The Essence: 2012

Sunday, December 30, 2012

ထေရ၀ါဒ မန္တာန်၊၊ ၊၊

ထေရ၀ါဒဗုဒ္ဓဘာသာသည် မန္တာန်၊ ယတြာနှင့် ဗေဒင်စသည်များကို လက်မခံသောဘာသာတစ်ခုအဖြစ် အများတကာ သိမှတ်ထားကြပါသည်၊၊

ထိုသို့သိမှတ်ထားခြင်းမှာ ဟိန္ဒူဝါဒမှလာသည့် ရှေးဟောင်းအတတ်ပညာများနှင့် ဆက်သွယ်မှုရှိနေသည့် မန္တာန်၊ ယတြာနှင့် ဗေဒင်စသည်များနှင့် ထေရ၀ါဒဗုဒ္ဓဘာသာမှအသိအမှတ်ပြုသည့်မန္တာန်စ သည်များကို ရောထွေးအမှတ်မှားနေခြင်းသာ ဖြစ်ပါသည်၊၊

ထေရ၀ါဒဗုဒ္ဓဘာသာမှ အသိအမှတ်ပြုလက်ခံသည့် မန္တာဟူ၍ရှိကြောင်းကို ဗုဒ္ဓဘာသာဝင်တို့ ဗဟုသု တဖြစ်ရန်နှင့်၊ လိုက်နာကျင့်သုံးပြီးအကျိုးများစွာရရှိစေရန်ရည်သန်လျက်ယ္ခုစာတမ်းကို မလေးရှားနိုင် ငံသို့လေ့လာရေးခရီး ရောက်ရှိနေစဉ်အတွင်း ရေးသားတင်ပြလိုက်ရပါသည်၊၊

ရှေးခေတ်အိန္ဒိယနိုင်ငံတော်ကြီးအတွင်းတွင်“မစလရွာ”ဟူ၍ ရှိပါသည်၊၊ မစလရွာသား“ကိုမာဃ”သည် ပရဟိတစိတ်အားကြီးသူ ဖြစ်ပါသည်၊၊ နေ့စဉ်နေ့တိုင်း စီးပွားရေးလုပ်ငန်းများ ဆောင်ရွက်လုပ်ကိုင် ခြင်းနှင့်အတူ၊ ရပ်ရွာအကျိုးများဖြစ်သည့်---

(၁) ရေတွင်းရေကန်တူးဖော်ခြင်း၊

(၂) လမ်းဖောက်ခြင်း၊

(၃) ဇရပ်ဆောက်ခြင်း၊

(၄) သစ်ပင်စိုက်ခြင်း၊

(၅) အစားအသောက်ပေးလှူခြင်း၊

(၆) အ၀တ်အထည်ပေးလှူခြင်း၊

(၇) ခရီးရိက္ခာပေးလှူခြင်း(ငွေစသည်)၊

(၈) ဆေးလှူခြင်း၊

(၉) ဆီမီးလှူခြင်း၊

စသည့် ပရဟိတလုပ်ငန်းများကို တစ်ဦးတည်းစွမ်းနိုင်သမျှ ကြိုးစားလုပ်ဆောင်ခဲ့ပါသည်၊၊

ကိုမာဃ၏ ပရဟိတလုပ်ငန်းစဉ်များကို သဘောကျနှစ်သက်ကြသဖြင့် မစလရွာနှင့်အနီးအပါးရွာမြို့များမှ လူကြီး လူငယ်(၃၂)ဦးတို့သည် ကိုမာဃ၏ပရဟိတအဖွဲ့ကြီးအတွင်းသို့ အဖွဲ့သားများအဖြစ်ပါဝင်လာခဲ့ကြပါ သည်၊၊

ပရဟိတအဖွဲ့ကြီး၏ ဦးဆောင်ဖြစ်လာသော ကိုမာဃသည်ရပ်ရွာအကျိုးများကို ယခင်ထက်ပိုမိုလုပ် ဆောင်ကြသည့်အပြင် အဖွဲ့သားများကိုငါးပါးသီလဖြစ်သည့်---

(၁) သူတပါးအသက်သက်ခြင်းမှ ရှောင်ကျဉ်ရန်၊

(၂) သူတပါးဥစ္စာခိုးယူခြင်းမှ ရှောင်ကျဉ်ရန်၊

(၃) သူတပါး၏သားသ္မီးများကို ဖြက်ဆီးခြင်းမှရှောင်ကျဉ်ရန်၊

(၄) မုသားမပြောဆိုရန်၊

(၅) မူးယစ်သေစာ မသောက်သုံးရန်၊ တို့ကိုအမြဲတမ်းအဖွဲ့ကြီး၏စည်းကမ်းများအဖြစ် ချမှတ်ဆုံးမခဲ့ပါသည်၊၊

ထို့အပြင် အဖွဲ့ဝင်များအား ဗြဟ္မ၀ိဟာရတရားလေးမျိုးဖြစ်သည့်---

(၁) မေတ္တာဖြင့်နေခြင်း၊

(၂) ကရုဏာဖြင့်နေခြင်း၊

(၃) မုဒိတာဖြင့်နေခြင်း၊

(၅) ဥပေက္ခာဖြင့်နေခြင်းဟူသည့် မြင့်မြတ်အထက်တန်းကျသည့် “ဘ၀နေနည်းလေးမျိုး”ဖြင့် နေထိုင်အသက်မွေးဝမ်းကျောင်းပြုကြရန် တိုက်တွန်းလေ့ရှိပါသည်၊၊

ငါးပါးသီလစောင့်ထိမ်းကြရန်နှင့်၊ မြင့်မြတ်အထက်တန်းကျသည့် ဘ၀နေနည်းလေးမျိုးဖြင့်နေထိုင်အသက်မွေးဝမ်းကျောင်းပြုကြရန် ကိုမာဃနှင့်သူ၏အဖွဲ့သားများသည် ရွာအများနှင့်မြုိ့အများသို့ ဟောပြောပွဲကြီးများပြု လုပ်၍ ပြည်သူပြည်သားတို့အား ဟောပြောသင်ပြကြပါသည်၊၊ ယနေ့ခေတ် စာပေဟောပြောပွဲများကဲ့သို့ပင် ဖြစ်ပါသည်၊၊

မစလရွာမှ “ကျေးရွာဥက္ကဌ”သည် ကိုမာဃအဖွဲ့ကြီးတည်ထောင်သည်မှစတင်ပြီး၊ ကျေးရွာသူ ကျေးရွာသားတို့ သည် ဘ၀အသက်မွေးဝမ်းကျောင်းကို မှန်မှန်ကန်ကန်သာပြုလုပ်ကြတော့သဖြင့် လာဘ်ငွေများမရရှိတော့ သည့်အတွက် ကိုမာဃနှင့်အဖွဲ့ကို မမှန်သည့်သတင်းဆိုးများဖြင့် ရှင်ဘုရင်သို့တိုင်တန်းလိုက်ပါသည်၊၊

တိုင်းပြည်ဘုရင်ကြီးသည် စနစ်တကျစုံစမ်းစစ်ဆေးမှုကို မပြုလုပ်ဘဲ၊ “ကိုမာဃနှင့်အဖွဲ့ကိုဆင်များဖြင့် နင်းသတ်စေ”အမိန့်ကို ချမှတ်လိုက်ပါတော့သည်၊၊

ကိုမာဃနှင့်သူ၏အဖွဲ့သား (၃၂)ယောက်တို့အား ဆင်များဖြင့်နင်းသတ်သည့် အခန်းအနားသို့ဘုရင်ကိုယ်တိုင် တက်ရောက် ကြည့်ရှုခဲ့ပါသည်၊၊ ကိုမာဃသည် သူ၏အဖွဲ့သားများကို “ငါးပါးသီလကိုဆင်ခြင်သုံးသပ်လျက်နေ ကြရန်နှင့်၊ ဆင်များအပေါ်တွင် မေတ္တာဘာဝနာကိုပွားများလျက်နေကြရန်” ဆုံးမထားပါသည်၊၊

ဆင်ကြမ်းကြီးများသည် ကိုမာဃတို့အားနင်းသတ်ရန် ပြေးလာကြပြီး၊ အနီးအနားသို့ရောက်သောအခါ အော် ဟစ်လျက် ဝေးရာအရပ်သို့သာပြေးထွက်သွားကြပါသည်၊၊ ကိုမာဃတို့အထံတွင် ဆင်ကိုပြေးစေတတ်သည့် ဆေးဝါးများရှိမည်ထင်သဖြင့် စစ်ဆေးကြသော်လည်းဆေးဝါးတစ်စုံတရာကို မတွေ့ရချေ၊၊

အကြိမ်များစွာဆင်ဖြင့် နင်းသတ်ရန်အားထုတ်သော်လည်း စနစ်တကျသင်ပြထားသည့် ဆင်များ သည်လမ်းလွဲသို့သာ ပြေးထွက်သွားကြသည်ကိုတွေ့ရသောအခါ ရှင်ဘုရင်ကြီးသည် ကိုမာဃအား ကိုယ်တိုင် “သင်တို့အထံတွင် ဆင်ကိုပြေးစေတတ်သည့် မန္တာန်တစ်မျိုးမျိုးရှိသလား”ဟု မေးလိုက်ပါ သည်၊၊

