ယနေ့သည် သီရိလင်္ကာနိုင်ငံအတွက်ထူးခြားသော
နေ့တစ်နေ့ဖြစ်သည်၊၊ အကြောင်းမှာ သီရိလင်္ကာ တစ်နိုင်ငံလုံးရှိ “ဒဟံပါစလကျောင်း”များအားလုံးတွင်
တစ်နှစ်တာစာမေးပွဲအောင်မြင်ထား ကြသည့် ကျောင်းသားမောင်မယ်များအား ဆုချီးမျှင့်သောနေ့ဖြစ်သောကြောင့်
ဖြစ်ပါသည်၊၊
“ဒဟံပါစလကျောင်း”ဟူသည်မှာ
သီရိလင်္ကာတစ်နိုင်ငံလုံးရှိ ဘုန်းတော်ကြီးကျောင်းတိုက်များတွင် ဖွင့် လှစ်သင်ကြားသော
ဗုဒ္ဓဘာသာသင်္ခန်းစာသင်ကျောင်းများကို ခေါ်ပါသည်၊၊ သီရိလင်္ကာနိုင်ငံရှိဘုန်း ကြီးကျောင်းတိုင်းတွင်
ဒဟံပါစလကျောင်းတွဲလျက် ရှိပါသည်၊၊
သီရိလင်္ကာမိသားစုများတွင်
ကလေးအသက် (၅)နှစ်ပြည့်သည်နှင့် ဒဟံပါစလကျောင်းသို့ နိုင်ငံတော် အမိန့်ဖြင့်မဖြစ်မနေ
အပ်နှံကြရပါသည်၊၊ တစ်ပတ်တွင် တနင်္ဂနွေနေ့တစ်ရက်တည်းသာ တက်ရသည့် ကျောင်းဖြစ်သောကြောင့်“Sunday
School=တနင်္ဂနွေကျောင်း”ဟုလည်းကောင်း၊ မြတ်စွာဘုရားရှင် ဟော်တော်မူထားသော ၀ိနည်း၊ သုတ္တာန်နှင့်၊
အဘိဓမ္မာတရားတော်များကို သင်ရိုးပြု၍သင်ကြားသော ကြောင့်“ဓမ္မကျောင်း”ဟုလည်း ခေါ်ကြပါသည်၊၊
မြန်မာနိုင်ငံတွင်လည်းယ္ခုအခါ“Sunday
School=ဓမ္မကျောင်း”များပေါ်ပေါက်လာရန် အားထုတ်နေ ကြသည်ကို ကြားသိရပါသည်၊၊ သီရိလင်္ကာနိုင်ငံ၏
ဒဟံပါစလကျောင်းသမိုင်းကို(2010,Auguest)လ ရက်စွဲဖြင့် အလင်းစက်ဆိုက်ထဲတွင်“သစ်လွင်ဆဲခေါင်းလောင်းသံ”အမည်နှင့်
စာတမ်းတစ်ခုရေးသား ပြီးဖြစ်၍စိတ်ဝင်စားသူများ လေ့လာရရှိနိုင်ပါသည်၊၊
ယ္ခုဆောင်းပါးတွင် ယနေ့စာရေးသူတက်ခွင့်ရသည့်
ဒဟံပါစလကျောင်းဆင်းပွဲမြင်ကွင်းနှင့်၊ ကျောင်း အုပ်မှ ကျောင်းသားမောင်/မယ်လေးများကိုပြောသည့်မိတ်ဆက်စကားကို
တင်ပြမည်ဖြစ်ပါသည်၊၊ ဒဟံ ပါစလကျောင်းဆင်းပွဲတွင် ဟောပြောပွဲများနှင့် ရိုးရာအကများပါပါဝင်မည်ဖြစ်သဖြင့်
ကျောင်းဆင်းပွဲမ တိုင်မှီတစ်ပတ်ခန့်ကပင် ကျောင်းဝန်းထဲတွင်ဟောပြောမှုအတွက် ပြင်ဆင်လေ့ကျင့်နေသည်များ၊
အ ဆိုအကနှင့်၊ တစ်ခန်းရပ်ဆန်ဆန်ပြဇာတ်လေ့ကျင့်နေသည်များကို သတိပြုမိသည်၊၊
