စဉ်က တစ်နေရာပဲ့သွား၍ ပဲ့သွားသည့် အစသည်ပင် အမြင့် ၇’၊ အကျယ် ၈’ ရှိပြီး အလေးချိန် ၁၁ တန်ရှိသည်။

မြန်မာ့ စွယ်စုံကျမ်း အတွဲ (၂) တွင် ခေါင်းလောင်းကြီးတစ်ခုလုံး၏အလေးချိန်မှာ တန် ၂၀၀ ကျော်ရှိသည်ဟု ဖော်ပြပြီး Britanica Emcyclopacedia အတွဲ (၂) တွင် တန် ၁၈၀ ရှိသည်ဟုဖော်ပြခဲ့သည်။ သို့သော် Children Emcyclopacedia အတွဲ (၂)တွင် ၂၁၉ တန် ရှိသည်ဟုဖော်ပြခဲ့သည်။

ကမ္ဘာ့ဒုတိယအကြီးဆုံး ခေါင်းလောင်းသည်လည်း မော်စကိုမြို့မှာပင်ရှိ၍ အလေးချိန် ၁၂၈ တန်ရှိသည်။ ကမ္ဘာ့တတိယအကြီးဆုံး ခေါင်းလောင်းမှာ မင်းကွန်းခေါင်းလောင်း ကြီးဖြစ်သည်။ ယင်းခေါင်းလောင်းကို ဘိုးတော်ဘုရားလက်ထက်တွင် သွန်းလုပ်ခဲ့သည်။ ကုန်းဘောင်ခေတ်မဟာရာဇ၀င်တွင် သက္ကရာဇ် ၁၁၇၀ ပြည့်နှစ်၊ ကဆုန်လ ဆန်း ၅ ရက်နေ့တွင် သွန်းလုပ်ခဲ့သည်ဟုဆိုပါသည်။
ခေါင်းလောင်း၏အတိုင်းအတာ ကိုလည်း အ၀အချင်း ၃၁ တောင် ၄ သစ် (၁၆ ပေ၊ ၁.၄ လက်မ)၊ လုံးပတ် ၃၃ တောင် ၁ မိုက် ၄ သစ် (၅၀ ပေ ၁.၄ လက်မ)၊ စောက် ၁၃ တောင် ၁ မိုက် ၄ သစ် (၂၀ ပေ ၃ လက်မ) ရှိသည်ဟုဖော်ပြခဲ့သည်။ တန် ၈၀ ရှိသည်ဟု အင်္ဂလိပ်တို့က ခန့်မှန်းခဲ့ကြသည်။ သို့သော် ခေါင်းလောင်း၏အလေးချိန်မှာ ကြေးပိဿာ ၅၅၅၅၅ ရှိသဖြင့် ၄င်းကို တန်ဖွဲ့ပါက ၉၀.၅၂ တန်ရှိသည်။

ယခုအခါ ကမ္ဘာ့အကြီးဆုံးခေါင်းလောင်းအဖြစ် သတ်မှတ်ထားသော စာကိုလိုကောခေါင်းလောင်းကို စိန်ခေါ်သည့် ခေါင်းလောင်းတစ်ခု ရှိသည်ကို စိတ်ဝင်စားဖွယ် တွေ့ရှိရသည်။ ယင်းကာ မွန်ဘာသာအားဖြင့် ‘ အပိန္နသော်’ သို့မဟုတ် ‘ ဓမ္မစေတီ’ ခေါင်းလောင်းပင်ဖြစ်သည်။ ခေါင်းလောင်း၏ဘွဲ့အမည်မှာ မြန်မာဘာသာဖြင့်အ၀ိန္နဆောက် ဟုခေါ်သည်။

အခါတစ်ပါး ဓမ္မစေတီမင်းကြီးသည် အမတ်လေးဦးကို အိမ်ဦးရေ စာရင်းကောက်ရန်တာဝန်ပေးခဲ့သည်။ အမတ်များက အိမ်စာရင်းသာမက အိမ်တိုင်းမှ ကြေးကိုပါ ကောက်ခံခဲ့ရာ ကြေးစင် တစ်သန်းနှင့် ရှစ်သိန်း ရရှိခဲ့သည်။ မင်းကြီးက ကြေးပါ ကောက်ယူခဲ့သော အမတ်လေးဦး အား အပြစ်ဒဏ်ပေး၏။ ကြေးများကို ကာယကံရှင်များအား ပြန်ပေးစေသည်။ ပိုင်ရှင်များက ပြန်မယူပဲ မင်းကြီး သင့်တော်သလိုသာ အသုံး ပြုရန်လျှောက်ထားလေသည်။ ထို့ကြောင့် ဓမ္မစေတီမင်းကြီးသည် ဤကြေးများဖြင့် အမတ်ကြီး ဗညားအိမ်ကို အကြီးအမှူး ခန့်၍ ခေါင်းလောင်းသွန်းလုပ်စေသည်။

အမတ်ကြီးသည်လည်း ဆရာတို့ အခါပေးသည့်အတိုင်း တပေါင်းလဆန်း ၈ ရက်ကြာသာပတေးနေ့ သိဟ်လဂ်တွင် ပွဲကြီးသဘင်ပြု၍ ခေါင်းလောင်းကြီးကို ပြုလုပ်တော်မူသည်။ သို့သော် ခေါင်းကြီးမှာ ထူးထူးခြားခြား အသံမမြည်ပဲ ရှိခဲ့သည်။