ကိုမာဃသည် အန္တရာယ်မျိုးစုံကိုကာကွယ်ပေးတတ်ပြီး၊ အကျိုးအားလုံးကိုပြီးစေတတ်သည့် မန္တာန်ရှိ ပါကြောင်း သံတော်ဦးတင်လိုက်လေသည်၊၊ ရှင်ဘုရင်ကြီးမှရှင်းပြခိုင်းသဖြင့်
“ငါးပါးသီလနှင့်၊ မြင့်မြတ် သည့် ဘ၀နေနည်းလေးမျိုးတို့သည် အန္တရာယ်အမျိုးမျိုးမှကာကွယ်ပေးတတ်ပြီး၊ အကျိုးအားလုံးကိုရစေတတ်သည့် မန္တာန်ဖြစ်ပါကြောင်း”
လျောက်ထားလိုက်လေသည်၊၊

ရှင်ဘုရင်ကြီးသည် မှားယွင်း၍အမိန့်ပေးမှားခဲ့သည်ကို ၀န်ချတောင်းပန်ပြီး၊ မမှန်သည်ကိုလျောက် တင်ခဲ့သည့် ကျေးရွာဥက္ကဌအားကိုမာဃတို့၏အဖွဲ့တွင် လက်တိုလက်တောင်းခိုင်းရန် အစေခံကျွန်အဖြစ် အပြစ်ဒဏ်ပေးလိုက်ပါသည်၊၊

တင်ပြဆွေးနွေးခဲ့သည့် ဇာတ်လမ်းကိုသုံးသပ်ကြည့်လျင် ထေရ၀ါဒဗုဒ္ဓဘာသာသည် မန္တာန်ကိုငြင်း ပယ်သည့် ဘာသာမဟုတ်ဘဲ၊ အမှန်တကယ် အန္တရာယ်မှကာကွယ်ပေးပြီး၊ အကျိုးကျေးဇူးကိုဖြစ်စေ တတ်သည့်မန္တာန်များကိုမူ လက်ခံသည့်ပွင့်လင်းမြင်သာသော လက်တွေ့ကြသည့်ဘာသာတစ်ခုဖြစ်ကြောင်း တွေ့ရပါသည်၊၊

ကိုမာဃဦးဆောင်သည့် ပရဟိတအဖွဲ့ကြီးတွင် အမျိုးသား၊ အမျိုးသ္မီးများစွာပင်ပါဝင်လာကြပြီး ကျေး ရွာမြို့နယ်နှင့် နိုင်ငံတော်အကျိုးများကို စွမ်းစွမ်းတမံလုပ်ဆောင်ခဲ့ကြပြီး၊ အသက်ထက်ဆုံးနေပြီး၊ ဘ၀ ကူးသောအခါ “တာဝတိံသာနတ်ပြည်”တွင် ကိုမာဃသည်သိကြားမင်းအဖြစ်ကိုရရှိပြီး၊ သူ၏အဖွဲ့သူအ ဖွဲ့သားများအားလုံးသည် တာဝတိံသာနတ်ပြည်တွင်အဆင့်ကိုယ်စီဖြင့် နတ်သား၊နတ်သမီးဘ၀များကို ရရှိခဲ့ကြကြောင်း ပါဠိစာပေမှတ်တမ်းတွင် လေ့လာရပါသည်၊၊

အထက်တန်းကြလှသည့် တာဝတိံသာနတ်ပြည်တွင်သိကြားမင်းကြီးအဖြစ် ရာထူးကြီးကိုရရှိရန် ကိုမာဃသည် လူ့ဘ၀တွင်ကျင့်စဉ်(၇)မျိုးကိုကျင့်သုံးခဲ့ရကြောင်း လေ့လာတွေ့ရှိရပါသည်၊၊

(၁) မိဘကို လုပ်ကျွေးခြင်း၊

(၂) ကြီးသူကို ရိုသေခြင်း၊

(၃) ချိုသာစွာ ပြောဆိုခြင်း၊

(၄) ကုန်းတိုက်စကား မဆိုခြင်း၊

(၅) ဝန်တိုမှုမရှိခြင်း၊

(၆) ရက်ရောစွာ ပေးကမ်းလှူဒါန်းခြင်း၊

(၇) အမျက်မထွက်ခြင်း၊ အမှန်ကိုပြောဆိုခြင်း၊၊

အထက်တွင်ဖော်ပြထားသည်မှာ အထက်တန်းကြသည့်ဘ၀အဆင့်များသို့ ရောက်စေနိုင်သည့် ဗုဒ္ဓ ဘာသာကိုယ်ကျင့်တရား ခုနှစ်မျိုးဖြစ်ပါသည်၊၊ “သိကြားမင်းကျင့်စဉ်”ခုနှစ်မျိုးဟုလည်း ခေါ်ဝေါ်သ မုတ်ကြပါသည်၊၊

“အလင်းစက်”စာဖတ်သူများ မင်္ဂလာရှိသည့်နှစ်ကူးအခါတွင် ဘ၀အတွက်အဖိုးတန်သည့် ဘ၀နေနည်း မန္တာန်များကို လေ့လာမှတ်ယူပြီးကျင့်သုံးကြသဖြင့် ဘ၀အောင်မြင်မှုပန်းတိုင်များသို့ ရောက်ရှိကြပါစေကြောင်း “အလင်းစက်အရှင်” 2013-ခု၏နှစ်ကူးမင်္ဂလာအဖြစ် ဆုတောင်းပေးလိုက်ရပါသည်၊၊ ၊၊

အရှင်ကေ၀လ(အလင်းစက်)

{B.A-Eng, M.A-Phil-Sri Lanka}

မကုဋာရာမမြန်မာကျောင်းတိုက်၊

ကိုလံဘိုမြို့၊ သီရိလင်္ကာနိုင်ငံ၊၊ (31/12/2012)၊၊

(မှတ်ချက်/ မဃ၀တ္ထု၊ ဓမ္မပဒအဌကထာ-၁၊၊ ကုလာဝကဇာတ်၊ ဇာတကပါဠိတော်တို့ကို ကိုးကား၍ ဤစာတမ်းကို ရေးသားအပ်ပါသည်၊၊)

အပြည့်အစုံသို့....

Monday, October 29, 2012

မိဘေက်းဇူး၊၊ ၊၊

ဗုဒ္ဓဘာသာထုံးတမ်းစဉ်လာတွင် ကျေးဇူးဆပ်၍မကုန်နိုင်သော ပုဂ္ဂိုလ်ငါးယောက်ရှိသည်ဟု ဖော်ပြ ထားပါသည်၊၊

(၁) ဘုရားရှင်၊

(၂) တရား၊

(၃) သံဃာ၊

(၄) မိဘ၊

(၅) ဆရာတို့ဖြစ်ကြပါသည်၊၊

ဗုဒ္ဓဘာသာဝင်တို့တွင်မက လူသားတိုင်းတွင်လည်း သက်ဆိုင်ရာဘာသာရေးမှ ဘုရား၊ သင်ပြချက်၊ ဘာသာရေးခေါင်းဆောင်များနှင့်၊ မိဘ၊ ဆရာဟူ၍နည်းတူပင်ရှိကြပါသည်၊၊

ဖော်ပြထားသည့် ပုဂ္ဂိုလ်ငါးယောက်တို့၏ကျေးဇူးသည် များလွန်းသဖြင့်ရေတွက်ရန် မတတ်သာသော ကြောင့် ပါဠိစာပေတွင် “အနန္တကျေးဇူးရှင်များ”ဟူ၍ အထူးပြုသုံးနှုံးထားပါသည်၊၊

လူတစ်ယောက်အတွက် နေ့စဉ်ဘ၀ရောက်ပြီးချိန်တွင် မည်မျှခက်ခဲသည်ဆိုစေကာမူ ဘ၀ရပ်တည်မှု အခက်ခဲဆုံးအချိန်သည် မိခင်၏၀မ်းတွင်သန္ဓေနေရချိန် ဖြစ်ပါသည်၊၊ သန္ဓေသားအတွက်တင်မက ထိုအချိန်သည် မိခင်လောင်း၏ဘ၀ရှင်သန်ရပ်တည်မှုသည်လည်း အခက်ခဲဆုံးနှင့်သေဆုံးရန်အနီးဆုံး အချိန်ဟုဆိုလျင် မမှားနိုင်ပါ၊၊

မိခင်များသည် ရင်သွေးငယ်အတွက် အဆင်အပြေဆုံးနှင့်သက်သာမှုအဖြစ်စေဆုံးနည်းလမ်းများကို လေ့လာစုံစမ်း၍ နေထိုင်စားသောက်ကြရပါသည်၊၊ ဤသို့ဖြင့် ရင်သွေးငယ်လူသားမျိုးဆက်များကို မိဘတို့မွေးဖွားပေးကြရပါသည်၊၊

မိဘများသည် သားသမီးများအတွက် လက်ဦးဆရာဖြစ်ကြပါသည်၊၊ ရင်သွေးများအတွက် ဘာသာစ ကားနှင့် နေ့စဉ်ဘ၀ပြုမူနေထိုင်ပုံများကို မိဘများမှသင်ပေးကြရပြီး၊ လူလားမြောက်သော် စာသင် ကျောင်းများသို့ ပိုပြီးပညာများကိုသင်စေကြရပါသည်၊၊

ကလေးများအတွက် ကျောင်းများသည်မည်မျှအသင်အပြကောင်းစေကာမူ အိမ်ပြန်ရောက်ချိန်တွင် မိဘများမှ ပံ့ပိုးသင်ပြမှုမရှိလျင် သားသမီးများ၏ပညာရေး ထက်မြက်တိုးတက်လာနိုင်မည် မဟုတ်ပါ ချေ၊၊