သီရိလင်္ကာဘုန်းတော်ကြီးကျောင်းများတွင်
ဆိုင်ရာရပ်ကွက်နှင့်ကျေးရွာများမှ စည်းဝေးပွဲများမပျတ်ပြု လုပ်လေ့ရှိသည်ကို တွေ့ရသည်၊၊
သီရိလင်္ကာဘုန်းတော်ကြီးကျောင်းများသည် ဒေသခံလူမျိုးများအ တွက်“Education Centre”ဟုလည်း
ခေါ်နိုင်သည်၊၊ “Social Centre”ဟုလည်း ခေါ်နိုင်ပါသည်၊၊
အကြောင်းမှာ သီရိလင်္ကာလူမျိုးတို့သည်
မြို့ရွာအတွက်ဆောင်ရွက်ဖွယ်ရာအားလုံးကို လစဉ်မပျတ် မြို့ဦးရွာဦးကျောင်းများသို့စုစည်း၍
တိုင်ပင်လေ့ရှိကြသောကြောင့်ဖြစ်ပါသည်၊၊ သီရိလင်္ကာနိုင်ငံတွင် လမ်းဘေးမူးယစ်ရမ်းကားမှုများ၊
အရက်နှင့်ဆေးလိပ်သောက်ခြင်းများနှင့် အော်ဟစ်ရန်ဖြစ်ခြင်းများ၊ မရှိသလောက်ရှားပါးလှပါသည်၊၊
သီရိလင်္ကာနိုင်ငံတွင် လေးနှစ်ခန့်နေခဲ့ပြီးဖြစ်၍
ထိုကဲ့သို့သီဟိုဠ်လူမျိုးတို့ နေထိုင်မှုပုံစံနူးညံ့ခြင်းမှာ ဘုန်းတော်ကြီးကျောင်းတိုင်းတွင်
ဓမ္မစာပေသင်ကြားခွင့်ရနေခြင်းနှင့်၊ အပတ်စဉ်နီးနီးမျှရပ်ရွာကိစ္စများ ကို ဒဟံပါစလကျောင်းတွင်းတွင်
စုပေါင်းစည်းဝေးပြီးအဖြေရှာတတ်ကြသောကြောင့်ဟု သိလာရပါ သည်၊၊
ဒဟံပါစလကျောင်းများသည် တရားစာသီးသန့်ကိုသင်သည်မဟုတ်ပါ၊၊
ဓမ္မသင်္ခန်းစာများကိုဗဟိုဠ် ထားပြီး၊ သိပ္ပံ၊ သင်္ချာ၊ အင်္ဂလိပ်၊ ပထ၀ီ၊ သမိုင်း၊ အနုပညာ၊
နိုင်ငံရေး၊ လူမှုရေးဘာသာစသည့် ခေတ် ပညာရပ်များကိုလည်းဘာသာရပ်များအဖြစ် ပြဌာန်း၍သင်ကြားသည်ကို
လေ့လာရပါသည်၊၊
ထို့ကြောင့် သီရိလင်္ကာလူမျိုးများသည်
စာသင်၍မဖြစ်လောက်အောင် ပင်ကိုယ်ညာဏ်ထုံထိုင်းသူများ မှလွဲလျင် လူတိုင်းနီးနီးမျှဗုဒ္ဓစာပေနှင့်
အင်္ဂလိပ်စာကိုအတိုင်းအတာတစ်ခုအထိ တတ်မြောက်ကြသည် ကို တွေ့ရပါသည်၊၊
မြန်မာနိုင်ငံ၏ဗုဒ္ဓဘာသာကို
သံဃာတော်များကသာအဓိကဦးဆောင်၍ ထိမ်းသိမ်းထားကြည်သည်ကို တွေ့ရပြီး၊ လူပုဂ္ဂိုလ်များမှပစ္စည်းလေးပါးထောက်ပံ့ရုံမျှကိုသာ
တာဝန်ယူကြသည်၊၊
သီရိလင်္ကာလူမျိုး များသည် ပါဠိစာပေကိုလူနှင့်သံဃာ တန်းရည်တူသင်ကြားတတ်မြောက်ကြပြီး
အတူတကွသာသနာ တော်ကို စောင့်ရှောက်ကြသည်ကိုတွေ့မြင်ရပါသည်၊၊
