“မင်္ဂလာ နှစ်ဦး”

မြန်မာနှစ်ဦး မင်္ဂလာအခါမှသည် တစ်နှစ်တာပတ်လုံး “အလင်းစက်” စာဖတ်သူ များနှင့်၊ မြန်မာပြည်သူ/ ပြည်သားများအားလုံး ဘေးရန်ကင်း၍ ချမ်းသာကြပါစေကြောင်း ရှေးဦးစွာ ဆုမွန်ချွေ လိုက်ရပါသည်၊၊

ယနေ့သည် (၁၃၇၇) ခု၊ ကဆုန်လဆန်း (၁) ရက်၊ မြန်မာနှစ်ဆန်း (၂) ရက်နေ့ ဖြစ်ပါသည်၊၊ မြန်မာနိုင်ငံ တွင် လမ်းတိုင်းလမ်းတိုင်းနှင့် အိမ်တိုင်းအိမ်တိုင်းနီးပါးတို့တွင် သင်္ကြန်တွင်း ပျော်ပွဲရွှင်ပွဲများ ဆင်နွှဲခဲ့ ကြပြီးနောက်၊ ပရိတ်တနားတော်များ ယူလေ့ရှိသည့်အချိန်ဖြစ်ပါသည်၊၊

အရှင် သီရိလင်္ကာနိုင်ငံသို့ လာရောက်၍ပညာသင်ယူနေသည်မှာ (၆)နှစ်ရှိခဲ့ပြီ ဖြစ်ပါသည်၊၊ ခြောက် နှစ်တာလုံးနီးပါးမျှ ဒကာ ဒကာမများရှေ့တွင် တင်ပလ္လင်ခွေ၍မထိုင်ခဲ့ရပါ၊ တရားဟောဖို့ဆိုတာတော့ အလွန်ဝေးသည့် အခြေအနေဖြစ်ပါသည်၊၊ အကြောင်းက သီရိလင်္ကာနိုင်ငံတွင် မြန်မာပြည်သူ/သား မရှိသလောက်ရှား၍ ဖြစ်ပါသည်၊၊

တစ်နေ့က စာရေးနေတုန်း သီရိလင်္ကာနိုင်ငံဆိုင်ရာ မြန်မာသံအမတ်ကြီးထံမှ မခေါ်သဖူး ဖုံးခေါ်လာ ပါသည်၊၊ လေးလေးစားစားပင် ပြန်ဖြေလိုက်ပါသည်၊၊ အကြောင်းက “အရှင်ဘုရား ဦးဆောင်၍ သံဃာ တော်ငါးပါး သံရုံးသို့ကြွရောက်ပြီး၊ ပရိတ်ရွတ်ဖတ်၊ တရားဟောပြောပေးပါ”ဟု လျောက်ထားခြင်း ဖြစ်ပါသည်၊၊

“ခေါင်းပေါ် အုန်းသီးပြုပ်ကျသည့်အလား” လန့်သွားပါသည်၊ အကြောင်းက-သီရိလင်္ကာသို့ ရောက်က တည်းက တရားဟောဖို့နေနေသာသာ သင်္ကန်းပင်ကောင်းကောင်း မရုံရဘူးသောကြောင့် ဖြစ်ပါသည်၊၊ တရားဟောရန်ကလည်း မြန်မာနိုင်ငံတုန်းက ကျက်မှတ်ခဲ့သည့် တရားဇာတ်လမ်းများ၊ ဂါထာများ၊ တေးထပ်၊ ရတုများ၊ စကားပြောအတိုအထွာလေးများ အားလုံးအားလုံးလိုလို မေ့ပျောက်ကုန်ပြီ ဖြစ်ပါသည်၊၊

နိုင်ငံခြားမှာ သင်ယူနေရသည့်စာနှင့် မြန်မာနိုင်ငံမှာ သင်ခဲ့ရသည့်စာများကလည်း အလွန်ကိုကွာခြား သည့်အတွက် ဗုဒ္ဓစာပေကို ဒီမှာသင်ယူထားသည့်အတိုင်းသာ ပရိတ်သတ်ကို တရားလုပ်၍ဟောပြော မိလျင် “ငါတို့ ဦးဇင်းတော့ နိုင်ငံခြားကျောင်းတက်ပြီး, အယူမှားတွေ ၀င်နေပြီ၊ အဓမ္မ၀ါဒတွေ ၀င်နေပြီ” ဟုအထင်ခံရမှာ မလွဲပါခြေ၊၊ 

သံအမတ်ကြီးကိုယ်တိုင် လျောက်ထားသည်ဆိုတော့ ငြင်းဖို့လဲမတတ်သာတာကြောင့် “ဒကာကြီး, ဟုတ်ကဲ့ပါ”ဟုသာ အကြောင်းပြန်လိုက်ပြီး၊ ထိုနေ့မှစ၍ မိနစ်(၂၀)စာ တရားဟောဖို့အရေး ခေါင်းလေး ၍သာ နေခဲ့ပါတော့သည်၊၊