မိဘနှစ်ဦးတို့သည် သားသမီးဆယ်ဦးခန့်ကို သန္ဓေဘ၀တာဝန်ယူရခြင်း၊ ပညာရေးတာဝန်ယူရခြင်း၊ စီးပွားရေးတွင် အရင်းအနှီးပေး၍ဖြစ်စေ၊ လမ်းပြ၍ဖြစ်စေပျိုးထောင်ပေးရခြင်း၊ အိမ်ထောင်ပြုရာတွင် တာဝန်ယူပေးရခြင်းနှင့် တစ်သက်တာကိုယ်ပိုင်ပစ္စည်းများကို “အမွေ”ဟူသောအမည်ဖြင့် လွှဲအပ်ရ ခြင်းတာဝန်များကိုကျေပွန်အောင် ထမ်းဆောင်နိုင်ကြလေသည်၊၊

သားသန္ဓေကိုဝမ်းတွင် ထားရချိန်နှင့်မွေးဖွားရချိန်တွင် မိခင်၏ခန္ဓာဗေဒဆိုင်ရာပျက်စီးမှုများစွာရှိသည် ကိုအသိအမှတ်ပြုမိသည့် သားသမီးအလွန်နည်းပါးလှပါသည်၊၊ ထို့ကြောင့် သားသမီးမမွေးဖွားရသည့် အပျိုကြီးများနှင့် သားသမီးများစွာမွေးဖွားရသည့် မိခင်များအရွယ်တင်ပုံခြင်း ကွာခြားခြင်းဖြစ်ပါသည်၊၊

မိဘတို့သည် ရင်သွေးရရှိပြီးလျင် သူတို့ဘ၀အတွက်ဟူ၍ မည်သည့်အရာကိုမျှသိမ်းပိုက်မှုမရှိကြ တော့ဘဲ သားသမီးများအတွက်သာ ဘ၀ကိုမြှုပ်နှံလိုက်ကြတော့သည်ကို တွေ့ပါသည်၊၊ ထိုကဲ့သို့ပင် ဘ၀ကိုစတေး၍ ရင်သွေးများကိုပြုစုပျိုးထောင်သူများဖြစ်သောကြောင့် “ကျေးဇူးဆပ်မကုန်သူများ”စာ ရင်းတွင်ပါဝင်ရခြင်း ဖြစ်ပါသည်၊၊

ဗုဒ္ဓဘာသာစာပေနှင့် သင်ပြချက်များအရလေ့လာသုံးသပ်လျင် သာမန်လူများကိုမဆိုထားဘိ၊ မိဘ ကျေးဇူးကိုမြတ်စွာဘုရားရှင်သော်မှ ကျေပွန်အောင်ဆပ်မသွားနိုင်ဟူ၍ နောက်ပိုင်းသီဟိုဠ်ခေတ်များ တွင်ရေးသားသည့် ပါဠိစာပေကျမ်းများတွင် ဖော်ပြထားပါသည်၊၊

မိဘများကို ပါဠိစာပေတွင် “လက်ဦးဆရာများ”ဟူ၍၄င်း၊ “ဗြဟ္မာကြီးများ”ဟူ၍၄င်း အထူးဂုဏ်ပြုခေါ်ဆို ထားသည်ကို လေ့လာရပါသည်၊၊ လက်ဦးဆရာဟူသည်မှာ မိဘတို့သည်သားသမီးတို့အား အဦးဆုံး လူ့ဘ၀အခြေခံပညာရပ်များကို သင်ပေးသောကြောင့်ဖြစ်ပါသည်၊၊

ဗြဟ္မာကြီးများဟူသည် မှာ မိဘတို့သည်သားသမီးများနှင့်ပတ်သက်လျင် “ဗြဟ္မ၀ိဟာရတရားလေးမျိုး” ကို ကျင့်သုံးလေ့ရှိသောကြောင့် ဖြစ်ပါသည်၊၊ ဗြဟ္မ၀ိဟာရတရားလေးမျိုးဟူသည်မှာ---

(၁) မေတ္တာ၊

(၂) ကရုဏာ၊

(၃) မုဒိတာ၊

(၄) ဥပေက္ခာတို့ဖြစ်ကြပါသည်၊၊

ချစ်ခြင်း၊ စောင့်ရှောက်ခြင်း၊ အကျိုးလိုလားခြင်း၊ အကျိုးပြုခြင်းများကို “မေတ္တာ”ဟုခေါ်ပါသည်၊၊ မိဘတို့သည် သားသမီးများအပေါ်တွင် မေတ္တာစိတ်မည်မျှကြီးမားသည်ကို လက်တွေ့ဘ၀များတွင်၎င်း၊ စာပေများတွင်လည်း သာဓကများစွာတို့ဖြင့်ဖော်ပြထားပါသည်၊၊

သုဒ္ဓေါဓနမင်းကြီးသည် သားတော်ဖြစ်သည့် မြတ်စွာဘုရားရှင်ကို“သားတော်ဘုရားရှင် မိဘတို့၏ သား သမီးများကိုချစ်သည့်စိတ်သည် အရေထူ၊ အရေပါး၊ အသား၊ အကျော၊ အရိုးတို့ကိုဖောက်ထွင်းပြီး ရိုးတွင်းချင်ဆီကိုစွဲ၍ တည်ရှိပါသည်”ဟု လျောက်တင်ခဲ့ဖူးပါသည်၊၊

သနားခြင်း၊ ယုယခြင်း၊ ကြင်နာခြင်းများကို “ကရုဏာ”ဟုခေါ်ပါသည်၊၊ သားသမီးများ၏အလေးအပေါ့ များများကို ရွံရှာခြင်းမရှိဘဲပြုစုနိုင်ခြင်းမှာ ကရုဏာကြောင့်ဖြစ်ပါသည်၊၊ မိဘများ အိုမင်းမစွမ်းရှိသော အခါသားသမီးများမှ အလေးအပေါ့မနိုင်တော့၍ ချောင်ထိုးထားပြီးရွံရှာကြသည်ကို တွေ့ရပါသည်၊၊

အမေတို့၏ပါးစပ်တွင်းသို့ သားသမီးတိုင်း၏အလေးအပေါ့ မစင်ဘူးသူဟူ၍မရှိကြောင်း သိရပါသည်၊၊ မိဘတို့သည် သားသမီးတို့၏အလေးအပေါ့ကို မရွံရုံမျှမကအရသာကို စူးစမ်း၍ပင်ကြည့်ပြီး၊ လိုအပ် သည့်ဆေးဝါးများကို သားငယ်သမီးငယ်များကို တိုက်ကျွေးလေ့ရှိပါသည်၊၊

သားသမီးများ၏တိုးတက်မှုကို ၀မ်းမြောက်ခြင်း၊ ကျေနပ်အားရခြင်းများကို “မုဒိတာ”ဟုခေါ်ပါသည်၊၊ မှန်ပါသည်၊၊ တချို့မိဘများသည် ကိုယ်တိုင်စာမတတ်ကြပါ၊ သားသမီးများကိုမူ ပညာတတ်အောင် သင်ပေးကြလေသည်၊၊

ပညာစုံသောအခါ အလုပ်ကောင်းများဖြင့် သားသမီးအချို့သည်မိဘများထက် ချမ်းသာကြွယ်ဝတတ် ကြပါသည်၊၊ အိမ်ထောင်ကျကောင်းလျင် ပိုမိုချမ်းသာကြရပါသည်၊၊ မိဘများသည် သားသမီး၏ချမ်း သာမှုကို မည်သည့်အခါတွင်မှမနာလိုသည်မရှိဘဲ ကျေနပ်အားရကြသည်ချည်းသာ ဖြစ်ပါသည်၊၊

ချစ်ခြင်းမေတ္တာကြီးမားသည့်တိုင် သားသမီးတို့၏စီးပွားဥစ္စာများနှင့်၊ ခွဲခွါမှုဒဏ်ကိုသည်းခံနိုင်ခြင်းကို “ဥပေက္ခာ”ဟု ခေါ်ပါသည်၊၊ ဤနေရာတွင်အချို့က “လျစ်လျူရှုခြင်းကို-ဥပေက္ခာ”ဟု ပြောလေ့ရှိကြပါ သည်၊၊

သဘာဝယုတ္တိဖြင့် လေ့လာကြည့်လျင်မိဘတို့သည် သားသမီးများကိုမည့်သည့်အချိန်တွင်မှ လျစ် လျူရှုလေ့မရှိဘဲ သားသမီးတို့၏ပိုင်ဆိုင်မှုကို လိုလားတပ်မက်ခြင်းမှဝေးခြင်းကိုသာ မိဘတို့၏ဥပေက္ခာ သဘောတရားဟူ၍ မှတ်သားသင့်ပါသည်၊၊

ထို့ထက်ပို၍ မိဘများသည် သားသမီးတို့၏ကိုယ်ရေးကိုယ်တာကိစ္စများကို ၀င်ရောက်စွတ်ဖက်မှု မရှိခြင်းများနှင့်၊ သားသမီးများကို လွပ်လပ်စွာဆုံးဖြတ်ပိုင်ခွင့်ပေးခြင်းများကိုလည်း မိဘတို့၏ဥပေက္ခာ သဘောတရားများဟူ၍ မှတ်သားနိုင်ပါသည်၊၊

ဗြဟ္မ၀ိဟာရတရားလေးမျိုးသည် နာမည်အားဖြင့်သီးခြားစီဖြစ်သော်လည်း တစ်မျိုး၏အထဲတွင် အခြား တစ်မျိုး၏ အနှစ်သာရနှင့်သဘောတရားများပါဝင်ပြီးဖြစ်၍၊ ခွဲခြားမရကောင်းသော မိဘတို့၏သား သမီးများအပေါ်ထားရှိသည့် စိတ်ဓာတ်အခြေခံစွမ်းရည်များဖြစ်ကြောင်း မှတ်သားရပါမည်၊၊