သီရိလင်္ကာလူမျိုးများသည် အသက်ငါးနှစ်အရွယ်တွင်“O,level”အစိုးရကျောင်းနှင့်၊
ဒဟံပါစလ ကျောင်းကို ပူးတွဲ၍တက်ကြရပါသည်၊၊ တက်ရပုံမှာ တနင်္လာမှ သောကြာနေ့အထိကို အစိုးရကျောင်း
တွင်တက်ရပြီး၊ တနင်္ဂနွေနေ့တွင် ဒဟံပါစလကျောင်းတက်ရခြင်းဖြစ်ပါသည်၊၊ ဓမ္မကျောင်းသည်နံနက်
(7)နာရီမှ နေ့လည်(1)နာရီအထိသာ တက်ရပါသည်၊၊
အချို့ကျောင်းများတွင် တနေကုန်တက်ရသည်ကိုလည်း
တွေ့ရပါသည်၊၊ တချို့ကျောင်းများသည် စနေ၊ တနင်္ဂနွေနှစ်ရက်လုံးတက်ရသည်ကို တွေ့ရပါသေးသည်၊၊
အပိုချိန်သင်ပေးခြင်းများဖြစ်သည်ဟု သိရပါ သည်၊၊
သီရိလင်္ကာလူမျိုးတို့သည် ဒဟံပါစလကျောင်းတက်ရသည်ကို
အလွန်ပျော်ရွှင်ကြပါသည်၊၊ သီရိလင်္ကာ ဘုန်းတော်ကြီးများကိုယ်တိုင် ခေတ်ပညာနှင့်ပါဠိစာပေကိုရောနှောသင်ယူတတ်မြောက်ထားကြသော
ကြောင့် ဘုန်းတော်ကြီးများသည်ကျောင်းသားကလေးသူငယ်များနှင့် ရင်းရင်းနှီးနှီးရောနှောဆက်ဆံ
တတ်သည်ကို တွေ့ရပါသည်၊၊
ဒဟံပါစလကျောင်းများသည် အင်္ဂလိပ်လိုသင်သောကျောင်းနှင့်၊
သီရိလင်္ကာလိုသင်သောကျောင်းဟု နှစ်မျိုးရှိပါသည်၊၊ နှစ်မျိုးလုံးကိုသင်သောကျောင်းများလည်း
ရှိပါသည်၊၊ စာပေအဆင့်ရှိပြီးသင်ရိုးညွှန်း တမ်းများလည်း အဆင့်ရှိသည်ကိုတွေ့ရပါသည်၊၊
ထူးခြားသည်မှာ အစိုးရကျောင်းများနှင့်
ဒဟံပါစလကျောင်းများဘာသာရပ် သင်ရိုးညွန်းတမ်းခြင်းချိပ် စက်ထားပုံဖြစ်ပါသည်၊၊ အစိုးရကျောင်းမှအတန်းတစ်ခုတွင်
အမှတ်မမှီတော့၍တက်ခွင့်မရတော့ သောကျောင်းသားတစ်ဦးသည် ဒဟံပါစလကျောင်းတွင် အစိုးရကျောင်း၊
တက္ကသိုလ်တို့နှင့်အဆင့်တူ ညီသည့် ဘွဲ့ကိုရရှိနိုင်သည်ကို သိရပါသည်၊၊
ဒဟံပါစလမှပေးသော ဘွဲ့လက်မှတ်ဖြင့်နိုင်ငံတော်ဝန်ထမ်းအလုပ်နှင့်
ကုမ္ပဏီအလုပ်များကို လွယ်ကူ စွာပင် ရရှိနိုင်ပါသည်၊၊ အစိုးရကျောင်း “Grade One”နှင့်
ဒဟံပါစလပထမအဆင့်သည် တန်းတူပင်ဖြစ် ပါသည်၊၊ အစိုးရကျောင်း၏တက္ကသိုလ်ဝင်ခွင့်အတန်းနှင့်
ဒဟံပါစလအထက်တန်းနောက်ဆုံးအဆင့် သည်လည်း တန်းရည်တူပင်ဖြစ်ပါသည်၊၊
အစိုးရကျောင်းတွင်“A,level”အောင်မြင်ပြီးအမှတ်မှီသူသည်