သူငယ်ချင်းများကို တိုက်တွန်းတော့လည်း “တို့က ၀တ္ထုမရချင်နေပါစေဗျာ, တရားတော့ မလုပ်ရဲဘူး ဗျို့”ဟုသာ ခပ်နောက်နောက်အကြောင်း ပြန်ကြလေသည်၊၊ သူတို့လန့်မယ်ဆိုလဲ လန့်လောက်စရာပင် ယခင်နှစ်က “ပညာတော်သည့် ဆရာတော်တစ်ပါး တရားလည်နေသည်မှာ သုံးနာရီခန့်မပြီးတော့” ဟု စကြပြောင်ကြသည်ကို ကြားရပါသည်၊၊

မှန်ပါသည်၊ ဓမ္မကထိက-တရားဟောဆရာတော်များအတွက် မိုက်ကောင်းကောင်းနှင့် ဟဲရလျင် သုံးနာရီခန့် မနားတမ်းပြောဟောနိုင်သော်လည်း ပညာရေးသမား ဆရာတော်နှင့် ဦးဇင်းများအတွက်မူ ဆယ်မိနစ်စာတရားပင် ပြေပြေလည်လည်မဖြစ်သည်ကများပါသည်၊၊

 အရှင် ကိုယ်တိုင်လည်း မုဒုံမြို့တွင် သူငယ်ချင်းများက အတင်းတွန်းတင်သဖြင့် တရားဟောရာ၊ ပရိသတ်က တထောင်ကျော်လောက်ဖြစ်နေသည့်အတွက် တရားပွဲအပြီးသတ်၍မရဘဲ၊ တ၀က်ခန့်တွင် ခဏနားချိန်ယူမည်ဟု အကြောင်းပြပြီး၊ တရားပွဲမှလစ်ပြေးခဲ့ ဘူးပါသည်၊၊

မလေးရှားနိုင်ငံတွင် ဘုရားဖူးသွားစဉ်ကလည်း၊ ဘုရားဖူးနေစဉ် မြန်မာသံဃာမရှိသည့် နယ်မြို့တွင် (၂)နှစ်ခန့် အလုပ်လုပ်နေကြသည့် မြန်မာအမျိုးသား/ အမျိုးသ္မီးများ(၅၀)ခန့် ကားကြီးတစ်စီးနှင့် ရောက်လာပြီး၊ ဆုံတွေ့သောအခါ တရားမနာရသည်မှာ အလွန်ကြာလှပြီဖြစ်၍ “အရှင်ဘုရား တရားတစ်ပုဒ် ဟောပြောပေးပါ”ဟု ၀ိုင်းလျောက်ကြပါသည်၊၊

“နိုင်ငံခြားသားများနှင့် ဗိုလိုပြောဆိုနေသည့် သီရိလင်္ကာကျောင်းတက် ဦးဇင်း”ဟု အထင်ကြီးကြဟန် ရှိပါသည်၊၊ ပြေးပေါက်မရှိတော့သဖြင့် ဟောပေးပါ့မယ်ဟု အကြောင်းပြန်လိုက်ရပါသည် “စမုန်ညှင်း” ဘုရားဝိုင်းကြီးအတွင်း တရားဟောပလ္လင်စီစဉ်ကြပါတော့သည်၊၊

ပါရမီတော်(၁၀)ပါးကို မဟာကပိဇာတ်လမ်း နောက်ခံကြောရိုးပြု၍ တရားဟောပြောပေးလိုက်သောအခါ မလေးရှားနိုင်ငံရောက် မြန်မာပြည်ဖွား ညီအစ်ကိုမောင်နှမများ မျက်ရည်ကျသည့်အထိ ၀မ်းသာနေကြသည်ကို တွေ့ခဲ့ရပါသည်၊၊

ကျောင်းပြန်ရောက်သောအခါ ဘုရားသို့လိုက်ပို့ပေးသူ ဒကာတော်မှ တရားဟောမူဗီကိုပေးသဖြင့် ပြန် ကြည့်သောအခါ ပါရီတော်ဆယ်ပါးမှ တစ်ပါးလျော့ပြီးဟောခဲ့မိသည်ကို သဘောကျနေမိပါတော့သည်၊၊ သည်မျှအထိ အဆင်မပြေသည့်အခြေအနေ ဖြစ်ပါသည်၊၊

ယနေ့တော့ဖြင့် “နိုင်ငံခြားမှာ ကျောင်းတက်နေသည့် ဦးဇင်း”ဟု အထင်ရှိထားကြသည့် သံရုံးဒကာ ဒကာမများရှေ့တွင် အရှက်မကွဲရလေအောင် ဆရာတော်များဟောသည့် တရားအသံဖိုင်များကို စုစည်း၊ လိုချင်သည်များကို မှတ်စုတွင်ရေးခြစ်၍၊ အနှီ,တရားတိုလေးတစ်ပုဒ်ကို စီစဉ်ထားလိုက်ရတော့သည်၊၊ 