ဤတရားလေးမျိုးသည် ဘာသာအယူအဆမတူသည်ဖြစ်စေ တူသည်ဖြစ်စေ မိဘတိုင်းတွင်ရှိကြပါ သည်၊၊ ချွင်းချက်အားဖြင့် သားသမီးကိုစွန့်ပြစ်သည့်မိဘအချို့နှင့် သားသမီးနှင့်အဆင်မပြေသည့် မိဘအချို့လည်းရှိတတ်ပါသေးသည်၊၊ ထိုသို့ဖြစ်ရခြင်းမှာ မိမိ၏ဘ၀ကံကြမ္မာ မကောင်းခဲ့ခြင်းကြောင့် သာ ဖြစ်ရပါသည်၊၊

ထိုသို့ဖြစ်ရခြင်းအပေါ်တွင် မိဘအပေါ်စော်ကားမိသူများနှင့် ကျေးဇူးမဲ့ကိုပြုမိသူများသည် ဘ၀အ ဆက်ဆက် ဆိုးသည်ထက်ဆိုးသည့် မိသားစုပတ်ဝန်းကျင်နှင့်သာ တွေ့ရတတ်သောကြောင့် မိဘများ အပေါ် သားသမီးများအနေဖြင့် ကျေသင့်သည့်တာဝန်ကိုကျေပွန်စေရန် ကြိုးစားသင့်လှပါသည်၊၊

“မိဘများသည် သားသမီးတို့အိမ်တွင် အမြဲတန်းဧည့်သည်ဖြစ်ခွင့်ရှိသူများ ဖြစ်ကြပါသည်၊၊ သားသမီး များအနေဖြင့် မိဘများမိမိတို့အိမ်သို့ လာရောက်ခဲ့သော်လက်မခံခဲ့လျင် သားသမီးတာဝန်ပျက်ကွက် ခြင်းသာဖြစ်ပါသည်၊၊”

“ပရာဘ၀သုတ်”တွင် “သားသမီးများသည် စီးပွားပြည့်စုံနေပါလျက် အရွယ်လွန်ပြီးသည့်မိဘများကို ထောက်ပံ့မှုပျက်ကွက်ခဲ့လျင် ဘ၀နှင့်သံသရာကျရှုံးခြင်း၏အကြောင်း ဖြစ်သည်”ဟု မြတ်စွာဘုရားရှင် ညွန်ပြ ထားပါသည်၊၊

“မိဘကိုပြုစုမှုမရှိဘဲ စွန့်ပြစ်သည့်သားသမီးများသည် လက်ရှိဘ၀တွင်အများကဲ့ရဲ့ခြင်းကို ခံရတတ်ပြီး၊၊ အကုသိုလ်ပွားများလျက်ရှိသည်၊၊ သေလွန်သော် အပါယ်ငရဲသို့ကျရသည်”ဟုပါဠိတော်တွင် ဖော်ပြ ထားပါသည်၊၊ ဆန့်ကျင်ဘက်အားဖြင့် “မိဘများကို ပြုစုလုပ်ကျွေး သည့်သားသမီးသည်ကို ပညာရှိသူ၊ သူတော်ကောင်း”ဟုခေါ်ကြောင်း ဖော်ပြထားပါသည်၊၊

မင်္ဂလသုတ်တွင် “မိဘကိုလုပ်ကျွေးပြုစုခြင်းသည် မင်္ဂလာတစ်မျိုးဖြစ်သည်”ဟု ဆိုပါသည်၊၊ “သားသမီး သည် တိုးတက်လာသောစီးပွားရေးဖြင့် မိဘကိုနှစ်သက်စေ၏၊ ပြုစုလုပ်ကျွေး၏၊ ထိုစီးပွားဥစ္စာကို ရန် သူမျိုးငါးပါးတို့ကမဖြက်ဆီးနိုင်ဘဲ ထာဝရတည်တန့်သည်”ဟု အခြားသောပါဠိတော်တနေရာတွင် ဖော် ပြထားပါသည်၊၊

သိင်္ဂါလောဝါဒသုတ်တွင် “မိဘတာဝန်”နှင့်“သားသမီးတာဝန်”များကိုလည်း မြတ်စွာဘုရားရှင်သည် တိ ကျစွာ လမ်းညွန်ထားပါသည်၊၊ မိဘများနှင့် သားသမီးများတို့သည် မြတ်စွာဘုရားရှင်ညွန်ပြတော်မူ သည့်တာဝန်များကိုကျေပွန်ကြလျင် မိဘနှင့်သားသမီး ချစ်မငြီးဘဲပျော်ရွှင်ဖွယ် သားသမီးနှင့်မိဘ ဆက်ဆံရေးကိုရရှိမည် ဖြစ်ပါသည်၊၊

မိသားစုတစ်စုတွင် မိဘနှစ်ဦးတို့သည် သားသမီး(၁၀)ခန့်ကို ပြုစုပျိုးထောင်နိုင်ကြသော်လည်း မိဘ နှစ်ဦးကို သားသမီး(၁၀)ဦးတို့မှ ၀မ်းဝအောင်မကျွေးမွေးနိုင်သဖြင့် မိဘအချို့လမ်းဘေးရောက်ရသည် ကို အရှင်ကိုယ်တိုင်တွေ့ရဘူးပါသည်၊ သားသမီးများအနေဖြင့် သတိပြုသင့်လှပါသည်၊၊

အရှင်“ဦးထွန်းလင်ခြံလမ်းရှိ ကျေးဇူးရှင်‘ဆရာကြီးဦးမြကြိုင်’၏ အင်္ဂလိပ်သင်တန်း”တွင် တက်နေစဉ်က ဖြစ်ပါသည်၊၊ သင်တန်းနှင့် ကိုက်တစ်ရာခန့်လမ်းဘေးတွင် နေ့စဉ်အဘွားအိုတစ်ဦး မြေနှင့်ဦးခေါင်းကို ထိထားပြီး တနေကုန်ပိုက်ဆံတောင်းနေသည်ကို တွေ့ရသည်၊၊

ဆရာကြီးမှ မိဘကျေးဇူးနှင့်ဆက်စပ်ပြီး သင်တန်းပို့ချရင်းပြောဆိုနေရာမှ အဘွားအိုအကြောင်းကို ပြောပြပါသည်၊၊ နံနက်မိုးမလင်းခင်တွင် ကားတစ်စီးနှင့်သမီးဖြစ်သူမှမိခင်အိုကြီးကို လမ်းဘေးတွင် ခွက်တစ်လုံးနှင့်ချထားခဲ့ပြီး ညနေမိုးချုပ်မှပြန်လာခေါ်သည်ဟု ပြောပြပါသည်၊၊

ထိုအကြောင်းကို သင်တန်းတက်သည့်ကျောင်းသားများ သိသွားကြသည်ကိုသိသောအခါတွင် အဘွား အိုကို ကျောင်းအနီးသို့လာမချတော့ဘဲ အခြားနေရာတွင်ချထားပြီး တောင်းစေပါသည်၊၊ ဤသည်မှာ အရှင်ကိုယ်တိုင်တွေ့ခဲ့ရသည့် ဖြစ်စဉ်လေးဖြစ်ပါသည်၊၊

နေ့စဉ်ဘ၀တွင် မိဘနှင့်သားသမီးအဆင်မပြေမှုများစွာကိုလည်း တွေ့ရပါသေးသည်၊၊ ထိုသို့ဖြစ်ရခြင်း မှာမိဘအချို့သည် ဗြဟ္မ၀ိဟာရတရားလေးမျိုးမှ “ဥပေက္ခာစွမ်းရည်”မရှိမှုကြောင့်ဖြစ်ရပြီး၊ အသားသမီး များဘက်မှမူလေးမျိုးလုံးကို သတိမမူသောကြောင့်ဖြစ်ရကြောင်း သုံးသပ်မိပါသည်၊၊

ဆိုလိုသည်မှာ မိဘများအနေဖြင့် သားသမီးများအသက်(၂၅)ကျော်ပြီးလျင် ကိုယ်ပိုင်ဆုံးဖြတ်ခွင့်ကို ပေးရမည်ဖြစ်ပါသည်၊၊ အများအားဖြင့် မိဘများသည်သားသမီးတို့၏ အိမ်ထောင်ရေးကိုဝင်ရောက်စွပ် ဖက်လေ့ရှိကြပြီး၊

မိဘနှင့်သမီးအကြားပြဿနာများဖြစ်ပေါ်လာရခြင်း ဖြစ်ပါသည်၊၊

ပညာရေးနှင့် အလုပ်အကိုင်ရွေးချယ်ရာတွင်လည်း သားသမီးများ၏ ၀ါသနာနှင့်သီးခြားစီဖြစ်သော အလုပ်အကိုင်နှင့် ပညာရေးလမ်းကြောင်းများကို အတင်းအကြပ်စီစဉ်ပေးကြရာမှ မလိုအပ်သည့်မိဘ နှင့် သားသမီးပြဿနာများဖြစ်ပေါ်လေ့ရှိကြပါသည်၊၊

လူဟူသည် ကံအလျောက်လူ့ဘ၀ဟူသည်ကို ရရှိလာကြခြင်းဖြစ်ပါသည်၊၊ သားသမီးတို့အပေါ် ဗြဟ္မ၀ိ ဟာရတရားလေးမျိုးထားနိုင်လျင်ပင် မိဘတို့၏တာဝန်ကျေပွန်ပြီဖြစ်ပါသည်၊၊ အိမ်ထောင်ရေးစသည် များကို ပူပန်စိုးရိမ်ပြီးစီမံပေးခြင်းကိုမိဘများအနေဖြင့် သတိပြုသင့်လှပါသည်၊၊