တက္ကသိုလ်သို့တက်ခွင့်ရမည် ဖြစ်ပါ သည်၊၊ အကယ်၍အမှတ်မမှီခဲ့လျင် တက္ကသိုလ်တက်ခွင့်မရဘဲ
ဒဟံပါစလမှနောက်ဆုံးဖြစ်သည့် အ ဆင့်သုံးဆင့်သို့တက်ရောက်သင်ယူပြီး တက္ကသိုလ်မှ“B.A”ဘွဲ့နှင့်တန်းတူအဆင့်ရှိသည့်ဘွဲ့ကို
ဒဟံပါစ လမှပင် ပေးအပ်ပါသည်၊၊
သီရိလင်္ကာနိုင်ငံတွင် အစိုးရကျောင်းများအားလုံးနှင့်
တက္ကသိုလ်များအားလုံးသည် ကျောင်းသားများအ တွက်အခမဲ့စနစ်ဖြင့် ပညာသင်ယူခွင့်ရရှိသည့်အပြင်
ကျောင်းသားတိုင်းကိုလစဉ်ကျောင်းတက်စဉ် ကုန်ကျစရိပ်ကိုပင် တက္ကသိုလ်ဘဏ္ဍာရေးဌာနမှထောက်ပံ့ထားသေးသဖြင့်
သီရိလင်္ကာလူမျိုးများ သည် ပညာရေးကုသိုလ်ကံအလွန်ကောင်းသူများဟု ဆိုရပါမည်၊၊
ကျောင်းသား ကျောင်းသူများသည်
အိမ်တွင်သင်္ခန်းစာများလုပ်၍ အဆင်မပြေဖြစ်သည့်အခါ ဒဟံပါစ လကျောင်းသို့လာ၍ စာကျက်ကြသည်ကိုတွေ့ရပါသည်၊၊
အမှတ်ရမိပါသေးသည်၊၊ တစ်ခါကအရှင်စာ မေးပွဲနီး၍ Topics-အချို့ကိုမြန်မာ့နည်းမြန်မာ့ဟန်ဖြင့်အလွတ်ရစေရန်
အသံကုန်အော်ဟစ်၍ စာကျက် နေပါသည်၊၊
ထိုအချိန်တွင် ကျောင်းသူလေးတစ်ဦးအနီးသို့ရောက်လာပြီး၊
ဗုဒုမဟာမူးသဒူး(မြန်မာဦးဇင်း) စာကို စိတ်ထဲကကျက်ပါ၊ အော်သံကြောင့် သူစာလုပ်၍မရပါဟု
လာပြောသည်ကို အောင့်သက်သက်နှင့်ခံရ ပါသည်၊၊
စကားမစပ်မိဘဲ သီရိလင်္ကာနိုင်ငံသံဃာတော်များ၏
ပညာရေးအကြောင်းကို အနည်းငယ်တင်ပြချင် ပါသည်၊၊ သီရိလင်္ကာရဟန်းများသည် ရိုးရာပရိဝေဏ(စာသင်တိုက်)များသို့တက်ရောက်၍
ပညာသင် ယူနိုင်ပါသည်၊၊ အစိုးရတက္ကသိုလ်များတွင်လည်း ကျောင်းသား/ကျောင်းသူများနှင့်အတူ
အမှတ်မှီရာ ဘာသာရပ်တိုင်း တွင်တက်ရောက် ပညာသင်ယူနိုင်ပါသည်၊၊
ပရိဝေဏကျောင်းဟူသည်မှာ သီရိလင်္ကာဘုန်းတော်ကြီးကျောင်းတိုက်
အကြီးကြီးများကိုခေါ်ပါသည်၊၊ မြန်မာပြည်တွင် စာသင်တိုက်ကြီးများနှင့်ခပ်ဆင်ဆင်တူပါသည်၊၊
ပရိဝေဏတွင် ပါစာပေနှင့်ခေတ် ပညာရပ်များကို အသီးသီးဘာသာရပ်များအဖြစ် သင်ရိုးပြု၍သင်ကြားပါသည်၊၊
ပရိဝေဏကျောင်းများ၏ ပြဌာန်စာသင်ရိုးများကိုလည်း