တရားတိုလေးတစ်ပုဒ်ကို အိုင်ပက်ထဲတွင် ရေးသားပြီး၊ ကျက်နေခဲ့ရသည်မှာလည်း အတော်လေးရက် ရှိသွားပါသည်၊၊ ဒီလိုနဲ့ပဲ ပရိတ်တရားပွဲလေး ကျင်းပရန်ဖိတ်မန်ထားသည့် မြန်မာနှစ်ဆန်း (၂)ရက်နေ့ သို့ ရောက်ခဲ့ရတော့သည်၊၊

သုံးဆယ့်ခုနှစ်မင်း ပူးသည့်အလား ရင်ခုံနေခဲ့မိသည်၊၊ သို့ပေသည့်..ဟန် ကိုယ့်ဖို့…ဆိုသလို ခပ်တည်တည် သူငယ်ချင်းဆရာတော်များနှင့်အတူ လာရောက်ပင့်သည့်ကားနှင့် သံရုံးဆီသို့ ဦးတည်ခဲ့ကြတော့သည်၊၊

အစီအစဉ်အတိုင်း ပြုနေကြအစီစဉ်များကို ပြုပြီးနောက်၊ တရားဟောရန်အချိန်သို့ ဆိုက်ရောက်ခဲ့သည်၊ သံရုံးမိသားစုများမှာ ရာထူးရှိသူများဖြစ်ကြသော်လည်း ကိုယ့်ကိုချစ်ခင်ကြပြီးသူများဖြစ်သည့်တိုင် တရားဟောရန်စတိုင်ဖမ်းထားရသည်ဆိုတော့ သူတို့မျက်နှာရဲရဲ မကြည့်ရဲပေ၊၊

နိဒါန်းအနည်းငယ်ချီပြီးနောက်၊ ပရိတ်ရွတ်ဖတ်သူ+နာကြားသူတို့၍ သန္တာန်တွင်တည်ရှိရမည့် အရည် အသွေးအင်္ဂါရပ်(၆)မျိုးကို ခေတ်အမြင်ခေတ်အတွေးအခေါ်လေးများရောစပ်၍ တစ်နာရီခန့် ဟောပြောလိုက်ပါသည်၊၊

အနက်ဆန်လှသည့် အမွှန်းဂါထာလေးနှစ်ပုဒ်ကိုလည်း စိန်အောင်မင်းလေသံ ဖမ်း၍ရွတ်ဆိုပြီး၊ ပရိတ် တရားပွဲလေး တစ်နာရီကျော်ကျော်ခန့်ဖြင့် ပြီးဆုံးသွားပါတော့သည်၊၊ နာယူသူပရိတ်သတ်နှင့် သူငယ် ချင်းဆရာတော်များမှ “ငါ့လူအသံက အောင်တယ်၊ ကောင်းတယ်”ဟု ချီးမွှန်းကြသောကြောင့် အတန် ပင်ဘ၀င်လေဟပ်မိပြန်သည်၊၊

ဦးဝိစိတ္တကြီးကတော့ “ကိုယ့်လူ အသံကောင်းတယ်၊ အောင်တယ်၊ ပွဲခင်းထဲမှာ ဆီးပေါင်းထုပ်ရောင်းရင် အတော်ရောင်းရမှာ”ဟု ထောပနာပြုပါသည်၊၊ မည်သို့ဆိုစေ သီရိလင်္ကာနိုင်ငံဆိုင်ရာ မြန်မာသံရုံး ကြီးအတွင်း ပရိတ်တော်များရွတ်ဖတ်ပူဇော်ခွင့်နှင့်၊ တရားတော်များဟောပြောခွင့်ကို ရရှိသည့်အတွက် ကျေနပ်မိပါသည်၊၊ သံအမတ်ကြီးနှင့် သံရုံးမိသားစုများကိုလည်း ယ္ခင်ထက်ပို၍ ရင်းနှီးကျွမ်းဝင် ခင်မင်မိသည်၊၊

“အလင်းစက် ဘုန်းဘုန်း”ဟု ယ္ခင်ကတည်းကပင်ခေါ်ကြသည့် သံရုံးမိသားစုများနှင့်အတူ ဦးဇင်း တည်ထောင်ထားသည့် “အလင်းစက်”၀က်ဆိုက်စာမျက်နှာသို့ လာရောက်၍ စာပေဗဟုသုတယူကြသော စာဖတ်သူများအားလုံး (၁၃၇၇) ခု၊ မြန်မာနှစ်ဆန်း (၂)ရက်နေ့မှသည့် တစ်နှစ်တာ၊ ဘ၀တစ်သက်တာ ကျန်းမာခြင်း ချမ်းသာခြင်းများစွာနှင့်အတူ ကိုယ်စိတ် အေးချမ်းကြပါစေကြောင်း နှစ်ဦးမင်္ဂလာ ဆုတောင်းပေးလိုက်ရပါသည်၊၊                       ၊၊

ချစ်ခင် လေးစားလျှက်, 

               အလင်းစက်, အရှင်ကေ၀လ

  M.Phil (University of Kelaniya, Sri Lanka)

                {မဟာဝိဇ္ဇာ၊ သီရိလင်္ကာ}

                (Date - 18/ 04/ 2015)