“ဗြဟ္မ၀ိဟာရတရားလေးမျိုးကို စာပေတွင်မိဘများကျင့်ရသည်”ဟုသာ ဖော်ပြထားသောကြောင့် သား သမီးများသည် အမှုမဲ့အမှတ်မဲ့သာနေလေ့ရှိကြပါသည်၊၊ မိဘနှင့်သားသမီးကြားမှ ပြဿနာအချို့ သည် ဗြဟ္မ၀ိဟာရတရားလေးမျိုးကို သားသမီးများမကျင့်သုံးသောကြောင့်ဖြစ်ပေါ်လာရသည်ကို သတိပြုမိ သူ အလွန်နည်းပါသည်၊၊

မှန်ပါသည်၊၊ မိဘများသည်လည်း သာမန်လူများသာဖြစ်ကြ၍ သားသမီးများနည်းတူ အခွင့်အရေးရ သင့်ပါသည်၊၊ ဆိုလိုသည်မှာ သားသမီးများအနေဖြင့် မိဘများကိုနေရာတိုင်းတွင် ချုပ်ချယ်ရန်မသင့်ပါ၊၊ ဥပမာအားဖြင့် မိခင်သေဆုံးသဖြင့် ဖခင်များအိမ်ထောင်သစ်ပြုခြင်းနှင့်၊ ဖခင်သေဆုံးသဖြင့် မိခင်များ အိမ်ထောင်သစ်ပြုခဲ့လျင် လက်ခံရမည်ဖြစ်ပါသည်၊၊

အခြားသော မိဘများရသင့်သည့် နေ့စဉ်ဘ၀လွတ်လပ်ခွင့် အခွင့်အရေးများစွာလည်း ရှိပါသေးသည်၊၊ မိဘများသည် သားသမီးများနည်းတူ ပုထုဇဉ်များသာဖြစ်သည်ကို သတိပြုရပါမည်၊၊ လောကီရေး ရာပျော်ရွှင်မှုများနှင့် လူသားဆန်သည့်အပြုအမူများမိဘများပြုမူခဲ့သော် သားသမီးများမှ နားလည်ပေး ရမည် ဖြစ်ပါသည်၊၊

ဤသည်မှာ ဗြဟ္မ၀ိဟာရတရားလေးမျိုးမှ ဥပေက္ခာတရားကို သားသမီးများမှမိဘများအပေါ် ကျင့်သုံး ခြင်းဖြစ်ပါသည်၊၊ ဗြဟ္မ၀ိဟာရတရားလေးမျိုးကို ဆွေးနွေးခဲ့တင်ပြခဲ့သည့်အတိုင်း မိဘများတွင်မက သားသမီးများပါကျင့်သုံးလိုက်နာကြလျင် မိဘသားသမီး ပြဿနာမီးများမပွားတော့ဘဲ ပျော်ရွှင်ဖွယ် ဆက်ဆံရေးကို ရရှိမည်ဖြစ်ပါသည်၊၊

မိဘကျေးဇူးကို ဆပ်ပုံနှင့်ဆက်စပ်၍ ပါဠိတော်နေရာများစွာတွင် ဖော်ပြထားပါသည်၊၊ မိဘကျေးဇူးများ ကို လောကီနည်းဖြင့်မည်မျှကျေပွန်စေရန်ကြိုးပမ်းစေကာမူ မကျေနိုင်ဟူ၍ဖော်ပြထားပြီး၊ တရားဓမ္မ နည်းအားဖြင့်သာ ကျေပွန်စေနိုင်သည်ဟု ဖော်ပြထားပါသည်၊၊

မိဘများတွင် “သဒ္ဓါ သီလ ပညာစသည့် သူတော်ကောင်းတရား”များနည်းနေသေးလျင် ပြည့်ဝစေရန် ကျိုးစားပေးခြင်းနှင့်၊ ပြည့်ဝပြီးသည့်မိဘများဖြစ်လျင် ပိုမို၍သူတော်ကောင်းတရား တည်တန့်စေရန် အထောက်အပံ့ပြုပေးခြင်းဖြင့်သာ မိဘများ၏ကျေးဇူးကို ဆပ်နိုင်သည်ဟုဆို ညွန်ပြထားပါသည်၊၊

မြတ်စွာဘုရားရှင်သည် တာဝတိံသာနတ်ပြည်သို့တက်၍ မယ်တော်မာယာနတ်သားကို ပိဋကတ်သုံး ပုံမှ တစ်ပုံဖြစ်သည့်အဘိဓမ္မာပိဋကတ်ကို ဟောပြော၍ကျေးဇူးဆပ်တော်မူသည်ကို တွေ့ရပါသည်၊၊

ခမည်းတော်ဖြစ်သည့် သုဒ္ဓေါဓနမင်းကြီးကိုလည်း အနာဂါမ်တည်သည်အထိ တရားတော်များဟော ပြော၍ မိဘကျေးဇူးဆပ်တော်မူသည်ကို စာရှုသူတို့အတုယူသင့်လှပါသည်၊၊

ဤတွင် မိဘကျေးဇူးစာတမ်း အတိုင်းအတာတစ်ခုမျှပြီးပြည့်စုံပြီဟု ယူဆပါသည်၊၊ “အလင်းစက်စာပေ မြတ်နိုးသူများ” မိဘကျေးဇူးကိုသိတတ်ပြီး ကျေပွန်စွာဆပ်နိုင်စွမ်းရှိကြသည့် လူလိမ္မာ၊ အနာဂတ်၏ အဖိုးတန်၊ လူ့ယဉ်ကျေးများဖြစ်ကြပါစေကြောင်း ဆန္ဒပြုလျက်စာတမ်းကို အဆုံးသတ်အပ်ပါသည်၊၊ ၊၊

အရှင်ကေ၀လ(အလင်းစက်)

{မဟာဝိဇ္ဇာ-သီရိလင်္ကာ}

မကုဋာရာမမြန်မာကျောင်းတိုက်၊

ကိုလံဘိုမြို့၊ သီရိလင်္ကာနိုင်ငံ၊၊

(မှတ်ချက်/စာတမ်းထဲတွင် ကိုးကားခဲ့သည့်ပါဠိတော်မှစားသားများကို ပါဠိစာပေလေ့လာလိုသူများ အတွက် တင်ပြပေးအပ်ပါသည်၊၊)

(1) ဗြဟ္မာတိ မာတာပိတရော၊ ပုဗ္ဗစရိယာတိ ၀ုစ္စရေ၊၊

အာဟုနေယျာစ ပုတ္တာနံ၊ ပဇာယ အနုကမ္ပကာ၊၊ (အံ-၃၊ သဗြဟ္မကသုတ်)

(2) သပ္ပုရိသော စ ခေါ မဟာရာဇ ဥဠာရေ ဘောဂေ လဘိတွာ မာတာပိတရော သုခေတိ ပီဏေတိ၊၊ တဿ တေ ဘောဂေ ဧ၀ံ သမ္မာပရိဘုဉ္ဇိယမာနေ နေ၀ ရာဇာနော ဟရန္တိ၊ န စောရာ ဟရန္တိ၊ န အဂ္ဂိ ဟရန္တိ၊ န ဥဒကံ ၀ဟတိ၊ န အပ္ပိယာ ဒါယာဒါ ဟရန္တိ။ ဧ၀ံသ တေ ဘောဂါ ပရိဘုဉ္ဇိယမာနာ ပရိဘောဂံ ဂစ္ဆန္တိ၊ နော ပရိက္ခယံ၊၊ (သဂါထာဝဂ္ဂပါဠိ၊ ပ-အပုတ္တကသုတ်)

(3) မာတရိ ပိတရိ စာပိ ၊ ယော မိစ္ဆာ ပဋိပဇ္ဇတိ။
ဗဟုဉ္စ သော ပသ၀တိ၊ အပုညံ တာဒိသော နရော။
တာယ အဓမ္မစရိယာယ၊ မာတာပိတူသု ပဏ္ဍိတာ။
ဣဒေ၀ နံ ဂရဟန္တိ၊ ပစ္ဆာပါယဉ္စ ဂစ္ဆတိ။ (အံ-၄၊ ဒုခတသုတ်)

(4) မာတာပိတူနံ ဥပဋ္ဌာနံ ပဏ္ဍိတပညတ္တံ သပ္ပုရိသပညတ္တံ။ (အံ-၃)

(5) ပဉ္စဟိ ဌာနေဟိ ပုတ္တေန ပုရတ္ထိမာ ဒိသာ မာတာပိတရော ပစ္စုပဋ္ဌာတဗ္ဗော။ဘတော နေသံ ဘရိဿာမိ၊
ကိစ္စွံ နေသံ ကရိဿာမိ၊
ကုလ၀ံသံ ဌပေဿာမိ၊
ဒါယဇ္ဇံ ပဋိပဇ္ဇာမိ၊
ပေတာနံ ကာလင်္ကတာနံ ဒက္ဒိဏံ အနုပ္ပဒဿာမိ၊ (အံ-၅)

(6) ပဉ္စဟိ ဌာနေဟိ ပုတ္တေန ပုရတ္ထိမာ ဒိသာ မာတာပိတရော ပစ္စုပဋ္ဌိတာ ပဉ္စဟိ ဌာနေဟိ ပုတ္တံ အနုကမ္ပန္တိ။ ပါပါ နိဝါရေန္တိ၊
ကလျာဏေ နိဝေသေန္တိ၊
သိပ္ပံ သိက္ခာပေန္တိ၊
ပတိရူပေန ဒါရေန သံယောဇေန္တိ၊
သမယေ ဒါယဇ္ဇံ နိယာဒေန္တိ။ (အံ-၅)

(7) ဗြဟ္မာတိ မာတာပိတူနံ ဧတံ အဓိဝစနံ။
ပုဗ္ဗာစရိယာတိ မာတာပိတူနံ ဧတံ အဓိဝစနံ။ (မူပံ-အဋ္ဌကထာ)

အပြည့်အစုံသို့....