အစိုးရကျောင်းများနှင့်တန်းရည်တူဖြစ်စေရန် ချိပ်စက်ထားပါသည်၊၊ ထို့ကြောင့် သီရိလင်္ကာရဟန်းသံဃာများသည်
ပါဠိစာပေအပြင်ခေတ်ပညာရပ် များကိုပါ အလွယ်တကူတတ်မြောက်ကြနေကြခြင်း ဖြစ်ပါသည်၊၊
ရဟန်းသံဃာများသည် နေ့ဆွမ်းစားပြီးလျင်လူများကဲ့သို့ပင်
ပရိဝေဏသို့သွား၍ကျောင်းတက်ရပါ သည်၊၊ ပရိဝေဏများမှစာချဆရာတော်များနှင့် ဆရာ၊ဆရာမများသည်လည်း
အစိုးရကျောင်းများမှ ကျောင်းဆရာများကဲ့သို့ပင် အစိုးရမှလခပေးထားပါသည်၊၊ “B.A”နှင့်တန်းရည်တူသည့်ဘွဲ့ကို
ပရိဝေဏ တွင်ပင်ပြီးဆုံးသည်အထိ သင်ယူနိုင်ပါသည်၊၊
သို့မဟုတ်လျင်လည်း”ပရိဝေဏ”မှတက္ကသိုလ်ဝင်တန်းအောင်မြင်ပြီးလျင်
အမှတ်မှီရာဘာသာရပ်အ လိုက် အစိုးရတက္ကသိုလ်များတွင် တက်ရောက်နိုင်ပါသည်၊၊ သီရိလင်္ကာလူမျိုးများသည်
ပညာကိုလို အပ်သည့်အလျောက်သာ သင်ယူကြသည်ကိုတွေ့ရပါသည်၊၊
ဝိဇ္ဇာဘွဲ့ရပြီးသူတိုင်းကို
အစိုးရမှအလုပ်ပေးပါသည်၊၊ ကုမ္ပဏီများတွင်လည်း လုပ်နိုင်ပါသည်၊၊ အလုပ် လုပ်နေရင်းမှသာရာထူးအဆင့်အတွက်
မဟာဝိဇ္ဇာတန်းကိုတက်ကြပါသည်၊၊ မဟာဝိဇ္ဇာတန်းအောင် မြင်ပြီးသည့် ကျောင်းသားတစ်ယောက်သည်
ပညာရေးဝန်ကြီးဌာနတွင် “Ph.D”တန်းအတွက် ‘စကော လားရှစ်’တင်ထားပြီးမိမိတို့အလုပ်ကိုသာ
ဆက်လုပ်နေကြပါသည်၊၊
နှစ်အနည်းငယ်အတွင်း စကောလားရှစ်ကျလာသောအခါ
ပါရဂူတန်းကိုနိုင်ငံတော်အထောက်အပံ့ဖြင့် သင်ယူကြပါတော့သည်၊၊ အရှင်နှင့်အလွန်ခင်သည့်
သီရိလင်္ကာဆရာတစ်ပါးအကြောင်းကို တင်ပြလိုပါ သည်၊၊
ဆရာတော်သည် ၀ိဇ္ဇာနှင့်မဟာဝိဇ္ဇာတန်းများကိုအောင်မြင်ထားပြီး၍၊
အထက်တန်းကျောင်းတွင် ကျောင်းဆရာတာဝန်ထမ်းဆောင်လျက် စကောလားရှစ်လျောက်ထားသူ ဖြစ်ပါသည်၊၊
ယ္ခုအသက် (43)တွင်မှ ပါရဂူတန်းခေါ်စာကျသဖြင့် ပါရဂူတန်းအတွက်လိုအပ်သည့် ပြင်ဆင်မှုများကိုပြုလုပ်ပါ
သည်၊၊
သီရိလင်္ကာနိုင်ငံမှ သံဃာတော်များသည်ဘွဲ့ရပြီးလျင်
လူများကဲ့သို့ပင်အစိုးရ၀န်ထမ်းအလုပ်များကို လုပ်နိုင်ပါသည်၊၊ များသောအားဖြင့်ဆရာတော်များသည်
တက္ကသိုလ်များနှင့်စာသင်ကျောင်းများတွင် ကျောင်းဆရာ၊ ကထိက၊ ပါမောက္ခစသည့်အလုပ်များကို