ခေါင်းလောင်းသွန်းလုပ်စဉ် လောကဥာဏ အမည်ရှိဗေဒင်ဆရာတစ်ဦးက ခေါင်းလောင်းသွန်းလုပ်ပြီးလျှင် အပြစ်အနာအဆာမရှိ ချောမော လိမ့်မည်။ သို့သော်အသံကာ မြည်မည်မဟုတ်ဟု မင်းကြီးအား လျှောက်၏။ မင်းကြီးက အကြောင်းစုံမေးမြန်းရာ ခေါင်းလောင်းပြုလုပ်ရန် ဆရာတို့ပေးသောအခါသည် နက္ခတ်ခြောက်လုံးဖြစ်သည်။ ခြောက်လုံးမှာ မိကျောင်းနက္ခတ်ဖြစ်သဖြင့် မိကျောင်းမှာလျှာမရှိ၍ အသံမမြည် နိုင်ချေ။ မင်းကြီးလည်း ခေါင်းလောင်းကို ‘ အပိန္နသော်’ ဟု ဘွဲ့အမည်ပေးပြီး ရွှေတိဂုံရင်ပြင်တွင် ချိတ်ဆွဲထားစေသည်။ ရွှေတိဂုံစေတီသို့ လှူဒါန်းသည့် ခေါင်းလောင်းများအနက် ပထမခေါင်းလောင်းဖြစ်သည်။

ခေါင်းလောင်းကြီးသည် စောက် ၁၂ တောင်ရှိ၍ ကြေးပိဿာချိန် ၁၈၀၀၀၀ (တစ်သိန်းရှစ်သောင်း) ရှိသည်။ ၄င်းကိုတန်ဖွဲ့ပါက ၂၉၀ တန် ရှိသည်။ ထို့ကြောင့်ဓမ္မစေတီခေါင်းလောင်းသည် စာကိုလိုကောခေါင်းလောင်းထက် မင်းကွန်းခေါင်းလောင်းတစ်ခုစာပို၍ ကြီးမားနေ သည်ကို အံ့သြဖွယ်တွေ့ရှိရသည်။ ဒီအတိုင်းဆိုလျှင်ဓမ္မစေတီခေါင်းလောင်း ကို ကမ္ဘာ့အကြီးဆုံးခေါင်းလောင်းအဖြစ် သတ်မှတ်ရပေမည်။

စာကိုလိုကောခေါင်းလောင်းသည် ၁၈ ရာစုတွင် သွန်းလုပ်သော ခေါင်းလောင်းဖြစ်ပြီး ဓမ္မစေတီခေါင်းလောင်းမှာ အေဒီ ၁၅ ရာစုက သွန်းလုပ်ခဲ့သော ခေါင်းလောင်းဖြစ် သဖြင့် နှစ် ၃၀၀ ပို၍စောနေသည်ကိုတွေ့ရှိရသည်။ ထို့ကြောင့် ဓမ္မစေတီခေါင်းလောင်းသည် ကမ္ဘာ့အကြီးဆုံးခေါင်းလောင်းများအနက် ရှေးအကျဆုံး ခေါင်းလောင်းဖြစ်သည်။ရှေးကျပြီး ကြီးကျယ်သော ခေါင်းလောင်းကို သွန်းလုပ် ခဲ့သော မွန်တို့၏ ကြေးသွန်းအတတ်ပညာမှာ ဂုဏ်ယူဖွယ်ရာ ဖြစ်သည်။

သို့သော် ဓမ္မစေတီခေါင်းလောင်းအကြောင်းမလှပုံမှာ ခရစ်သက္ကရာဇ် ၁၆၀၈ ခုနှစ်တွင် ပေါ်တူဂီလူမျိုး ဖိလစ်ဒိုဘရစ်တို့က ဓမ္မစေတီ ခေါင်းလောင်းကို အမြောက်သွန်းလုပ်ရန်ဖောင်ဖြင့် သန်လျင်သို့ သယ်ဆောင်ခဲ့သည်။ ဒေါပုံမြစ်အကူးတွင် ဖောင်နစ်ပြီး ခေါင်းလောင်းကြီး ရေထဲနစ်မြှုပ်သွားသည်မှာ ယနေ့ထက်တိုင် ဖြစ်သည်။ ဓမ္မစေတီခေါင်းလောင်း ရေအောက်ရောက်နေသည်မှာ နှစ်ပေါင်း ၄၀၀ နီးပါးရှိချေပြီ။

မွန်တိုင်းရင်းသားတို့၏ လက်ရာဖြစ်သော ကမ္ဘာ့အကြီးဆုံး ဓမ္မစေတီခေါင်းလောင်းကို ကမ္ဘာ့အလည် ထည်ထည်ဝါ၀ါပြသနိုင်ရန် ခေါင်းလောင်း ဆယ်ယူနိုင်ရေးသည် မွန်လူမျိုးတိုင်းမှာ တာဝန်ရှိတယ်လို့ ကျနော်ထင်မြင်မိပါသည်။

မှတ်ချက် ။ ။ ဆရာနိုင်ခင်မောင်လေး ရေးသားသော တိမ်မြုပ်ပျောက်ကွယ်နေသည့် မွန်တို့၏ မြို့ပြနိုင်ငံများ စာအုပ်မှ ကမ္ဘာ့အကြီးဆုံးခေါင်းလောင်းကို အကျဉ်းချုပ်၍ ကောက်နုတ်တင်ပြသည်။

အပြည့်အစုံသို့....