Thursday, October 25, 2012

သီရိလင်္ကာနိုင်ငံမှ ဗုဒ္ဓဘာသာစာအုပ်တိုက်ကြီးများ၊၊ ၊၊

“စာအုပ်တိုက်ကောင်းတစ်ခုသည် စာသင်ကျောင်းတစ်ခုနှင့်လည်းကောင်း၊ တက္ကသိုလ်တစ်ခုနှင့် လည်းကောင်း၊ စာကြည့်တိုက်တစ်ခုနှင့်လည်းကောင်း အလားတူပင်တန်ဖိုးရှိသည်၊၊”ဟု အင်္ဂလိပ်ဆိုရိုး တစ်ခုတွင် မှတ်သားရဖူးပါသည်၊၊

ထေရ၀ါဒငါးနိုင်ငံတွင် သီရိလင်္ကာနိုင်ငံသည် အထင်ရှားဆုံးနိုင်ငံဖြစ်ပါသည်၊၊ အကြောင်းမှာဗုဒ္ဓဘာ သာ၏ ပါဠိတော်၊ အဌကထာနှင့်၊ ဋီကာကျမ်းစာများကို ကမ္ဘာသုံးအင်္ဂလိပ်ဘာသာသို့ပြန်ဆိုကြပြီး ကမ္ဘာသို့ဖြန့်ဝေလျက်ရှိသော စာအုပ်တိုက်ကြီးများတည်ရှိနေသောကြောင့် ဖြစ်ပါသည်၊၊

အခြားအကြောင်းတစ်ခုဖြစ်သည့် သီရိလင်္ကာနိုင်ငံ၏ ထေရ၀ါဒနိုင်ငံများအတွင်းထင်ရှားရခြင်းမှာ သီရိလင်္ကာပါဠိပညာရှင်တို့သည် ထေရ၀ါဒကျမ်းစာများမှအယူအဆများကို ဒဿနိကဗေဒ၊ ယုတ္တိဗေဒ၊ သိပ္ပံဆိုင်ရာအယူအဆများနှင့် နှိုင်းယှဉ်လေ့လာမှုသုတေသနအားကောင်းသောကြောင့်လည်း ဖြစ်ပါသည်၊၊

ထေရ၀ါဒဗုဒ္ဓဘာသာစစ်စစ်ကို ကိုးကွယ်သည့်နိုင်ငံငါးခုရှိသည်တွင် သီရိလင်္ကာနိုင်ငံသည် မြတ်စွာဘု ရားရှင် သက်တော်ထင်ရှားရှိစဉ်ကဟောပြော သင်ပြထားခဲ့သည့်ပိဋကတ်သုံးပုံကိုအဖွင့် အဌကထာ နှင့်ဋီကာကျမ်းများရေးသား၍ ခက်ခဲသည့်ဟောပြောသင်ပြမှုများကို မျက်မှောက်ခေတ်လူတို့နားလည် အောင်ကျိုးပမ်းခဲ့ကြခြင်းနှင့်၊ ယ္ခနေ့ခေတွင်လည်း ပါဠိတော်၊ အဌကထာနှင့်ဋီကာကျမ်းများကို အင်္ဂလိပ် ဘာသာသို့ပြန်ဆို၍ ကမ္ဘာသို့ဖြန့်ဝေခဲ့သောကြောင့် အထူးထင်ရှားနေပါသည်၊၊

အခြားသော ထေရ၀ါဒဗုဒ္ဓဘာသာထွန်းကားသည့်နိုင်ငံများရှိသော်လည်း သီရိလင်္ကာနိုင်ငံ၏ဗုဒ္ဓစာပေ ဆိုင်ရာရှေ့တန်းရောက်မှုကို များစွာအမှီလိုက်နိုင်ရန်ဝေးကွာနေသေးသည်ကို တွေ့ရပါသည်၊၊ စာပေ လေ့လာမှုများနှင့်ဆက်စပ်၍သုံးသပ်လျင်လည်း အခြားသောထေရ၀ါဒနိုင်ငံများသည် သီရိလင်္ကာနိုင် ငံမှ ရေးသားထုပ်ဝေထားသည့် ပါဠိစာပေအဖွင့်အဌကထာနှင့်ဋီကာကျမ်းများကိုပင် စာမေးပွဲများကျဉ်း ပ၍သင်ကြားနေရသည်ကို တွေ့ရသည်၊၊

ထေရ၀ါဒဗုဒ္ဓဘာသာနိုင်ငံခြင်း ပညာသင်လာရောက်ကြရာတွင်လည်း ယနေ့ခေတ်တွင် အခြားထေရ ၀ါဒနိုင်ငံအများမှ ရဟန်းသံဃာတော်ရာပေါင်းများစွာတို့ သီရိလင်္ကာနိုင်ငံသို့လာရောက်၍ ပညာဆည်း ပူးနေကြရသည်ကိုတွေ့ရသောကြောင့် သီရိလင်္ကာနိုင်ငံ၏ဗုဒ္ဓစာပေဆိုင်ရာရှေ့တန်းရောက်မှုကို သိသာ စေပါသည်၊၊

ထိုကဲ့သို့ သီရိလင်္ကာနိုင်၏ဗုဒ္ဓစာပေတိုးတက်ရခြင်းမှာ စံချိန်မှီသည့်စာအုပ်ဖြန့်ချီရေးတိုက်ကြီးများနှင့် အရောင်းဆိုင်များရှိနေသောကြောင့် ဖြစ်ပါသည်၊၊ သီရိလင်္ကာနိုင်ငံတွင် ပါဠိစာပေများကိုအင်္ဂလိပ် ဘာသာပြန်၍၄င်း၊ ဗုဒ္ဓဘာသာအတွေးအခေါ်အယူအဆနှင့်၊ ထုံးတမ်းစဉ်လာများအကြောင်းကို အင်္ဂ လိပ်ဘာသာဖြင့် ထုတ်ဝေဖြန့်ဖြူးသောစာအုပ်တိုက်ကြီးများစွာပင် ရှိပါသည်၊၊

ထိုအထဲမှ“BPS”ဟုအတိုကောက်ခေါ်တွင်သော“Buddhist Publication Society,Kandy”နှင့် “BCC” ဟုခေါ်တွင်သော“Buddhist Cultural Center,Colombo”စာအုပ်တိုက်ကြီးနှစ်တိုက်၏အကြောင်းကို လင်္ကာတမန်မဂ္ဂဇင်းစာဖတ်ပရိသတ်သို့ တင်ပြအပ်ပါသည်၊၊

“BPS”စာအုပ်တိုက်ကြီးကို(1958)တွင် စတင်၍တည်ထောင်ခဲ့ပါသည်၊၊ စာအုပ်တိုက်ကြီးသည် စတင် ၍တည်ထောင်သည်မှ နှစ်ငါးဆယ်အတွင်း စာအုပ်အမျိုးအစားပေါင်း တစ်ရာကျော်မျှထုပ်ဝေခဲ့ပြီး၊ နိုင်ငံ ပေါင်း(၉၀)ကျော်သို့ဖြန့်ဝေခဲ့ပါသည်၊၊

ယနေ့အချိန်တွင် BPSစာအုပ်တိုက်ကြီးသည် ကမ္ဘာ့ဗုဒ္ဓဘာသာစာအုပ်တိုက်ကြီးများအထဲတွင် အဓိက ကျသည့် စာအုပ်တိုက်ကြီးတစ်ခုဖြစ်ပါသည်၊၊ စာအုပ်တိုက်ကြီးပေါ်ပေါက်လာရပုံမှာ အလွန်ပင်ရိုးစင်း ပါသည်၊၊

(1957)ခုနှစ်တွင်၊ သီရိလင်္ကာနိုင်ငံ၏ဒုတိယမြို့တော်ဖြစ်သည့်ကန္ဒီမြို့မှ Mr.A.S.Karunaratnaဆို သူသည် ဆွေမျိုးတစ်ဦး၏အထိမ်းအမှတ် ဗုဒ္ဓဘာသာတရားစာအုပ်ငယ်တစ်အုပ်ကို အင်္ဂလိပ်ဘာသာ ဖြင့်ရေးသားပြီး ဝေငှလေသည်၊၊

ထိုအချိန်မှစတင်ပြီး ‘ကရုဏာရတန’သည် ဗုဒ္ဓဘာသာတရားတော်များကို အင်္ဂလိပ်ဘာသာဖြင့်စာအုပ် များရိုက်နှိပ်၍ဖြန့်ဝေရလျင်ကောင်းမည်ဟု အကြံဖြစ်ပေါ်ခဲ့သည်၊၊ သူ၏အကြံကိုသူငယ်ချင်းဖြစ်သူ Mr. Richard Abeyasekera နှင့် Ven.Nyanaponika Thera တို့အားတိုင်ပင်သောအခါ သဘောတူကြသ ဖြင့်“BPS”စာအုပ်တိုက်ငယ်လေးကို တည်ထောင်လိုက်ကြလေသည်၊၊