လုပ်ကြပါသည်၊၊
အရှင်သည် ဆရာတော်အတွက်ကူညီနိုင်သည့်
ပညာရေးဆိုင်ရာများကိုကူညီရင်း ဆရာတော်အား“ဒီ အသက်အရွယ်ရောက်မှ ဘာဖြစ်လို့ပညာထပ်သင်နေအုံးမလဲ”ဟု
မေးမိပါသည်၊၊ ဆရာတော်က“ငါတို့ အသက်ရှင်နေတာ ဘာလုပ်ဖို့လဲ”ဟုပြန်မေးသည့်အခါ သီရိလင်္ကာသားတို့၏ပညာရေးစိတ်ကို
ချီးကျူး မိပါသည်၊၊
မှန်ပါသည်၊၊ ပညာဟူသည်မှာ
အသက်ရှင်နေသမျှသင်ယူနေရမည် ဖြစ်ပါသည်၊၊ သင်ယူမှုမရှိတော့ ခြင်းသည် အသိညာဏ်သေဆုံးခြင်းပင်ဖြစ်၍
အသိညာဏ်မရှိလျင်“လူ”ဟူ၍မခေါ်နိုင်တော့ဘဲ အခြား
အမည်သာတပ်ရတော့မည်ဖြစ်ကြောင်းကို သဘောပေါက်မိလာရပါသည်၊၊
သီရိလင်္ကာနိုင်ငံ၏ ဗုဒ္ဓဘာသာယဉ်ကျေးမှုအကြောင်းကို
ထွေရာလေးပါးတင်ပြနေမိရာ မူလတင်ပြမည့် အကြောင်းအရာပင် ပျောက်လုနီးနီးဖြစ်နေပါသည်၊၊ ဆက်လက်၍
ဒဟံပါစလကျောင်းဆင်းပွဲတွင် ကျောင်းအုပ်ကြီးမှ သင်တန်းဆင်းအမှာစကားအဖြစ်ဟောပြောသည့်“မင်္ဂလသုတ်”လာ
တိုးတက်ကြီး ပွားကြောင်းမင်္ဂလာ(၃)မျိုးကို တင်ပြအပ်ပါသည်၊၊
(၁)
နေရာအခြေကျခြင်း၊
(၂)
အကျိုးဖြစ်စေလောက်သည့် အပြုအမူရှိခြင်း၊
(၃)
မိမိကိုယ်ကို စနစ်တကျတည်ဆောက်မှုရှိခြင်း၊
နေရာအခြေကျခြင်း၊၊
ကျောင်းသားတစ်ယောက် ပညာရေးအောင်မြင်တိုးတက်မှုရစေရန်
သင့်တော်သည့်နေထိုင်ရာရှိခြင်း သည် အထူးအရေးပါလှပါသည်၊၊ နေရာထိုင်ခင်းအဆင်မပြေလျင်
စာတွင်အာရုံနှစ်၍မရတော့ဘဲ စိတ် လေ့လွင့်ပြီး အောင်မြင်မှုနှင့်ဝေးရတော့သည်၊၊
ဤနေရာတွင် ကျောင်းသားတစ်ယောက်အနေဖြင့်
ခရီးများခြင်း၊ ပြင်ပအလုပ်များခြင်း၊ ထွေရာလေးပါး ၀ါသနာပါခြင်းနှင့်၊ စီးပွားရေးတွင်စိတ်ရောက်နေခြင်းများသည်လည်း
ပညာရေးပျက်စီးခြင်း၏အ ကြောင်းများပင်ဖြစ်ပါသည်၊၊
မသိသာလှသည့်ကျောင်းသားတစ်ယောက်ပညာရေးဆုံးရှုံးမှု၏
အခြားသောအကြောင်းတစ်ရပ်မှာ ပြင် ပဗဟုသုတများနေခြင်း ဖြစ်ပါသည်၊၊ မှန်ပါသည်၊၊ ကျောင်းသားတစ်ယောက်သည်
ကျောင်းသင်္ခန်းစာ မှပေးသောပညာမှတစ်ပါး ပြင်ပအထွေထွေဗဟုသုတများခြင်းသည် ကောင်းသည်ဟုထင်ရသော်