အဖွဲ့ဝင်သုံးဦးသာရှိသေးသောစာအုပ်တိုက်တွင် ဂျာမန်-ရဟန်းတော်ညာဏပုန္နိကသည် အတွင်းရေး မှူး၊ အဘယဆေကေရသည် ဒုတိယအတွင်းရေးမှူးအဖြစ်နှင့်၊ ကရုဏာရတနသည် ဘဏ္ဍာရေးမှူးအ ဖြစ်ဆောင်ရွက်ပြီး (1958)နှစ်၊ ဇန္န၀ါရီလတွင် အဖွဲ့ကိုစတင်ဖွဲ့စည်းခဲ့ပါသည်၊၊

“BPS”စာအုပ်တိုက်ကိုစတင်တည်ထောင်စဉ်က ထေရ၀ါဒဗုဒ္ဓဘာသာစာပေကျမ်းစာများကိုသာ အင်္ဂ လိပ်ဘာသာပြန်ဆို၍ ဖြန့်ဝေရန်ရည်ရွယ်ခဲ့သော်လည်း တိုးတက်မှုအရှိန်အဟုန်မြင့်မားလာသောစာ အုပ်တိုက်ကြီးသည် မဟာယာနဗုဒ္ဓစာပေကျမ်းစာအုပ်များ၊ သက္ကတစာပေကျမ်းစာများအပြင် အခြား သောနိုင်ငံတကာအတွေးအခေါ်စာအုပ်များအထိပင် ဖြန့်ဖြူးရောင်းချသည့်စာအုပ်တိုက်ကြီး အဆင့်သို့ ရောက်ရှိလာခဲ့ပါသည်၊၊

BPSစာအုပ်တိုက်ကြီးသည် စာအုပ်ဖြန့်ဝေရုံမျှမကဘဲ ရှားပါးသည်ဗုဒ္ဓစာပေကျမ်းစာများကို တည်းဖြတ် သုတ်သင်ခြင်းလုပ်ငန်းများ၊ ပါဠိတော်၊အဌကထာနှင့် ဋီကာကျမ်းများကို အင်္ဂလိပ်ဘာသာသို့ပြန်ဆိုခြင်း လုပ်ငန်းများကိုလည်း ပညာရှင်အဖွဲ့ကြီးများဖွဲ့စည်း၍ လုပ်ဆောင်ပါသည်၊၊

ဗုဒ္ဓဘာသာစာပေအတွက်ထူးခြားသည့် စာပေမှတ်တိုင်ကြီးများအဖြစ် စာအုပ်တိုက်ကြီးမှဖြန့်ဖြူးထုပ် ဝေခဲ့သည့် ကျမ်းစာများမှာ--

=The Buddha and His Teachings=Bhikkhu Narada thera

=The Buddhist Ancient Path=Ven Piyadassi thera

=Visuddhimagga translation(The Path of Purification)=Bhikkhu Nanamoli

=Life of the Buddha=Bhikkhu Nanamoli thera

=Digha Nikaya and Majjhima Nikaya, the Dhammapada, the Udana and Itivuttaka; and its commentaries‘ translation=BPS verstion

=A Comprehensive Manual of Abhidhamma=Nanamoli thera စသည်တို့ဖြစ်ကြပါသည်၊၊

BPSစာအုပ်တိုက်ကြီးသည် စာအုပ်ထုတ်ဝေရေးနှင့်အရောင်းဆိုင်သာမန်မျှ မဟုတ်သည့်အားလျော်စွာ နယ်ပယ်အလိုက်နှံ့စပ်ကျွမ်းကျင်သည့် ပညာရှင်များကိုEditorများအဖြစ်ခန့်အပ်၍ ပါဠိတော်၊ အဌကထာ၊ ဋီကာနှင့် အခြားစာအုပ်အဖြစ်သို့မရောက်သေးသည့် ရှားပါးပါဠိပေမူများကို တည်းဖြတ်သုတ်သင်ခြင်းလုပ်ငန်းများနှင့်၊ ဘာသာပြန်လုပ်ငန်းများကို ကျယ်ပြန့်စွာလုပ်ဆောင်လျက် ရှိပါသည်၊၊

စာအုပ်တိုက်ကြီးတွင် အင်္ဂလိပ်စာပေနှင့် နိုင်ငံတကာဘာသာစကားများကို ကျွမ်းကျင်တတ်မြောက် သည့် Editor ကြီးများအဖြစ် ဂျာမန်ဆရာတော် ညာဏပုဏ်ဏိက၊ အမေရီးကားဆရာတော် ဘိက္ခုဗောဓိနှင့် ညာဏတုဿိတဆရာတော်တို့မှသီရိလင်္ကာပြည်တွင်းပါဠိပညာရှင်များနှင့်လက်တွဲ လျက် ဦးဆောင်ခဲ့ကြပါသည်၊၊

စာအုပ်တိုက်ကြီးမှကျမ်းစာများကို တည်းဖြတ်ထုပ်ဝေခြင်းအပြင် ပြင်ပစာရေးဆရာအသီးသီးတို့မှ ထုပ်ဝေလိုသည့်စာအုပ်နှင့်ကျမ်းများကိုလည်း စီစစ်လက်ခံထုပ်ဝေပြီး၊ ထိုစာအုပ်များကိုပြန်လည် ရောင်းချဖြန့်ဖျူးရာတွင်“Non-Profit System”ကိုအသုံးပြု၍ ရောင်းဈေးကိုစာအုပ်တိုက်ကြီး ထာဝရ လည်ပတ်နိုင်ရုံမျှကိုသာ တန်ဖိုးအဖြစ်သတ်မှတ်ပြီး ထုပ်ဝေရောင်းချလျက်ရှိသည့်အတွက် ဈေးနှုံးအ ထူးချိုသာလှပါသည်၊၊

ထို့အပြင် စာအုပ်တိုက်ကြီးမှ“Research Journal”ကြီးနှစ်စောင်ကို လစဉ်ထုပ်ဝေလျက်ရှိပြီး၊ ထိုသု တေသနမဂ္ဂဇင်းတွင်ပါဝင်ရေးသားသမျှ စာတမ်းများမှာလည်းစာပေအဆင့်အတန်း အထူးမြင့်မား သည်ကို တွေ့ရပါသည်၊၊ သုတေသနမဂ္ဂဇင်းဟု သာမန်ခေါ်ဆိုထားသော်လည်း ကျမ်းကြီးများအသွင် ခန့်ငြား သည့်စာအုပ်ဆိုက် ရေးသားပုံများဖြင့် ထုပ်ဝေသည်ကိုတွေ့ရပါသည်၊၊

BPS စာအုပ်တိုက်ကြီးသည် ကမ္ဘာ့ဗုဒ္ဓဘာသာစေတနာရှင်သူဌေးကြီးများ၏ ထောက်ပံ့မှု၊ သီရိလင်္ကာ စေတနာရှင်အများ၏ထောက်ပံ့မှု၊ ကျမ်းစာအုပ်ရောင်းရငွေများဖြင့် ဘဏ္ဍာရေးကိုစနစ်တကျ လည်ပတ် နေသည်ဟု သိရပါသည်၊၊

ပညာရှင်များဆွေးနွေးပွဲကြီးများ၊ နှီးနှောဖလှယ်ပွဲကြီးများ၊ စာတမ်းဖတ်ပွဲများနှင့်၊ ပါဠိစာပေနှင့်အင်္ဂ လိပ်စာ လပိုင်းသင်တန်းများကိုသင်ကြားပို့ချခြင်းများကိုလည်း နှစ်ပြည့်စာအုပ်တိုက်ကြီး၏ ခန်းမကြီး များထဲတွင် လုပ်ဆောင်ပါသည်၊၊

စာအုပ်တိုက်ကြီးတွင် အုပ်ချုပ်ရေးအဖွဲ့များ၊ ပညာရှင်အဖွဲ့များ၊ ဘဏ္ဍာရေးအဖွဲ့များနှင့် အထွေထွေလုပ် သားများကို အဆင့်ဆင့်ဖွဲ့စည်းတည်ဆောက်ထားပုံမှာ တက္ကသိုလ်တစ်ခုနှင့်ပင်မခြား အလားတူဖြစ် နေသည်ကို တွေ့ရပါသည်၊၊

“BPS”စာအုပ်တိုက်ကြီးသည် သီရိလင်္ကာနိုင်ငံ၏ဒုတိယမြို့တော် ကန္ဒီမြို့၏အရှေ့မြောက်အရပ်၊ အေးမြ ကြည်လင်သည့်ရေကန်ကြီးနဘေးတွင်တည်ရှိပြီး၊ သီရိလင်္ကာနိုင်ငံ-ဗုဒ္ဓမြတ်စွယ်တော်အစစ်တည်ရှိရာ ဆွယ်တော်တိုက်ကြီး၏အရှေ့ဘက် မီတာ(၄၀၀)အကွာတွင် တည်ရှိပါသည်၊၊

“Buddhist Cultural Center=စာအုပ်တိုက်”

သီရိလင်္ကာနိုင်ငံ၏ ကမ္ဘာ့ဗုဒ္ဓစာပေဖြန့်ချီရေး ဒုတိယအကြီးဆုံးစာအုပ်တိုက်ကြီးမှာ“BCC”ဟုအတို ကောက်ခေါ်တွင်သော“Buddhist Cultural Center”ဖြစ်ပါသည်၊၊

BCCစာအုပ်တိုက်ကြီးကို သီရိလင်္ကာနိုင်ငံ၊ Venerable Kirama Wimalajothi Thero(ဆရာတော် ဦးဝိမလဇောတိ)မှ (1992), January-2ရက်နေ့တွင် စတင်တည်ထောင်ခဲ့ပါသည်၊၊