လည်း စင်စစ်ကျောင်းပညာရေးပျက်စီးခြင်း၏အကြောင်းတစ်ခုပင်ဖြစ်ကြောင်း တွေ့ရပါသည်၊၊
ဟိုသည်စပ်စပ် ဗဟုသုတများလာသောအခါ
အစဉ်ဖြင့်တစ်ဆင့်ခြင်းတက်ရသည့် ကျောင်းပညာရေး ကိုစိတ်ဝင်စားမှုမရှိ၊ အထင်ကြီးမှုမရှိတော့ဘဲ
စနစ်ကျသည့်ပညာရေးမှ ဆုံးရှုံးရတော့သည်၊၊ ထိုသို့ သောကျောင်းပညာရေးကိုအထင်မကြီးဘဲ ရရှိထားသည့်ဗဟုသုတမျှဖြင့်
လောကအတွင်းသို့ဝင်သော အခါ အထင်နှင့်လက်တွေ့များစွာကွာခြားပြီး၊ စီးပွားရေးတွင်လည်းအောင်မြင်မှုမရတတ်သည်ကို
တွေ့ ရသည်၊၊
ထို့ကြောင့် သင့်တော်သည့်နေရာထိုင်ခင်းတွင်နေထိုင်ခွင့်ရလျက်
ပညာရေးကိုစနစ်တကျသင်ယူတတ် မြောက်ခြင်းသည် ပညာရေးနှင့်ဘ၀အောင်မြင်မှုတွင် အဓိကလိုအပ်ပါသည်၊၊
အကျိုးဖြစ်စေလောက်သည့် အပြုအမူရှိခြင်း၊၊
လူတိုင်းပင်အကျိုးရလာဘ်ကို
လိုချင်တတ်ကြသည်၊၊ သို့သော် အကျိုးဖြစ်စေလောက်သည့် အပြုအမူ များကိုမူအကြောင်းအမျိုးမျိုးပြ၍
ငြင်းပယ်တတ်ကြလေသည်၊၊
အများတကာအကျိုးဖြစ်သည်ကိုတွေ့မြင်ရသောအခါ
အားကျမှုများလူတိုင်းပင် ဖြစ်တတ်ကြပါသည်၊၊ သို့သော် ထိုကဲ့သို့သောအကျိုးများ မည်သို့သောနည်းလမ်းများ၊
အပြုအမူနှင့်လုပ်ဆောင်ချက်များ ကြောင့် ဖြစ်ပေါ်နေသည်ကိုမူ လေ့လာစုံစမ်းသူအလွန်နည်းလှသည်၊၊
အလုပ်တစ်ခုသည် အသေးအမွှားဟုထင်ရသည့်တိုင်
လေးလေးနက်နက်ကျိုးစားလုပ်ကိုင်သောအခါ အကျိုးကျေးဇူးတစ်စုံတရာကို ပေးတတ်သည်သာဖြစ်ပါသည်၊၊
“ဒါလေးများ လူတိုင်းတတ်ပါတယ်”ဟု အလုပ်ကိုပျက်ရယ်ပြုသောအခါ ထိုအလုပ်များမှထွက်ပေါ်လာမည့်
အကျိုးကျေးဇူးများကလည်း မိမိကို ဥပေက္ခာပြုတတ်သည်ကို သတိချပ်ရပါမည်၊၊
အနှစ်ချုပ်ကြည့်သော်အလုပ်တိုင်းသည်
ငယ်သည်ကြီးသည်မဟူဘဲ ပြုလုပ်သူ၏အစွမ်းအစအပေါ် တွင်မူတည်လျက် အကျိုးကျေးဇူးသည် လိုက်ပါလာတတ်သောကြောင့်
အလုပ် လုပ်ကိုင်လိုစိတ်ကို မွေးမြူ သင့်လှပါသည်၊၊
မိမိကိုယ်ကို စနစ်တကျတည်ဆောက်ခြင်း၊၊
ဘ၀တွင်လူတိုင်း ချမ်းသာချင်ကြသည်၊
ပညာတတ်ချင်ကြသည်၊ ကျန်းမာချင်ကြသည်၊ အချစ်ရေးနှင့် အိမ်ထောင်ရေး သာယာလိုကြသည်၊၊
သို့သော် လူအနည်းစုသာလိုသမျှရရှိကြပြီး
အများစုမှာလိုချင်သည့်အရာများနှင့် မိုင်ပေါင်းကုဋေ ဝေးကွာနေကြရသည်၊၊ ထိုသို့ဖြစ်ရခြင်းကြောင့်
လူတို့သည်မိမိကိုယ်တိုင်တွင် အပြစ်တစ်စုံတရာရှာ မတွေ့တတ်ကြဘဲ အခြားသူများကိုသာအပြစ်တင်တတ်ကြပါသည်၊၊
အမှန်စင်စစ် မိမိကိုယ်ကို
စနစ်တကျတည်ဆောက်မှု မရှိခြင်းကြောင့်ဖြစ်ရပါသည်၊၊ လူတစ်ယောက် တွင် အရွယ်အလိုက်တည်ဆောက်သင့်သည့်
တည်ငြိမ်မှုများစွာရှိပါသည်၊၊
(၁) ပညာရေးရင့်တည်ငြိမ်မှု၊
(၂) အသိတရားရင့်တည်ငြိမ်မှု၊
(၃) လုပ်ရည်ကိုင်ရည်တည်ငြိမ်မှု
(၄) စိတ်ပိုင်းဆိုင်ရာတည်ငြိမ်မှု၊
(၅) စီးပွားရေးတည်ငြိမ်မှု၊
အထက်တွင်ဖော်ပြထားသည့် တည်ငြိမ်မှုငါးမျိုးမျှလူတစ်ဦးတွင်ပြည့်စုံပါလျင်
ရင့်ကျက်သူဖြစ်လာပြီး ဘ၀တွင်အောင်မြင်တိုးတက်လာရပါတော့သည်၊၊ မိမိကိုယ်ကိုစနစ်တကျတည်ဆောက်ခြင်းဆိုသည်မှာ
လည်း ဆွေးနွေးဖော်ပြထားသည့်တည်ငြိမ်မှုငါးမျိုးတို့ တိုးတက်လာအောင်တည်ဆောက်ခြင်းကိုပင်
ဆို လိုပါသည်၊၊
ဖော်ပြထားပြီးအရည်အသွေးများ
လူတစ်ဦးတွင်အောင်မြင်စွာတည်ဆောက်ထားပါက စိတ်ပိုင်းဆိုင်ရာ ဗောင်ဘင်ခပ်မှုများ၊ ဂယောင်ခြောက်ခြားဖြစ်ခြင်းများနှင့်၊
အလွန်အကျူးဝမ်းနဲခြင်းများနှင့်၊ အလွန်အ ကျူးဒေါသထွက်ခြင်းများမရှိတော့ဘဲ ပုဂ္ဂိုလ်ရေးအသွင်အပြင်များသည်ပင်နူးညံ့တည်ကြည်ပြီး၊
မြင့် မြတ်သူတစ်ယောက် ဖြစ်လာနိုင်ပါသည်၊၊
ဤတွင် “ဒဟံပါစလကျောင်းဆင်းပွဲ”မှ
ကျောင်းအုပ်ဆရာကြီး၏ ကျောင်းသားမောင်မယ်လေးများအား ဟောပြောသည့် စာတမ်းပြီးဆုံးပါပြီ၊၊
ကလေးငယ်များကို ဟောပြောသည့်စကားများပင်ဖြစ်သော် လည်း စာရေးသူများစွာနှစ်သက်သဘောကျသောကြောင့်
အလင်းစက်စာဖတ်သူများသို့ မျှဝေပေး လိုက်ခြင်း ဖြစ်ပါသည်၊၊
စာဖတ်သူများအားလုံး စာပေအလင်းမိုးစက်များဖြင့်
တည်ငြိမ်အေးချမ်းသည့် ဘ၀ကိုတည်ဆောက် အောင်မြင်နိုင်ကြပါစေကြောင်း မေတ္တာများစွာဖြင့်ဆုမွန်
ပန်ခြွေအပ်ပါသည်၊၊ ၊၊
အရှင်ကေ၀လ(အလင်းစက်)
{မဟာဝိဇ္ဇာ-သီရိလင်္ကာ}
မကုဋာရာမ-မြန်မာကျောင်းတိုက်၊
ကိုလံဘိုမြို့၊ သီရိလင်္ကာနိုင်ငံ၊၊
(15/07/2012