BCCစာအုပ်တိုက်ကြီးတည်ထောင်သူ ဆရာတော် ၀ိမလဇောတိအရှင်မြတ်သည် စာအုပ်တိုက်ကြီးကို မတည်ထောင်ခင်က မလေးရှား၊ စင်္ကာပူနှင့်၊ အမေရီးကားနိုင်ငံတို့တွင် သာသနာပြုသီးတင်းသုံးသည့် ဆရာတော်ကြီး ဖြစ်ပါသည်၊၊

ဆရာတော် ဒေါက်တာကေသရီဓမ္မာနန္ဒသည် စာအုပ်တိုက်ကြီး၏ နာယကဆရာတော်အဖြစ်ဦးဆောင် လျက်၊ စာအုပ်တိုက်ဖွင့်ပွဲသို့ အဂ္ဂမဟာပဏ္ဍိတ ဗေလံဂေါဓ-အာနန္ဒာမေတ္တေယျဆရာတော်၊ မဒိဟေ-ပညာသီဟဆရာတော်နှင့် အဂ္ဂမဟာပဏ္ဍိတဝေါပိုလာ-ရာဟုလာတို့ တက်ရောက်ခဲ့ကြပါသည်၊၊

ဆရာတော် ၀ိမလဇောတိသည် သီရိလင်္ကာနိုင်အနေဖြင့် ထေရ၀ါဒဗုဒ္ဓဘာသာနိုင်ငံဖြစ်လင့်ကစား ထေရ၀ါဒဗုဒ္ဓဘာသာယဉ်ကျေးမှုနှင့်၊ ဗုဒ္ဓပိဋတ်စာပေကို ကမ္ဘာသို့ဖြန့်ဝေသည့်စာအုပ်တိုက်ကြီးကြီးမား မားမရှိသည်ကို အားရကျေနပ်ခြင်းမရှိသဖြင့် BCC စာအုပ်တိုက်ကြီးကို ဖွင့်လှစ်ရန်အကြံဖြစ်ပေါ်ခဲ့ ခြင်းဖြစ်ပါသည်၊၊

စာအုပ်တိုက်ကြီးသည် ဗုဒ္ဓဘာသာယဉ်ကျေးမှုနှင့် ဗုဒ္ဓစာပေများကိုဖြန့်ဖြူးရောင်းချရုံမျှမက၊ တိုးချဲ့၍ စာကြည့်တိုက်ကြီးကိုပါ ဖွင့်လှစ်ထားပါသည်၊၊ ထိုစာကြည့်တိုက်ကြီးသည် ကမ္ဘာ့အကြီးဆုံးဗုဒ္ဓဘာသာ စာကြည့်တိုက်အဖြစ် မှတ်တမ်းတင်ထားရပါသည်၊၊

BCC စာပေဖြန့်ချီရေးမှ ပိဋတ်ပါဠိတော် အဌကထာနှင့် ဋီကာကျမ်းများကို ပညာရှင်အဖွဲ့များဖွဲ့စည်း၍ အင်္ဂလိပ်ဘာသာပြန်ခြင်း၊ တည်းဖြတ်သုပ်သင်ခြင်းလုပ်ငန်းများကိုလည်း ပြုလုပ်လျက်ရှိပါသည်၊၊

ကလေးငယ်များအတွက် ခက်ခဲသည့်ပါဠိစာပေမှ ဇာတ်လမ်းများ၊ သင်ပြဟောပြောမှုများကိုလည်း နားလည်ရလွယ်ကူသည့် အင်္ဂလိပ်စကားပြေများဖြင့် ဘာသာပြန်လုပ်ငန်းကြီး ကျယ်ပြန့်စွာလုပ်ဆောင် ပါသည်၊၊

ထေရ၀ါဒဗုဒ္ဓစာပေပိဋကျမ်းစာများအပြင် မဟာယာနပိဋကတ်ကျမ်းများဖြန့်ချီလျက်ရှိပြီး၊ အခြားသော နိုင်ငံတကာ အဘိဓာန်ကျမ်းများကိုလည်း ဈေးသက်သာသည့်စာရွက်များဖြင့် ပြန်လည်ပုံနှိပ်ပြီးဖြန့်ဝေ လျက်ရှိပါသည်၊၊

2011-ခုနှစ်တွင် အသစ်တိုးချဲ့ဖွင့်လှစ်သည့် ကိုလမ်ဘိုမြို့တော်ရှိ“BCC”စာအုပ်တိုက်ကြီးတွင် စာအုပ် ဖြန့်ချီရေးနှင့်အရောင်းစင်တာ၊ စာကြည့်တိုက်တို့အပြင်၊ စာပေဟောပြောပွဲများ၊ ဘာသာရေးအခန်း အနားများ၊ စည်းဝေးပွဲကြိးများနှင့်၊ နိုင်ငံတကာအဆင့်မှီ“Conference”ကြီးများကျဉ်းပနိုင်လောက် သည့်ခန်းမကြီးများကိုပါ တိုးချဲ့ထားပါသည်၊၊

သီရိလင်္ကာပြည်သူတို့အကြားတွင် အထူးအရေးပါသည့် ဗုဒ္ဓဘာသာယဉ်ကျေးမှုသင်တန်းကျောင်းတစ် ခုဖြစ်သည့် “ဒဟံပါစလ(ခေါ်)Sunday School”သင်ရိုးစာအုပ်များကိုလည်း BCCစာအုပ်တိုက်ကြီးမှပင် တစ်နိုင်ငံလုံးအတွက် တာဝန်ယူထုပ်ဝေပါသည်၊၊

သီရိလင်္ကာနိုင်ငံ၏ရှေးဟောင်းစာပေများနှင့် ယဉ်ကျေးမှုစာအုပ်အမျိုးမျိုး၊ ကျမ်းအမျိုးမျိုးကို စီဟဠိဘာ သာဖြင့်ထုတ်ဝေရာတွင် ဤစာအုပ်တိုက်ကြီးသည် အဦးဆုံးနှင့်အတွင်ကျယ်ဆုံးအောင်မြင်သည့် စာ အုပ်တိုက်ကြီး ဖြစ်ပါသည်၊၊

“BCC”စာအုပ်တိုက်ကြီးသည် မူလတည်နေရာအားဖြင့်(Dehiwala city)ဒေဟိဝလမြို့နယ်တွင် တည်ရှိ ပါသည်၊၊ ယ္ခုအခါ(Colombo,capital of Srilanka)ကိုလံဘိုမြို့တော်နှင့်၊ သီရိလင်္ကာနိုင်ငံ၏ နိုင်ငံတ ကာလေဆိပ်ကြီးအနီး(Katunayaka city)ကတုနာယကမြို့တို့တွင် တည်ရှိပါသည်၊၊

သီဟိုဠ်ပြည်ဟု ရှေးယ္ခင်ကခေါ်တွင်သော သီရိလင်္ကာနိုင်ငံသည် အနုရာဓပူရခေတ်နှင့် ပေါလန္နရုဝ ခေတ်များတွင် အရှင်မဟာဗုဒ္ဓဃောသ၊ အရှင်ဓမ္မပါလစသည့်မထေရ်အကျော်တို့မှ ပါဠိတော်များ၏ အဖွင့် အဌကထာကျမ်းများစွာကို ရေးသားခဲ့သောကြောင့် ဗုဒ္ဓဘာသာနိုင်ငံများအားလုံးမှ လေးစားရ သည့်အရိယနိုင်ငံတော်ကြီး ဖြစ်ခဲ့ရပါသည်၊၊

မျက်မှောက်ခေတ်တွင်လည်း “BPS”စာအုပ်တိုက်ကြီးနှင့် “BCC”စာအုပ်တိုက်ကြီးများကဲ့သို့ ကမ္ဘာ့အ ဆင့်မှီသည့်စာအုပ်တိုက်ကြီးများမှ ပါဠိတော် အဌကထာနှင့် ဋီကာစသည့်ကျမ်းကြီးများကို ပညာရှင်အ ဖွဲ့များဖွဲ့စည်း၍၊ တည်းဖြတ်သုပ်သင်၊ အင်္ဂလိပ်ဘာသာနှင့် အခြားသော ပြင်သစ်၊ ဂျပန်၊ တရုပ်၊ ကိုးရီး ယားစသည့်ဘာသာများသို့ ပြန်ဆိုကြီး ကမ္ဘာသို့ဖြန့်ဝေနိုင်သောကြောင့် ဗုဒ္ဓဘာသာပညာရေးအင်အား အကောင်းဆုံးနိုင်ငံတော်ကြီး ဖြစ်နေရပါတော့သည်၊၊

ထေရ၀ါဒဗုဒ္ဓဘာသာထွန်းကားသည့် အမိမြန်မာနိုင်ငံတော်တွင်လည်း သီရိလင်္ကာနိုင်ငံမှ စာအုပ်တိုက် ကြီးများကဲ့သို့ ပါဠိစာပေကိုကမ္ဘာ့သုံး အင်္ဂလိပ်၊ ပြင်သစ်၊ တရုပ်၊ ဂျပန်စသည့်ဘာသာများဖြင့်ရေးသား ဖြန့်ချီနိုင်သည့် စာအုပ်တိုက်ကြီးများပေါ်ပေါက်သင့်လှပါကြောင်း တင်ပြလိုက်ရပါသည်၊၊ ၊၊

အရှင်ကေ၀လ(အလင်းစက်)

{မဟာဝိဇ္ဇာ-သီရိလင်္ကာ}

မကုဋာရာမမြန်မာကျောင်းတိုက်၊

ကိုလံဘိုမြို့၊ သီရိလင်္ကာနိုင်ငံ၊၊

အပြည့်အစုံသို့....